စံးထီၣ်ပတြၢၤ 109:13 - Sgaw Karen Common Bible

¹³ မ်အစၢၤအသွဲၣ်ဘၣ်တၢ်ဒီၣ်တဲာ်ကွံာ်အီၤ, မ်အမံၤဘၣ်တၢ်တြူာ်ကွံာ်အီၤလၢ ပှၤလၢခံတစိၤအကျါန့ၣ်တက့ၢ်.

စံးထီၣ်ပတြၢၤ 109:13 Iomraidhean Croise

လံာ်စီၤပၤအခီၣ်ထံးတဘ့ၣ် 16:11

တုၤစီၤစံၣ်ရံၤကဲထီၣ်စီၤပၤတဘျီန့ၣ်အဝဲမၤသံကွံာ်ကယဲၢ် စီၤဘါၡၤအဟံၣ်ဖိဃီဖိခဲလၢာ်န့ၣ်လီၤ. အဘူးအတံၢ်ဒီးအတံၤသကိးပိာ်ခွါခဲလၢာ်ဘၣ်တၢ်မၤသံကွံာ်အီၤ န့ၣ်လီၤ.

လံာ်နီၢ်အ့ၤစတၢ် 9:10

လၢအမ့ၢ်စီၤဟးမဒၤသၤအဖိခွါစီၤဟၤမၣ်အဖိခွါ အဂၤတဆံန့ၣ်လီၤ. မ့မ့ၢ်အတၢ်ဖိတၢ်လံၤန့ၣ်တဘၣ်တၢ်ဂုာ်ဆူၣ်အီၤဘၣ်.

လံာ်စီၤယိၤဘး 18:17

တၢ်သ့ၣ်နီၣ်ထီၣ်က့ၤအီၤန့ၣ်ကလီၤမၢ်ကွံာ်လၢဟီၣ်ခိၣ်ချၢ, ဒီးလၢထံကီၢ်ပူၤန့ၣ်အမံၤတအိၣ်နီတတီၤလၢၤဘၣ်.

လံာ်စီၤယိၤဘး 18:19

အဝဲအဖိအလံၤမ့တမ့ၢ် အစၢၤအသွဲၣ်တဖၣ်တအိၣ် လၢအပှၤဂီၢ်မုၢ်အကျါလၢၤဘၣ်. တၢ်လီၢ်ဖဲတဘျီအဝဲအိၣ်မူတ့ၢ်ဝဲန့ၣ်, ပှၤမူတ့ၢ်ဒံးတအိၣ် နီတဂၤဘၣ်.

စံးထီၣ်ပတြၢၤ 21:10

အစၢၤအသွဲၣ်လၢအပူၤဖျဲးတအိၣ်တီၢ်နီတဂၤဘၣ်, စီၤပၤကမၤသံအီၤခဲလၢာ်လီၤ.

စံးထီၣ်ပတြၢၤ 21:11

အဝဲသ့ၣ်အိၣ်ဒီးအတၢ်ကူၣ်ထီၣ်ဖးလီၤထီဒါအီၤ, ဘၣ်ဆၣ်တကဲထီၣ်လိၣ်ထီၣ်ဝဲဘၣ်.

စံးထီၣ်ပတြၢၤ 37:28

အဂ့ၢ်ဒ်အံၤ, ယွၤအဲၣ်တၢ်လၢအမ့ၢ်အတီ ဒီးတလဲၤသဒၣ်အပှၤစီဆှံနီတဘျီဘၣ်. အဝဲကဟုဘံၣ်ကယာ်ဘၢအဝဲသ့ၣ်လီၤစိၤလီၤထီ, ဘၣ်ဆၣ်ပှၤအၢပှၤသီအဖိအလံၤတဖၣ် ကဘၣ်တၢ်ဒီၣ်တဲာ်ကွံာ်အီၤလီၤ.

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

လံာ်ယံးရမံယၤ 22:30

“ပှၤတဂၤအံၤဘၣ်တၢ်စံၣ်ညီၣ်ဃၣ်အီၤလၢကမ့ၢ်ပှၤတူာ်ဖိ, ဒီးတကဲထီၣ်ပှၤတဂၤလၢကမၤန့ၢ်မၤနၢၤတၢ် နီတစုဘၣ်လီၤ. အဝဲအစၢၤအသွဲၣ်တဖၣ်လၢကပၢဘၣ်တၢ်လၢ ကီၢ်ယူဒၤအပူၤ ဒ်ပှၤထီၣ်က့ၤစီၤဒၤဝံးအလီၢ်ပစိာ်တအိၣ်နီတဂၤဘၣ်. ယွၤအံၤ, ကတိၤလံတၢ်လံ.”

