စံးထီၣ်ပတြၢၤ 107:5 - Sgaw Karen Common Bible

⁵ အဝဲသ့ၣ်တၢ်သၣ်ဝံၤသၣ်စ့ၤအသး ဒီးတၢ်သူအသးလၢထံ ဒီးအသးလီၤဘှါဝဲလၢအပူၤလီၤ.

စံးထီၣ်ပတြၢၤ 107:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:29

တၢ်အီၣ်တၢ်အီလၢအဝဲသ့ၣ်ဟဲစိာ်န့ၣ်မ့ၢ်ဝဲဘုကၠူၣ်, ဘုမုယီၤ, ဘုဝဲာ်အသး, ပထိး, သဘ့, ကနဲစီ, တၢ်နုၢ်ထံ ကိၢ်လိၣ်, တၢ်နုၢ်ထံလီၤသကၤဒီးသိဖိတနီၤန့ၣ်လီၤ. အဝဲသ့ၣ်, သ့ၣ်ညါဝဲလၢစီၤဒၤဝံးဒီးအပှၤတဖၣ်သၣ်ဝံၤသၣ်စ့ၤ, အသးသူထံဒီးလီၤဘှံးလီၤတီၤဝဲလၢပှၢ်မုၢ်ကနၢအပူၤန့ၣ်လီၤ.

လံာ်တၢ်ဟးထီၣ်ကွံာ် 16:3

ဒီးစံးဘၣ်အဝဲသ့ၣ်, “ပဆၢလၢယွၤကမၤသံတ့ၢ်ပှၤလၢကီၢ်အဲၤကူပတူးအပူၤလီၤ. အစှၤကတၢၢ်ပဆ့ၣ်နီၤဒီးအီၣ်တၢ်ဖံးတၢ်ညၣ်ဒီးတၢ်အီၣ်တၢ်အီအဂၤလၢပအဲၣ်ဒိးအီၣ်ဖဲန့ၣ်သ့ဝဲလီၤ. မ့မ့ၢ်သုဟဲကိးပှၤဆူပှၢ်မုၢ်ကနၢအံၤအပူၤဒ်သိးပကသၣ်ဝံၤလီၤဒိသံခဲလၢာ်လီၤ.”

လံာ်တၢ်ဟးထီၣ်ကွံာ် 17:3

ဘၣ်ဆၣ်ဒီးပှၤဂီၢ်မုၢ်အသးသူထံနးနးကလဲာ်အဃိကဒူးကဒ့ၣ်တၢ် အါထီၣ်လၢစီၤမိၤၡ့အလိၤလီၤ. အဝဲသ့ၣ်စံးဝဲ, “ဘၣ်မနုၤလၢနထုးထီၣ်ပှၤလၢကီၢ်အဲၤကူပတူး အပူၤန့ၣ်လဲၣ်. မ့ၢ်ဒ်သိးနကမၤသံပှၤဒီးပဖိပလံၤဒီးပဆၣ်ဖိကီၢ်ဖိတဖၣ် လၢတၢ်သူအသးလၢထံအဂီၢ်န့ၣ်ဧါ.”

လံာ်ယၡါယၤ 44:12

ပှၤပိာ်တိၢ်ထးတဂၤဟံးန့ၢ်ထးတလိၣ်ဒီးပိာ်အီၤလၢမ့ၣ်အူအဖီခိၣ်လီၤ. အစုဒုၣ်လၢအဂံၢ်ဆူၣ်ဘါဆူၣ်န့ၣ်ဝံၢ်ထီၣ်ယၤထီၣ် ခံၣ်ခူၣ်တခါဒီးဒိတီၢ်ထးကိၢ်လိၣ်ဒ်သိးကမၤဖျါထီၣ်ဝဲတၢ် အက့ၢ်အဂီၤလီၤ. ဖဲအမၤတၢ်အခါန့ၣ်, တၢ်သၣ်ဝံၤအသး, တၢ်သူအသးလၢထံဒီးလီၤဘှံးလီၤတီၤဝဲလီၤ.

လံာ်ယံးရမံယၤ 14:18

ဖဲယလဲၤဟးထီၣ်လၢစံာ်ပျီတဖၣ်အပူၤဒီး, ယထံၣ်ဘၣ်ပှၤလၢအသံလၢတၢ်ဒုး တၢ်ယၤအပူၤတဖၣ်အစိၣ်န့ၣ်လီၤ. ဖဲယလဲၤနုာ်ဆူဝ့ၢ်တဖၣ်အပူၤဒီး, ယထံၣ်ဘၣ်ပှၤဂီၢ်မုၢ်သၣ်ဝံၤလီၤဒိဘူးလၢ အကသံန့ၣ်လီၤ. အဂ့ၢ်ဒ်အံၤ, ဝံတဖၣ်ဒီးပှၤလုၢ်တၢ်အခိၣ်တဖၣ် မၤဒံးဒၣ်အဝဲသ့ၣ်အတၢ်မၤ, ဘၣ်ဆၣ်ဒီးမၤတၢ်မနုၤလဲၣ်န့ၣ်အဝဲသ့ၣ်, တသ့ၣ်ညါဝဲဘၣ်.”

လံာ်သးသယုၢ်တၢ် 2:19

လၢမုၢ်နၤခီသီတနၤကျၢၤန့ၣ်ဂဲၤထၢၣ်ဝံၤ, ဂဲၤထၢၣ်ကဒီးခဲအံၤခဲအံၤလၢနကကိးပသူထီၣ်ဆူယွၤအအိၣ် တက့ၢ်. ဂၢ်လီၤနသး, ဒီးဃ့ကညးအီၤလၢကသူၣ်ကညီၤသးကညီၤနဖိတဖၣ်လၢ အသၣ်ဝံၤလီၤဒိတုၤကသံလၢကျဲကိးဘိဒဲးအသနၢၣ်တဖၣ်အဂီၢ်တက့ၢ်.