စံးထီၣ်ပတြၢၤ 107:26 - Sgaw Karen Common Bible

²⁶ ကဘီတဖၣ်ဘၣ်တၢ်စိာ်ထီၣ်ထီအီၤလၢကလံၤကျါ ဒီးဘၣ်တၢ်ဆီၣ်လီၤအီၤဆူတၢ်ယိာ်ပူၤလီၤ. လၢတၢ်ဘၣ်ယိၣ်ဒ်အံၤအပူၤ န့ၣ်ပှၤကညီတဖၣ် အတၢ်သူၣ်ဒူသးဒူလီၤမၢ်ကွံာ်ဝဲလီၤ.

စံးထီၣ်ပတြၢၤ 107:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:10

အန့ၣ်ဒီးပှၤအဒူကတၢၢ်လၢတပျံၤဘၣ်တၢ်ဒ်ခ့ယုၢ်တဖၣ်အသိးဒၣ်လဲာ်န့ၣ်ကပျံၤတၢ်လီၤ. အဂ့ၢ်ဒ်အံၤ, ပှၤကိးဂၤဒဲးလၢကီၢ်အံၣ်စရ့လးအပူၤန့ၣ်သ့ၣ်ညါ ဝဲလၢနပၢ်န့ၣ်မ့ၢ်ပှၤသုးဖိစဲၣ်နီးတဂၤဒီးအဝဲအပှၤတဖၣ်မ့ၢ် ပှၤဒုးတၢ်ဆူၣ်မးန့ၣ်လီၤ.

စံးထီၣ်ပတြၢၤ 119:28

ယသးပှံၢ်ကွံာ်ဝဲလၢတၢ်သူၣ်အုးသးအုးအဃိလီၤ. ဟ့ၣ်ဆူၣ်ထီၣ်က့ၤယဂံၢ်ယဘါဒ် နကလုၢ်နကထါအသိးန့ၣ်တက့ၢ်.

စံးထီၣ်ပတြၢၤ 22:14

ယဂံၢ်ယဘါလၢာ်တ့ၢ်လံ, လၢာ်ကွံာ်ဒ်ထံလၢအလီၤဂၢ်လၢ ဟီၣ်ခိၣ်လိၤအသိးန့ၣ်လီၤ. ယဃံခဲလၢာ်လီၤဖျုကွံာ်ဝဲ, ယသးမၤအသးဒ် ဃိးလၢအပှံၢ်လီၤကွံာ်ဝဲအသိးန့ၣ်လီၤ.

လံာ်ယၡါယၤ 13:7

ပှၤကိးဂၤဒဲးအစုတဖၣ်ကလီၤစၢ်လီၤစဲၤဒီးပှၤကိးဂၤဒဲးအတၢ် သးဒူကဟးမၢ်ကွံာ်ဝဲလီၤ.

လံာ်နၤဃူၣ် 2:10

ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.