စံးထီၣ်ပတြၢၤ 108:3 - Sgaw Karen Common Bible

³ ယွၤဧၢ, လၢပှၤကလုာ်တဖၣ်အကျါန့ၣ် ယကစံးဘျုးစံးဖှိၣ်နၤ, လၢပှၤဂီၢ်မုၢ်တဖၣ်အကျါ န့ၣ်ယကစံးထီၣ်ပတြၢၤနၤလီၤ.

စံးထီၣ်ပတြၢၤ 108:3 Iomraidhean Croise

စံးထီၣ်ပတြၢၤ 117:1

စံးထီၣ်ပတြၢၤယွၤတက့ၢ်. ပှၤကိးကလုာ်ဒဲးသ့ၣ်ဧၢ, သးဝံၣ်ထီၣ်အီၤတက့ၢ်, ပှၤဂီၢ်မုၢ်ခဲလၢာ်သ့ၣ်ဧၢ,

စံးထီၣ်ပတြၢၤ 22:22

ယကတဲယပှၤကလုာ်တဖၣ်တၢ်လၢနမၤတ့ၢ်, ယကစံးထီၣ်ပတြၢၤနၤလၢပှၤဂီၢ်မုၢ်အကျါန့ၣ်လီၤ.

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

စံးထီၣ်ပတြၢၤ 96:10

စံးဘၣ်ပှၤကလုာ်ခဲလၢာ် “ယွၤမ့ၢ်စီၤပၤလီၤ. ဟီၣ်ခိၣ်ဘၣ်တၢ်ပာ်လီၤဂၢၢ်ကျၢၤအီၤလၢ အလီၢ်ဒၣ်ဝဲအပူၤ ဒီးတၢ်မၤဟူးဝးအီၤတသ့ဘၣ်. အဝဲကစံၣ်ညီၣ်ပှၤဂီၢ်မုၢ်လၢတၢ်စံၣ်ညီၣ်တီလီၤ.”

လံာ်စဖါနယၤ 3:14

အံၣ်စရ့လးအပှၤဂီၢ်မုၢ်ဧၢ, သးဝံၣ်ဒီးကိးထီၣ်လၢတၢ်သူၣ်ဖှံသးညီ အပူၤတက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, သူၣ်ခုသးခုလၢနသးဒီဖျၢၣ်ညါန့ၣ်တက့ၢ်.

လံာ်စဖါနယၤ 3:20

တၢ်ဆၢကတီၢ်သုးဘူးအသးလံ. ယကဟဲက့ၤစိာ်သုပှၤဂီၢ်မုၢ်လီၤပြံလီၤပြါဆူဟံၣ်, ယကမၤဟူထီၣ်သါလီၤသုမံၤလၢဟီၣ်ခိၣ်ဒီဘ့ၣ်ညါ ဒီးဒုးအီၣ်ကုးအီပှဲၤကဒီးသုတဘျီန့ၣ်လီၤ.”