စံးထီၣ်ပတြၢၤ 109:10 - Sgaw Karen Common Bible

¹⁰ မ်အဖိတဖၣ်ဟးဝ့ၤဝီၤဒီးဃ့အီၣ်တၢ်, မ်အဘၣ်တၢ်ဟီထီၣ်ကွံာ်အီၤလၢတၢ်ဟးဂီၤအလီၢ်တဖၣ်လၢအအိၣ် ဝဲဆိးဝဲန့ၣ်တက့ၢ်.

စံးထီၣ်ပတြၢၤ 109:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:29

မ်တၢ်စံၣ်ညီၣ်လၢတၢ်ဂ့ၢ်န့ၣ်ကလီၤဘၣ်ဝဲလၢစီၤယိၤအာ်ဒီး အဒူၣ်ဖိထၢဖိခဲလၢာ်အလိၤတက့ၢ်. လၢအစိၤကိးစိၤဒဲးန့ၣ်မ်ပှၤပိာ်ခွါတနီၤလၢအဒူၣ်ဖိထၢဖိ အကျါကအိၣ်ဒီးဃဲအတၢ်ဆါမ့ၢ်ဂ့ၤ, ပှၤဘၣ်တၢ်ဆါအၢမ့ၢ်ဂ့ၤ, ပှၤလၢကြၢးဒၣ်လၢအမၤပှၤပိာ်မုၣ်အတၢ်မၤမ့ၢ်ဂ့ၤ, ဘၣ်သံလၢတၢ်ဒုးတၢ်ယၤအပူၤမ့ၢ်ဂ့ၤ, ပှၤလၢအီၣ်တလၢအီတလၢမ့ၢ် ဂ့ၤန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 5:27

ခဲကနံၣ်အံၤစီၤနဧၤမၣ်အတၢ်ဆါကလီၤဘၣ်လၢနလိၤဒီး, နၤဒီးနစၢၤနသွဲၣ်တဖၣ်ကအိၣ်ဒီးတၢ်ဆါအံၤလီၤစိၤလီၤထီန့ၣ် လီၤ.” တုၤစီၤက့ၤဃစံဟးထီၣ်ကွံာ်န့ၣ်အဝဲမၤန့ၢ်တၢ်ဆါဒီးအဖံးဝါ ဝဲဒ်မူခိၣ်ဖီအသိးန့ၣ်လီၤ.

လံာ်စီၤယိၤဘး 27:14

အဝဲသ့ၣ်ကအိၣ်ဝဲဒီးအဖိခွါအါဂၤဘၣ်ဆၣ်ကဘၣ်တၢ်မၤ သံကွံာ်အီၤခဲလၢာ်လၢတၢ်ဒုးတၢ်ယၤအပူၤန့ၣ်လီၤ. အဖိသ့ၣ်တဖၣ်တဘျဲးအီၣ်ဘျဲးအီနီတဘျီဘၣ်န့ၣ်လီၤ.

လံာ်စီၤယိၤဘး 5:4

အဖိခွါတဖၣ်ထံၣ်န့ၢ်တၢ်ပူၤဖျဲးအလီၢ်တသ့နီတပူၤဘၣ်. လၢကွီၢ်ဘျီၣ်အပူၤန့ၣ်ပှၤကဆၢထၢၣ်အိၣ်ပှိၤအီၤတအိၣ် ဘၣ်နီတဂၤဘၣ်.

စံးထီၣ်ပတြၢၤ 37:25

ယမ့ၢ်တ့ၢ်ပှၤသးစၢ်, ဒီးအခဲအံၤယမ့ၢ်ပှၤသးပှၢ်လံ. ဘၣ်ဆၣ်ပှၤအဂ့ၤအဝါဘၣ်တၢ်ညိကွံာ်အီၤမ့ၢ်ဂ့ၤ, အဖိအလံၤဃ့အီၣ်တၢ်မ့ၢ်ဂ့ၤန့ၣ်, ယတထံၣ်နီတဘျီဘၣ်.

စံးထီၣ်ပတြၢၤ 59:15

ဒ်ထွံၣ်တဖၣ်အသိးဟးဝ့ၤဝီၤဃုတၢ်အီၣ် ဒီးမ့ၢ်တဘျဲးအီၣ်ဘၣ်ဒီး ကညီၤထီၣ်တၢ်န့ၣ်လီၤ.

လံာ်ယၡါယၤ 16:2

အဝဲသ့ၣ်အိၣ်ခိးတၢ်ဖဲထံကျိအၤနိၣ် အကၢၢ်ခိၣ်ဒီးသုးအသးဖဲအံၤဖဲနုၤ လၢတၢ်တိာ်တအိၣ်ဘၣ်အပူၤ, ဒ်ထိၣ်တဖၣ်လၢအဘၣ် တၢ်နီၣ်ထီၣ်ကွံာ်အီၤလၢအသွံပူၤအသိးန့ၣ်လီၤ.