လံာ်တၢ်ဂံၢ် 27:4

လၢအဝဲတအိၣ်ဘၣ်ဒီးအဖိခွါနီတဂၤအဃိဧိၤန့ၣ်ဘၣ်မနုၤလၢပပၢ် အမံၤကဘၣ်ဟါမၢ်ကွံာ်လၢကီၢ်အံၣ်စရ့လးန့ၣ်လဲၣ်. ဟ့ၣ်ပှၤလၢတၢ်စုလီၢ်ခီၣ်ခိၣ်လၢပပၢ်အဘူးအတံၢ်တဖၣ်အကျါ တက့ၢ်.”

လံာ်သိၣ်လီၤသီလီၤတၢ် 25:19

ဒီးလၢတၢ်န့ၣ်အဃိဖဲယွၤသုကစၢ်ယွၤဟ့ၣ်လီၤသုလၢကီၢ်န့ၣ် ဒီးဒုးပူၤဖျဲးသုလၢကယဲၢ်သုဒုၣ်ဒါတဖၣ်လၢအအိၣ်ဝးတရံးသုခဲလၢာ်ဒီး, မၤလီၤတံၢ်လၢသုကမၤသံကွံာ်ပှၤဧမၤလ့းဖိ ခဲလၢာ်န့ၣ်တက့ၢ်. တၢ်န့ၣ်မ့ၢ်ဒ်သိးပှၤသုတသ့ၣ်နီၣ်ထီၣ်က့ၤ အဝဲသ့ၣ်နီတဂၤနီတဘျီလၢၤတဂ့ၤအဂီၢ်န့ၣ်လီၤ. သးပ့ၤနီၣ်တၢ်န့ၣ်တဂ့ၤ.

လံာ်သိၣ်လီၤသီလီၤတၢ် 29:20

ယွၤတပျၢ်ကွံာ်ပှၤဒ်န့ၣ်အသိးတဂၤအတၢ်ကမၣ်ဘၣ်, အခိၣ်တလိာ်, ယွၤအတၢ်သးကဲၤထီၣ်ကကဲၤကပျီၤထီၣ်ဘၣ်ထီဒါအီၤ, ဒီးကယဲၢ်တၢ်တတၢးတနါတဖၣ်လၢအအိၣ်ကွဲးအသးလၢလံာ်အံၤအပူၤ ကလီၤဘၣ်လၢအလိၤ, တုၤလၢယွၤမၤဟးဂီၤကွံာ်အီၤလၢာ်လၢာ်ဆ့ဆ့တစုန့ၣ်လီၤ.

လံာ်သိၣ်လီၤသီလီၤတၢ် 9:14

ကျဲးစၢးတြီယၤတဂ့ၤ, ယပာ်လီၤယသးလၢယကမၤဟးဂီၤကွံာ်အဝဲ သ့ၣ်ဒ်သိးပှၤသုတသ့ၣ်နီၣ်ထီၣ်အဝဲသ့ၣ်နီတဂၤနီတစု လၢၤတဂ့ၤအဂီၢ်န့ၣ်လီၤ. ဒီးယကဒုးကဲထီၣ်နၤလၢပှၤတကလုာ်အပၢ်, ပှၤတကလုာ်လၢအဒိၣ်န့ၢ်, ဒီးအစိကမီၤဆူၣ်န့ၢ်ဒံးအဝဲသ့ၣ်တက့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:13

ယစံးဘၣ်တ့ၢ်လံအီၤလၢယကစံၣ်ညီၣ်အဟံၣ်ဖိဃီဖိလီၤစိၤလီၤထီလီၤ. အဂ့ၢ်ဒ်အံၤ, အဖိခွါတဖၣ်ကတိၤတ့ၢ်တၢ်ကတိၤအအၢအသီထီဒါ ယၤလီၤ. စီၤဧ့လံၤသ့ၣ်ညါတ့ၢ်တၢ်လၢအဝဲသ့ၣ်မၤတ့ၢ်ဝဲတဖၣ်အံၤဘၣ်ဆၣ် ဒီးတတြီဘၣ်အဝဲသ့ၣ်ဘၣ်.