စံးထီၣ်ပတြၢၤ 109:21 - Sgaw Karen Common Bible

²¹ ဘၣ်ဆၣ်နဲဒၣ်ယယွၤ, စီၤပၤဖးဒိၣ်ဧၢ, မၤစၢၤယၤဒ်နအၢၣ်လီၤတ့ၢ်နဲအသိး ဒီးမၤပူၤဖျဲးယၤလၢ နတၢ်အဲၣ်အတၢ်ဂ့ၤတၢ်ဝါ အဃိန့ၣ်တက့ၢ်.

စံးထီၣ်ပတြၢၤ 109:21 Iomraidhean Croise

စံးထီၣ်ပတြၢၤ 23:3

မၤက့ၤယသး, ဆှၢယၤလၢကျဲအတီအလိၤတဖၣ်အပူၤ လၢအမံၤအဃိလီၤ.

စံးထီၣ်ပတြၢၤ 25:11

ဟံးဃာ်နတၢ်အၢၣ်လီၤ, ယွၤဧၢ, ဒီးပျၢ်လၢ်ဘၣ်ယတၢ်ဒဲးဘးတဖၣ်န့ၣ်တက့ၢ်. ယအိၣ်ဒီးတၢ်ဒဲးဘးအါမးလီၤ.

စံးထီၣ်ပတြၢၤ 31:3

အဂ့ၢ်ဒ်အံၤ, နမ့ၢ်ယလၢၢ်ဒီးယတိာ်န့ၣ်လီၤ. ဆှၢယၤဒီးမိၤယၤလၢနမံၤအဃိဒ်နအၢၣ်လီၤ တ့ၢ်နဲအသိးန့ၣ်တက့ၢ်.

စံးထီၣ်ပတြၢၤ 63:3

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤဂ့ၤန့ၢ်သးသမူ, ဒီးယနိးဖံးကစံးထီၣ်ပတြၢၤနၤန့ၣ်လီၤ.

စံးထီၣ်ပတြၢၤ 69:16

ယွၤဧၢ, စံးဆၢလၢ်ယၤတက့ၢ်. အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤမ့ၢ်တၢ်ဂ့ၤလီၤ. ဃၣ်နသးဆူယအိၣ်ဒ်နတၢ်သးကညီၤ အလၢအပှဲၤအသိးန့ၣ်တက့ၢ်.

စံးထီၣ်ပတြၢၤ 69:29

မ့မ့ၢ်ယဲဒၣ်အံၤယဘၣ်နးဘၣ်ဖှီၣ်ဒီး ယအိၣ်လၢတၢ်ဆူးတၢ်ဆါအပူၤလီၤ. ကစၢ်ယွၤဧၢ, မ်နတၢ်အုၣ်က့ၤခီၣ်က့ၤပာ်ယၤလၢ တၢ်ထီၣ်ထီန့ၣ်တက့ၢ်.

စံးထီၣ်ပတြၢၤ 86:15

ဘၣ်ဆၣ်ဒီး, နဲဒၣ်ကစၢ်ယွၤဧၢ, နမ့ၢ်ကစၢ်တဂၤလၢ အသးကညီၤတၢ်ဒီးသးအိၣ်တၢ်, သးထီၣ်ကီဒီးအိၣ်ဒီးတၢ်အဲၣ်ဂၢၢ်ကျၢၤလၢအအါ, ဒီးအသူၣ်တီသးလိၤန့ၣ်လီၤ.

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.