စံးထီၣ်ပတြၢၤ 109:25 - Sgaw Karen Common Bible

²⁵ ယကဲထီၣ်တၢ်ဒုၣ်ဒွဲၣ်အလီၢ်လၢပှၤထီဒါယၤတဖၣ်အဂီၢ်ဒီး တုၤအဝဲသ့ၣ်ထံၣ်ယၤန့ၣ်, အဝဲသ့ၣ်ကျၢၢ်ကျာ်အခိၣ်တဖၣ်လီၤ.

စံးထီၣ်ပတြၢၤ 109:25 Iomraidhean Croise

လံာ်စီၤယိၤဘး 16:4

သုမ့ၢ်အိၣ်ဘၣ်လၢယလီၢ်, ဒီးယမ့ၢ်အိၣ်ဘၣ်လၢသုလီၢ်သတး ဒီးတၢ်လၢသုစံးခဲလၢာ်န့ၣ်ယကစံးယဲစ့ၢ်ကီးလီၤ. ယဂံၤဂုၤ ယခိၣ်လၢတၢ်ကူၣ်သ့ဒီးမၤလီၤအုးသုလၢယတၢ်ကတိၤတဖၣ် သ့ဝဲလီၤ.

စံးထီၣ်ပတြၢၤ 22:8

အဝဲသ့ၣ်စံးဝဲ, “နသန့ၤနသးလၢယွၤလီၤ. ဘၣ်မနုၤလၢအဝဲတမၤပူၤဖျဲးနၤလဲၣ်. ယွၤမ့ၢ်ဘၣ်သူၣ်ဘၣ်သးလၢနၤဒီး ဘၣ်မနုၤလၢအဝဲတမၤစၢၤနၤန့ၣ်လဲၣ်.”

လံာ်ယၡါယၤ 37:22

ယွၤစံးတ့ၢ်ဝဲဒၣ်, “ဝ့ၢ်ယရူၤၡလ့ၣ်နံၤဘၣ်ဖၣ်လဲနၤဒီးသး ဘၣ်အၢနၤလံ, စီၤပၤစီၤစၤနဃ့ရံာ်ဧၢ.

လံာ်မၢ်ကူး 15:29

ပှၤလၢအလဲၤဘၣ်ဖဲန့ၣ် တဖၣ်ကတိၤဒုၣ်ဒွဲၣ်စံးအၢအီၤ, ဒီးဂံၤဂုၤအခိၣ်ဒီးစံးဝဲ, “အီၢ်, နစံးလၢနကမၤဟးဂီၤကွံာ်တၢ်လုၢ်ဟံၣ် ဒီးဘှီထီၣ်က့ၤကဒီးအီၤလၢသၢသီအတီၢ်ပူၤတမ့ၢ်ဘၣ်ဧါ.

ရိမ့ၤ 15:3

အဂ့ၢ်ဒ်လဲၣ်န့ၣ်, ခရံာ်တလူၤအသးဒၣ်ဝဲဘၣ်. အခိၣ်တလိာ်ဒ်တၢ်ကွဲးအသးစီဆှံစံးဝဲအသိး, ‘တၢ်ဒုၣ်ဒွဲၣ်တဖၣ်လၢပှၤဂၤတဖၣ်ဒုၣ်ဒွဲၣ်နၤန့ၣ်လီၤဘၣ်လၢ ယလိၤလံ.’

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

ဧ့ၤဘြံၤ 13:13

လၢတၢ်န့ၣ်အဃိ, မ်ပလဲၤသကိးဆူဒဲအချၢဒီးတူၢ်သကိးဃုာ်တၢ် ဒုၣ်ဒွဲၣ်ဒီးအီၤန့ၣ်တက့ၢ်.