စံးထီၣ်ပတြၢၤ 107:43 - Sgaw Karen Common Bible

⁴³ မ်ပှၤလၢအကူၣ်ဘၣ်ကူၣ်သ့ ဆိကမိၣ်တၢ်သ့ၣ်တဖၣ်အံၤ, မ်အဝဲသ့ၣ်ဆိကမိၣ်ထီၣ် ယွၤအတၢ်အဲၣ်ဂၢၢ်ကျၢၤန့ၣ်တက့ၢ်.

စံးထီၣ်ပတြၢၤ 107:43 Iomraidhean Croise

စံးထီၣ်ပတြၢၤ 28:5

အဝဲသ့ၣ်တပာ်ဒိၣ်ယွၤတၢ်မၤတဖၣ် ဒီးယွၤအစုအတၢ်ဖံးတၢ်မၤန့ၣ်ဘၣ်. သတးဒီးယွၤကမၤဟးဂီၤကွံာ်အဝဲသ့ၣ် ဒီးတသူၣ်ထီၣ်က့ၤလၢၤအီၤနီတဘျီဘၣ်န့ၣ်လီၤ.

စံးထီၣ်ပတြၢၤ 50:23

ပှၤလၢအဟဲစိာ်တၢ်စံးဘျုးစံးဖှိၣ်ဒ်တၢ်လုၢ်အသိးန့ၣ် မၤလၤကပီၤယၤလီၤ. ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢ ယတၢ်အုၣ်က့ၤခီၣ်က့ၤလီၤ.”

စံးထီၣ်ပတြၢၤ 64:9

အန့ၣ်ဒီး ပှၤခဲလၢာ်ကပျံၤတၢ်လီၤ. အဝဲသ့ၣ်က ဆိကမိၣ်ဝဲတၢ်လၢယွၤမၤတ့ၢ်ဝဲဒီး တဲဖျါထီၣ်ကစၢ်ယွၤအတၢ်မၤတဖၣ်န့ၣ်လီၤ.

လံာ်ယၡါယၤ 42:20

ကီၢ်အံၣ်စရ့လးဧၢ, နထံၣ်တ့ၢ်တၢ်အါမးလံ. ဘၣ်ဆၣ်တၢ်အံၤအခီပညီအိၣ်လၢနဂီၢ်ဒ်လဲၣ်. နအိၣ်ဒီးနနၢ်တဖၣ်လၢနကနၢ်ဟူတၢ်အဂီၢ်, ဘၣ်ဆၣ်ဒီးတၢ်လၢနနၢ်ဟူတ့ၢ်နီၢ်နီၢ်န့ၣ် မ့ၢ်တၢ်မနုၤလဲၣ်.”

လံာ်ယၡါယၤ 5:12

လၢသုတၢ်အီၣ်အမူးတဖၣ်အပူၤသုအိၣ်ဒီးတနၢ်သီတူၢ်, ဒၢဧိၤမိၤဧိၤ, ပံဧိၤတြၤဧိၤဒီးစပံးထံလီၤ. ဘၣ်ဆၣ်သုတနၢ်ပၢၢ်တၢ်လၢယွၤမၤဝဲန့ၣ်ဘၣ်.

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်ယံးရမံယၤ 9:12

ယသံကွၢ်တၢ်, “ယွၤဧၢ, ဘၣ်မနုၤအဃိထံကီၢ်ဘၣ်တၢ်မၤဟးဂီၤ ကွံာ်အီၤဒီးဃ့ထီကွံာ်ဝဲဒ်မဲးမုၢ်ခိၣ်အသိး တုၤဒၣ်လဲာ်ပှၤတလဲၤခီဂာ်အီၤနီတဂၤန့ၣ်လဲၣ်. မတၤအိၣ်ဒီးတၢ်ကူၣ်သ့အလၢအပှဲၤလၢကနၢ်ပၢၢ်တၢ်အံၤန့ၣ်လဲၣ်. ဒ်သိးအဝဲတဲပှၤကသ့အဂီၢ်, ပှၤလၢနတဲဖျါထီၣ်တၢ်လၢအီၤန့ၣ်, မ့ၢ်မတၤလဲၣ်.”

လံာ်ယံးရမံယၤ 9:24

ပှၤတဂၤဂၤမ့ၢ်သးအိၣ်ပာ်ကဖၢလၢအသးဒီး အဝဲကြၢးပာ်ကဖၢလၢအသးလၢအသ့ၣ်ညါယၤဒီးနၢ်ပၢၢ်ယၤ အဃိလီၤ. အဂ့ၢ်ဒ်အံၤ, ယတၢ်အဲၣ်အိၣ်စံၣ်အိၣ်ကျၢၤ, ဒီးယမၤတၢ်လၢတၢ်စံၣ်ညီၣ်တီဒီးတၢ်အလိၤအဘၣ်အပူၤလီၤ. တၢ်သ့ၣ်တဖၣ်အံၤ, မ့ၢ်တၢ်လၢအမၤမုာ်သူၣ်မုာ်သးယၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ဒၤနံးယ့လး 10:12

အန့ၣ်ဝံၤဒီးအဝဲစံးဘၣ်ယၤ, “စီၤဒၤနံးယ့လးဧၢ, ပျံၤတၢ်တဂ့ၤ, ကစၢ်ယွၤနၢ်ဟူတ့ၢ်လံနတၢ်ထုကဖၣ်တဖၣ်, စးထီၣ်မုၢ်တနံၤလၢ နပာ်လီၤနသးဒ်သိးနကဆီၣ်လီၤနသးလၢနကဒိးန့ၢ်ဘၣ်တၢ် သ့ၣ်ညါနၢ်ပၢၢ်န့ၣ်လီၤ. ယဟဲယဲလၢတၢ်စံးဆၢနတၢ်ထုကဖၣ် အဂီၢ်လီၤ.

လံာ်ဒၤနံးယ့လး 12:10

ပှၤအါဂၤကဘၣ်တၢ်မၤကဆှီထီၣ်အီၤလီၤ. ပှၤအၢပှၤသီတဖၣ်န့ၣ်တမ့ၢ်က နၢ်ပၢၢ်ဝဲဘၣ်ဒီးကမၤဒံးတၢ်အၢတၢ်သီဆူညါဆူညါန့ၣ်လီၤ. ထဲဒၣ်ပှၤလၢအကူၣ်တၢ်သ့တဖၣ်ဧိၤကနၢ်ပၢၢ်ဝဲဒၣ်လီၤ.

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.