စံးထီၣ်ပတြၢၤ 107:4 - Sgaw Karen Common Bible

⁴ ပှၤတနီၤလဲၤဝ့ၤဝီၤတၢ်လၢပှၢ်မုၢ်ကနၢ, လၢတၢ်လီၢ်အိၣ်သယုၢ်အပူၤ, ဒီးတထံၣ်န့ၢ်ကျဲဆူ ဝ့ၢ်လၢကအိၣ်ဝဲဆိးဝဲလၢအပူၤအဂီၢ်န့ၣ်ဘၣ်.

စံးထီၣ်ပတြၢၤ 107:4 Iomraidhean Croise

လံာ်စီၤယိၤဘး 12:24

အဝဲမၤပျူၢ်အဝဲသ့ၣ်အခိၣ်အနၢ်သ့ၣ်တဖၣ်, ဒီးပျဲအဝဲသ့ၣ်ဟး ဝ့ၤဝီၤ, သဘံၣ်ဘုၣ်ဒီးလီၤမၢ်ကွံာ်န့ၣ်လီၤ.

စံးထီၣ်ပတြၢၤ 107:40

အဝဲဒုးနဲၣ်အတၢ်သးဘၣ်အၢလၢ ပှၤလၢအမၤအၢမၤနးအဝဲသ့ၣ်, ဒီးဒုးလဲၤဝ့ၤဝီၤအဝဲသ့ၣ်လၢမဲးမုၢ်ခိၣ် လၢကျဲတအိၣ်ဘၣ်အပူၤန့ၣ်လီၤ.

လံာ်ယဃ့းစက့လး 34:12

ဒ်ကျဲတဘိဃီလၢပှၤကွၢ်သိတဂၤအံးထွဲကွၢ်ထွဲအသိတဖၣ်လၢ အလီၤပြံလီၤပြါဒီးဟဲက့ၤစိာ်ကဒါက့ၤကဒီးအဝဲသ့ၣ်တပူၤဃီ အသိးန့ၣ်လီၤ. ယကဟဲက့ၤစိာ်ကဒါက့ၤအဝဲသ့ၣ်လၢကယဲၢ် တၢ်လီၢ်တဖၣ်လၢအဝဲသ့ၣ်လီၤပြံလီၤပြါတ့ၢ်ဖဲမုၢ်တနံၤလၢ အခံးသူဒီးပှဲၤဒီးတၢ်တတၢးတနါန့ၣ်လီၤ.

လံာ်ယဃ့းစက့လး 34:6

လၢတၢ်န့ၣ်အဃိ, ယသိတဖၣ်ဟးဝ့ၤဝီၤလၢတၢ်လူၢ်လၢအထီ တဖၣ်ဒီးကစၢၢ်ကလိတဖၣ်အလိၤန့ၣ်လီၤ. အဝဲသ့ၣ်လီၤပြံလီၤပြါ လၢဟီၣ်ခိၣ်အမဲာ်ဖံးခိၣ်ဒီးပှၤလၢကကွၢ်ဃုအဝဲသ့ၣ် မ့ၢ်ဂ့ၤဂုာ်ကျဲးစၢးလၢကဃုထံၣ်က့ၤအဝဲသ့ၣ်မ့ၢ်ဂ့ၤတအိၣ်နီ တဂၤဘၣ်.

လံာ်တၢ်ဂံၢ် 14:33

သုဖိတဖၣ်ကဟးဝ့ၤဝီၤတၢ်လၢပှၢ်မုၢ်ကနၢအပူၤအနံၣ်လွံၢ်ဆံ, ကတူၢ်ဘၣ်တၢ်လၢသုတၢ်သးတတီတလိၤအဃိ, တုၤလၢပှၤလၢသုကျါလၢခံကတၢၢ်တဂၤသံဝဲတစုန့ၣ်လီၤ.

လံာ်တၢ်ဂံၢ် 32:13

ယွၤသးဒိၣ်ပှၤဂီၢ်မုၢ်ဒီးမၢအဟးဝ့ၤဝီၤလၢပှၢ်မုၢ်ကနၢအနံၣ် လွံၢ်ဆံ, တုၤလၢပှၤဒီတစိၤလၢအမၤတမုာ်အဝဲအသးန့ၣ် သံကွံာ်ဝဲခဲလၢာ်လီၤ.

လံာ်သိၣ်လီၤသီလီၤတၢ် 32:10

အဝဲထံၣ်ဘၣ်အဝဲသ့ၣ်ဟးဝ့ၤဝီၤတၢ်ခီဖျိပှၢ်မုၢ်ကနၢ, တၢ်အိၣ်သယုၢ်အလီၢ်တပူၤ, ပှၢ်မုၢ်ကနၢဖဲကလံၤအူတၢ်န့ၣ်လီၤ. အဝဲဒီဒၣ်အိၣ်ပှိၤတ့ၢ်အဝဲသ့ၣ်ဒီးကဟုကယာ်အံးထွဲကွၢ်ထွဲ အဝဲသ့ၣ်, ဒ်အဝဲကဒီဒၣ်အိၣ်ပှိၤလီၤက့ၤအသးဒၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 8:15

အဝဲဆှၢခီဖျိသုလၢပှၢ်မုၢ်ကနၢဖးလဲၢ်ဒီးလီၤပျံၤလီၤဖုး အပူၤ, ဖဲဂုၢ်တဖၣ်လၢအအိၣ်ဒီးအစုၣ်အၢဒီးပတ့ၤချဲးတဖၣ်အိၣ်ဝဲန့ၣ် လီၤ. လၢကီၢ်လၢအဃ့ထီဒီးထံတအိၣ်ဘၣ်တကီၢ်အပူၤန့ၣ်, အဝဲဒုးယွၤလီၤထံလၢလၢၢ်အကျၢၤနီၢ်နီၢ်အပူၤလၢသုဂီၢ်န့ၣ် လီၤ.

ဧ့ၤဘြံၤ 11:38

ဟီၣ်ခိၣ်တကြၢးတဘၣ်ဘၣ်ဒီးအဝဲသ့ၣ်ဘၣ်. အဝဲသ့ၣ်ဟးဝ့ၤဝီၤလၢမဲးမုၢ်ခိၣ်ဒီးလၢကစၢၢ်ခိၣ်ကလိကျါ ဒီးအိၣ်ဝဲဆိးဝဲလၢလၢၢ်ဒီးလ့အအိပူၤဒီးလၢဟီၣ်ခိၣ် အအိပူၤလီၤ.

လံာ်လီၣ်ဖျါ 12:6

ပိာ်မုၣ်န့ၣ်ဃ့ၢ်ကွံာ်ဆူပှၢ်မုၢ်ကနၢ, ဆူတၢ်လီၢ်တတီၤလၢကစၢ်ယွၤကတဲာ်ကတီၤပာ်ဝဲလၢအဂီၢ်ဖဲ အဝဲဒၣ်ကဘၣ်တၢ်အံးထွဲကွၢ်ထွဲအီၤလၢအသီ ၁၂၆၀ အတီၢ် ပူၤန့ၣ်လီၤ.