စံးထီၣ်ပတြၢၤ 108:11 - Sgaw Karen Common Bible

¹¹ မ့ၢ်နညိကွံာ်တ့ၢ်လံပှၤနီၢ်နီၢ်ဧါ. မ့ၢ်နတဟးထီၣ်ဒီး လဲၤဒုးတၢ်ဒီး ပသုးမုၢ်တဖၣ်န့ၣ်ဘၣ်ဧါ.

စံးထီၣ်ပတြၢၤ 108:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 13:12

ကစၢ်ယွၤ, အကစၢ်ဒၣ်ဝဲ, မ့ၢ်ပခိၣ်ပနၢ်ဒီးအဝဲအပှၤလုၢ်တၢ်အခိၣ် တဖၣ်အိၣ်ဖဲအံၤ, ဒီးအကွဲၤတဖၣ်, ကတဲာ်ကတီၤအသးလၢကအူ ထီၣ်ဝဲဒီးကိးဃီၤပှၤဆူတၢ်ဒုးထီဒါသုန့ၣ်လီၤ. အံၣ်စရ့လးအပှၤဂီၢ်မုၢ်သ့ၣ်ဧၢ, ဒုးတၢ်ထီဒါယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤတဂ့ၤ. သုမၤနၢၤတၢ်တသ့ဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 14:11

စီၤအၤစါဃ့ဘါထုကဖၣ်ဆူယွၤ, အကစၢ်ယွၤအအိၣ်စံးဝဲ, “ယွၤဧၢ, နမၤစၢၤသုးမုၢ်လၢအဂံၢ်အဘါစၢ်ဝဲတဖုသ့ဝဲ ညီကဒၣ်ဒ်ပှၤတဖုလၢအဂံၢ်ဆူၣ်ဘါဆူၣ်အသိးန့ၣ်လီၤ. ယွၤ, ပကစၢ်ယွၤဧၢ, မၤစၢၤပှၤခဲအံၤန့ၣ်တက့ၢ်. အဂ့ၢ်ဒ်အံၤ, ပသန့ၤပသးလၢနၤဒီးလၢနမံၤအပူၤန့ၣ်, ပဟဲထီၣ်လၢပကဒုးတၢ်ထီဒါသုးမုၢ်ဖးဒိၣ်အံၤန့ၣ်လီၤ. ယွၤဧၢ, နမ့ၢ်ပကစၢ်ယွၤလီၤ. ပှၤမုၢ်လၢ်လၢအကမၤနၢၤကွံာ်နၤ တသ့နီတဂၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:15

စီၤယၤဃစအ့လးစံးဝဲ, “နဲဒၣ်တၢ်ဒိၣ်စီၤပၤဖးဒိၣ်ဒီး ကယဲၢ်သုဝဲပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်အပူၤ သ့ၣ်ဧၢ, ယွၤစံးဝဲဒၣ်, လၢသုတ့ၢ်စၢ်လီၤသုဂံၢ်သုဘါမ့ၢ်ဂ့ၤ, ပျံၤတၢ်ဖုးတၢ်လၢသုကကွၢ်ဆၢၣ်မဲာ်သုးမုၢ်ဖးဒိၣ်အံၤမ့ၢ်ဂ့ၤ, အလီၢ်တအိၣ်ဘၣ်. တၢ်ဒုးန့ၣ်သန့ၤထီၣ်အသးလၢယွၤအဖီခိၣ်ဒီး တမ့ၢ်ဘၣ်လၢသုဖီခိၣ်ဘၣ်.

စံးထီၣ်ပတြၢၤ 44:9

ဘၣ်ဆၣ်ခဲအံၤနညိကွံာ်ပှၤဒီး ပျဲပဘၣ်တၢ်မၤနၢၤတ့ၢ်ပှၤန့ၣ်လီၤ. နတလဲၤတၢ်ဒီးပပှၤသုးမုၢ်သံၣ်ဘိ သ့ၣ်တဖၣ်န့ၣ်လၢၤဘၣ်.

လံာ်တၢ်ဂံၢ် 10:9

ဖဲသုဒုးတၢ်ယၤတၢ်လၢသုကီၢ်ပူၤ, ဒီးသုကဘၣ်ဒီဒၣ်သုသးထီ ဒါသုဒုၣ်သုဒါလၢအဟဲဒုးတၢ်ဒီးသုအခါန့ၣ်, အူထီၣ်တၢ်ဒုးသုးအတၢ်ပနီၣ်လၢကွဲၤတဖၣ်အံၤတက့ၢ်. ယၤ, ယွၤသုကစၢ်ယွၤကမၤစၢၤသုဒီးအုၣ်က့ၤခီၣ်က့ၤသုလၢသု ဒုၣ်သုဒါတဖၣ်အစုပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”