စံးထီၣ်ပတြၢၤ 109:31 - Sgaw Karen Common Bible

³¹ အဂ့ၢ်ဒ်အံၤ, အဝဲဂဲၤဆၢထၢၣ်လၢ ပှၤလိၣ်ဘၣ်တၢ်မၤစၢၤအစုထွဲ ဒ်သိးကအုၣ်က့ၤခီၣ်က့ၤအီၤလၢ ပှၤလၢအစံၣ်ညီၣ်အီၤဆူတၢ်သံအဂီၢ်န့ၣ်လီၤ.

စံးထီၣ်ပတြၢၤ 109:31 Iomraidhean Croise

စံးထီၣ်ပတြၢၤ 10:14

ဘၣ်ဆၣ်နထံၣ်နဲလီၤ. နပာ်သူၣ်ပာ်သးလၢ တၢ်ကီတၢ်ခဲဒီးတၢ်မၤကိၢ်မၤဂီၤ ဒ်သိးနကဟ့ၣ်ကၣ်တၢ်လၢနစုအဂီၢ်န့ၣ်လီၤ. ပှၤလၢပှၤမၤစၢၤအီၤတအိၣ်ဘၣ်န့ၣ် ဟ့ၣ်လီၤအသးလၢနစုပူၤ, နမ့ၢ်နဲပှၤမၤစၢၤပှၤလၢ အလိၣ်ဘၣ်တၢ်မၤစၢၤထီဘိန့ၣ်လီၤ.

စံးထီၣ်ပတြၢၤ 109:16

အဂ့ၢ်ဒ်အံၤ, အဝဲတဆိကမိၣ်ထီၣ် တၢ်မၤဂ့ၤအဂ့ၢ်နီတစုဘၣ်. အဝဲမၤအၢမၤနးဒီးမၤသံပှၤဖှီၣ်ဖိယာ်ဖိ, ပှၤလိၣ်ဘၣ်တၢ်မၤစၢၤဒီးပှၤလၢတၢ်မၤစၢၤအီၤ တအိၣ်ဘၣ်န့ၣ်လီၤ.

စံးထီၣ်ပတြၢၤ 110:5

ယွၤအိၣ်လၢနစုထွဲတခီလီၤ. လၢအသးထီၣ်အမုၢ်နံၤန့ၣ်အဝဲကမၤဟးဂီၤကွံာ် စီၤပၤတဖၣ်န့ၣ်လီၤ.

စံးထီၣ်ပတြၢၤ 121:5

ယွၤမ့ၢ်ပှၤလၢအကွၢ်လီၤနၤလီၤ. ယွၤမ့ၢ်နတၢ်ကဒုအိၣ်လၢနစုထွဲတခီလီၤ.

စံးထီၣ်ပတြၢၤ 140:12

ယွၤဧၢ, ယသ့ၣ်ညါလၢ နဒီဒၣ်အိၣ်ပှိၤပှၤဖှီၣ်ဖိယာ်ဖိ အတၢ်ဂ့ၢ်တၢ်ကျိၤ, ဒီးပှၤလိၣ်ဘၣ်တၢ်မၤစၢၤ အတၢ်ခွဲးတၢ်ယာ်တဖၣ်န့ၣ်လီၤ.

စံးထီၣ်ပတြၢၤ 16:8

ယသ့ၣ်ညါထီဘိလၢယွၤအိၣ်ဒီးယၤန့ၣ်လီၤ. အဝဲဒၣ်အိၣ်ဘူးဒီးယၤအဃိ, တၢ်လၢကမၤဟူးဝးယၤတအိၣ်နီတမံၤဘၣ်.

စံးထီၣ်ပတြၢၤ 68:5

ကစၢ်ယွၤလၢအအိၣ်လၢအလီၢ်စီဆှံအပူၤန့ၣ် မ့ၢ်ပှၤဖိၣ်ဃဲအပၢ်ဒီးပှၤလၢကဟုဘံၣ်ကယာ်ဘၢ မုၣ်ကမဲသ့ၣ်တဖၣ်န့ၣ်လီၤ.

စံးထီၣ်ပတြၢၤ 72:4

မ်စီၤပၤကအိၣ်ဂၢၢ်ဆိးကျၢၤဝဲ ကအုၣ်က့ၤခီၣ်က့ၤပှၤလၢ အလိၣ်ဘၣ်တၢ်သ့ၣ်တဖၣ် ဒီးကမၤလီၤကလဲပှၤမၤနးမၤဖှီၣ် တၢ်တဖၣ်န့ၣ်တက့ၢ်.

စံးထီၣ်ပတြၢၤ 73:23

မ့ၢ်နာ်သက့ဒ်န့ၣ်ဒီး, ယအိၣ်ဘူးဒီးနၤတထံၣ်ဃီ ဒီးနဟံးထီၣ်ယစုထွဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.