စံးထီၣ်ပတြၢၤ 109:26 - Sgaw Karen Common Bible

²⁶ ယွၤ, ယကစၢ်ယွၤဧၢ, မၤစၢၤယၤတက့ၢ်. အုၣ်က့ၤခီၣ်က့ၤယၤဒ် နတၢ်အဲၣ်ဂၢၢ်ကျၢၤအသိးန့ၣ်တက့ၢ်.

စံးထီၣ်ပတြၢၤ 109:26 Iomraidhean Croise

စံးထီၣ်ပတြၢၤ 119:86

နတၢ်မၤလိာ်ခဲလၢာ်တဖၣ်န့ၣ်မ့ၢ်အမ့ၢ်အတီလီၤ. ပှၤမၤအၢမၤသီယၤလၢတၢ်ကဘျံးကဘျၣ်လီၤ. မၤစၢၤယၤတက့ၢ်.

စံးထီၣ်ပတြၢၤ 40:12

ယဘၣ်တၢ်ကဝီၤဃာ်ယၤလၢတၢ်ကိၢ်တၢ်ဂီၤတဖၣ် ဒီးအါဝဲဒိၣ်မးလၢယကဂံၢ်အီၤဒၣ်လဲာ်န့ၣ်လီၤ. ယတၢ်ဒဲးဘးသ့ၣ်တဖၣ်ချုးန့ၢ်ယၤ ဒီးယတထံၣ်တၢ်လၢၤဘၣ်. အဝဲသ့ၣ်အါန့ၢ်ဒံးယခိၣ်သူအဘိတဖၣ် ဒီးယတၢ်သူၣ်ဒူသးဒူလီၤမၢ်န့ၢ်ယၤလီၤ.

စံးထီၣ်ပတြၢၤ 57:1

သူၣ်ကညီၤသးကညီၤယၤ, ကစၢ်ယွၤဧၢ, သူၣ်ကညီၤသးကညီၤယၤတ က့ၢ်. အဂ့ၢ်ဒ်အံၤ, ယသးသန့ၤအသးလၢနၤလီၤ. ယကဟံးန့ၢ်တၢ်အိၣ်ဘံၣ်အိၣ်ဘၢလၢနဒံးဆ့အဖီလာ် တုၤတၢ်ကိၢ်တၢ်ဂီၤအကလံၤမုၢ် လဲၤပူၤကွံာ်ယၤန့ၣ်လီၤ.

စံးထီၣ်ပတြၢၤ 69:13

ယွၤဧၢ, မ့မ့ၢ်ယဲဒၣ်အံၤ, ယဘါထုကဖၣ်တၢ်ဆူနၤလီၤ. ကစၢ်ယွၤဧၢ, လၢဆၢကတီၢ်လၢနဃုထၢအီၤ ဒီးလၢနတၢ်အဲၣ်ဂၢၢ်ကျၢၤလၢလၢပှဲၤပှဲၤအပူၤန့ၣ် စံးဆၢလၢ်ယၤတက့ၢ်. အဂ့ၢ်ဒ်အံၤ, နဟံးဃာ်ကျၢၤနတၢ်အၢၣ်လီၤအီလီၤလၢ နကအုၣ်က့ၤခီၣ်က့ၤတၢ်လီၤ.

စံးထီၣ်ပတြၢၤ 69:16

ယွၤဧၢ, စံးဆၢလၢ်ယၤတက့ၢ်. အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤမ့ၢ်တၢ်ဂ့ၤလီၤ. ဃၣ်နသးဆူယအိၣ်ဒ်နတၢ်သးကညီၤ အလၢအပှဲၤအသိးန့ၣ်တက့ၢ်.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.