စံးထီၣ်ပတြၢၤ 109:3 - Sgaw Karen Common Bible

³ အဝဲသ့ၣ်ကတိၤအၢကတိၤသီတၢ်လၢ ယဂ့ၢ်ယကျိၤ ဒီးထီဒါယၤလၢ တၢ်ဂ့ၢ်တအိၣ်နီတမံၤဘၣ်အပူၤန့ၣ်လီၤ.

စံးထီၣ်ပတြၢၤ 109:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:12

ဒီးဖဲအဝဲလုၢ်ထီၣ်တၢ်လုၢ်တၢ်ပာ်တဖၣ်အခါနၣ်, စီၤအးဘၡါလိၣ်မၢပှၤလဲၤကိးန့ၢ်အီၤစီၤအဃံၤသဖ့လးလၢအမ့ၢ် စီၤပၤဒၤဝံးအပှၤဟ့ၣ်ကူၣ်ဟ့ၣ်ဖးတၢ်တဖၣ်အကျါတဂၤ, လၢအအိၣ်ဝဲလၢဝ့ၢ်ကံလိၤန့ၣ်လီၤ. တၢ်ကူၣ်အၢထီဒါစီၤပၤန့ၣ်, အဂံၢ်အဘါဆူၣ်ထီၣ်ဝဲ, ဒီးပှၤပိာ်စီၤအးဘၡါလိၣ်အခံန့ၣ်အနီၣ်ဂံၢ်အါထီၣ်ဝဲဒၣ်လီၤ.

စံးထီၣ်ပတြၢၤ 17:11

ဖဲယဃၣ်ဃီၤယသးတပူၤလၢ်လၢ်န့ၣ် အဝဲသ့ၣ်အိၣ်ဝးတရံးယၤ, ကွၢ်ဟုၣ်ကွၢ်စုာ်တၢ်ခွဲးတၢ်ယာ်လၢ အကထုးလီၤဃံၤယၤလီၤ.

စံးထီၣ်ပတြၢၤ 22:12

ဒုၣ်ဒါအါဂၤကဝီၤဃာ်ယၤဒ်ဂီၤဖံးဖါတဖၣ်အသိး, အဝဲသ့ၣ်အိၣ်ဝးတရံးယၤဒ်ဂီၤဖံးဖါလၢအအၢ လၢအအိၣ်လၢကီၢ်ဘၤၡၣ်အသိးန့ၣ်လီၤ.

စံးထီၣ်ပတြၢၤ 35:19

တဘၣ်ပျဲယဒုၣ်ယဒါလၢအလီတၢ်သ့ၣ်တဖၣ် သူၣ်ခုသးခုလၢ ယဘၣ်တၢ်မၤနၢၤယၤအဃိန့ၣ်တဂ့ၤ. တဘၣ်ပျဲပှၤလၢအသးဟ့ယၤကွၢ်တကျ့ယၤလၢ တၢ်ဂ့ၢ်တအိၣ်ဘၣ်နီတမံၤအပူၤန့ၣ်တဂ့ၤ.

စံးထီၣ်ပတြၢၤ 35:20

အဂ့ၢ်ဒ်အံၤ, အဝဲသ့ၣ်တဃုတၢ်ဃူတၢ်ဖိးဘၣ်. မ့မ့ၢ်ထီဒါပှၤလၢအအဲၣ်တၢ်ဃူတၢ်ဖိးလၢကီၢ်ပူၤ, ဒီးဆိကမိၣ်တၢ်ကတိၤလီန့ၢ်တၢ်တဖၣ်လီၤ.

စံးထီၣ်ပတြၢၤ 35:7

အဂ့ၢ်ဒ်အံၤ, လၢတၢ်ဂ့ၢ်တအိၣ်ဘၣ်နီတမံၤအပူၤန့ၣ်အဝဲသ့ၣ်ပာ်လီၤခူသူၣ် ပျံၤသကွီၤလၢယဂီၢ်, ဒီးခူၣ်တၢ်ပူၤယိာ်လၢယဂီၢ်လီၤ.

စံးထီၣ်ပတြၢၤ 69:4

ပှၤလၢအသးဟ့ယၤကလီကလီတဖၣ်န့ၣ် အိၣ်ဝဲအါန့ၢ်ယခိၣ်သူအဘိတက့ၢ်လီၤ. ပှၤလၢကမၤဟးဂီၤယၤ, ပှၤလၢအထီဒါယၤ လၢတၢ်လီတၢ်ဝ့ၤအပူၤတဖၣ်န့ၣ် အိၣ်ဝဲအါမးန့ၣ်လီၤ. အဝဲသ့ၣ်မၢ ယဟ့ၣ်ကဒါက့ၤတၢ်လၢ ယတဟုၣ်န့ၢ်အီၤဘၣ်လီၤ.

စံးထီၣ်ပတြၢၤ 88:17

အဝဲသ့ၣ်အိၣ်ဝးတရံးယၤဒ်ထံလုၣ်ဘၢတၢ်အသိး သ့တနံၤကျၢၤ, ကဝီၤဃာ်ယၤတပူၤဃီလီၤ.

လံာ်ဟိၤၡ့ 11:12

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ကဝီၤဃာ်ယၤဒီး တၢ်လီတၢ်ဝ့ၤတဖၣ်ဒီးတၢ်ကတိၤကဘျံးကဘျၣ်, ဒီးကီၢ်ယူဒၤအပှၤဂီၢ်မုၢ်ပူထီၣ်ဒံးတၢ်ထီဒါယၤ, တၢ်သူၣ်တီသးရၤဒီးတၢ်စီဆှံအကစၢ်ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:18

ဒီးစံးဝဲဆူညါ, “တၢ်ဒိၣ်ဧၢ, ဘၣ်မနုၤလၢနလူၤဖီၣ်န့ၢ်ဒံးယၤ, နခ့နပှၤယၤအံၤအဖၢမုၢ်လဲၣ်. ယမၤတ့ၢ်တၢ်မနုၤလဲၣ်. တၢ်ကမၣ်ထီဒါတၢ်သိၣ်တၢ်သီန့ၣ်ယမၤကမၣ်မနုၤတမံၤလဲၣ်.