စံးထီၣ်ပတြၢၤ 109:30 - Sgaw Karen Common Bible

³⁰ ယကစံးဘျုးယွၤလၢယကလုၢ်ဖးဒိၣ်လီၤ. ယကစံးထီၣ်ပတြၢၤအီၤလၢပှၤအါဂၤအကျါလီၤ.

စံးထီၣ်ပတြၢၤ 109:30 Iomraidhean Croise

စံးထီၣ်ပတြၢၤ 107:32

မ်အဝဲသ့ၣ်ပာ်ထီၣ်ထီအီၤလၢ အပှၤဂီၢ်မုၢ်အတၢ်အိၣ်ဖှိၣ်အပူၤ, ဒီးစံးထီၣ်ပတြၢၤအီၤလၢပှၤသူၣ်က့သးပှၢ်တဖၣ် အတၢ်အိၣ်ဖှိၣ်အပူၤန့ၣ်တက့ၢ်.

စံးထီၣ်ပတြၢၤ 111:1

စံးထီၣ်ပတြၢၤယွၤတက့ၢ်. ယကစံးဘျုးယွၤလၢယသးဒီဖျၢၣ်ညါ လၢအပှၤဂီၢ်မုၢ်အတၢ်အိၣ်ဖှိၣ်အပူၤန့ၣ်လီၤ.

စံးထီၣ်ပတြၢၤ 138:1

ယွၤဧၢ, ယစံးထီၣ်ပတြၢၤနၤလၢ ယသးဒီဖျၢၣ်ညါ, ယသးဝံၣ်စံးထီၣ်ပတြၢၤနၤလၢ ကစၢ်သ့ၣ်တဖၣ်အမဲာ်ညါလီၤ.

စံးထီၣ်ပတြၢၤ 138:4

ယွၤဧၢ, ကယဲၢ်ဟီၣ်ခိၣ်အစီၤပၤခဲလၢာ် ကစံးထီၣ်ပတြၢၤနၤ, အဂ့ၢ်ဒ်အံၤ, အဝဲသ့ၣ်နၢ်ဟူတ့ၢ်လံ နတၢ်ကတိၤလၢနထးခိၣ်လံန့ၣ်လီၤ.

စံးထီၣ်ပတြၢၤ 35:18

အန့ၣ်ဒီးယကစံးဘျုးစံးဖှိၣ်နၤလၢ ပှၤဂီၢ်မုၢ်ဖးဒိၣ်အမဲာ်ညါ, ယကစံးထီၣ်ပတြၢၤနၤလၢ ပှၤဂီၢ်မုၢ်ဂီၢ်ပၤအမဲာ်ညါန့ၣ်လီၤ.

စံးထီၣ်ပတြၢၤ 7:17

ယကစံးထီၣ်ပတြၢၤယွၤဒ်အတၢ်တီတၢ်လိၤအသိး ဒီးယကသးဝံၣ်စံးထီၣ်ပတြၢၤ တၢ်ထီကတၢၢ်ယွၤအမံၤန့ၣ်လီၤ.

စံးထီၣ်ပတြၢၤ 9:1

ယကစံးထီၣ်ပတြၢၤယွၤလၢယသးဒီဖျၢၣ်ညါ, ယကစံးဘၣ်တဲဘၣ်ယဲ နတၢ်မၤလီၤလးခဲလၢာ်လၢနမၤတ့ၢ်နဲလီၤ.

ဧ့ၤဘြံၤ 2:12

ဒီးစံးဝဲဒၣ်, “ယကဘိးဘၣ်သ့ၣ်ညါယဒီပုၢ်ဝဲၢ်သ့ၣ်တဖၣ်လၢနမံၤ ဒီးလၢအဝဲသ့ၣ်အတၢ်အိၣ်ဖှိၣ်အပူၤန့ၣ် ယကစံးထီၣ်ပတြၢၤနၤလီၤ.”