စံးထီၣ်ပတြၢၤ 107:22 - Sgaw Karen Common Bible

²² ဒီးမ်သုဝဲသ့ၣ်လုၢ်ထီၣ်တၢ်လုၢ်စံးဘျုးစံးဖှိၣ်တဖၣ်, ဒီးစံးဘၣ်တဲဘၣ်အတၢ်မၤတဖၣ်လၢ တၢ်သူၣ်ခုသးခုအတၢ်သးဝံၣ်တဖၣ် အပူၤန့ၣ်တက့ၢ်.

စံးထီၣ်ပတြၢၤ 107:22 Iomraidhean Croise

စံးထီၣ်ပတြၢၤ 116:12

ယကဟ့ၣ်ကၣ်ယွၤလၢအမၤဂ့ၤယၤတဂၤလၢ တၢ်ခဲလၢာ်အဃိန့ၣ်လၢမနုၤတမံၤလဲၣ်.

စံးထီၣ်ပတြၢၤ 116:17

ယကဟ့ၣ်နၤလၢတၢ်စံးဘျုးစံးဖှိၣ်အတၢ်လုၢ်ထီၣ် ဒီးကိးထီၣ်ယွၤအမံၤန့ၣ်လီၤ.

စံးထီၣ်ပတြၢၤ 118:17

ယတသံဘၣ်. မ့ၢ်ယကမူဒီး စံၣ်တဲၤတဲလီၤယွၤအတၢ်မၤတဖၣ်လီၤ.

စံးထီၣ်ပတြၢၤ 27:6

ယကမၤနၢၤယဒုၣ်ယဒါတဖၣ်လၢ အအိၣ်ဝးတရံးယၤလီၤ. လၢတၢ်ကိးပသူထီၣ်လၢတၢ်သးခုအပူၤ ယကလုၢ်ထီၣ်ပာ်ထီၣ်တၢ်လၢ အတၢ်လုၢ်ဟံၣ်အပူၤန့ၣ်လီၤ. ယကသးဝံၣ်တၢ်, ယကစံးထီၣ်ပတြၢၤယွၤန့ၣ်လီၤ.

စံးထီၣ်ပတြၢၤ 50:14

မ်တၢ်စံးဘျုးစံးဖှိၣ်အတၢ်ဟ့ၣ်န့ၣ် မ့ၢ်နတၢ်လုၢ်ထီၣ်ဆူကစၢ်ယွၤ, ဒီးဟ့ၣ်သ့တၢ်လၢာ်တဂၤလၢ ကယဲၢ်နတၢ်အၢၣ်လီၤခဲလၢာ်န့ၣ်တက့ၢ်.

စံးထီၣ်ပတြၢၤ 73:28

ဘၣ်ဆၣ်လၢယဂီၢ်တၢ်အိၣ်ဘူးဒီးကစၢ်ယွၤန့ၣ် မ့ၢ်တၢ်ဂ့ၤလီၤ. ယပာ်တၢ်စိတၢ်ကမီၤကစၢ်ယွၤ လၢယတၢ်အိၣ်တဒၢအလီၢ် ဒ်သိးယကစံးဘၣ်တဲဘၣ် အတၢ်မၤခဲလၢာ်တဖၣ်န့ၣ်လီၤ.

စံးထီၣ်ပတြၢၤ 9:11

သးဝံၣ်ထီၣ်ယွၤလၢအပၢတၢ်လၢစံယိၣ်, စံးဘၣ်တဲဘၣ်ပှၤကလုာ်ခဲလၢာ် တၢ်လၢအမၤတ့ၢ်ဝဲန့ၣ်တက့ၢ်.

စံးထီၣ်ပတြၢၤ 9:15

ပှၤတဘူၣ်ထီၣ်ဘါထီၣ်ယွၤတဖၣ်လီၤတဲာ်နုာ်ဆူ တၢ်ပူၤလၢအခူၣ်ဝဲလီၤ. အခီၣ်ဘၣ်ဘျးလံလၢပှာ်ဧိၤစၤဧိၤလၢ အပာ်လီၤခူသူၣ်ဒၣ်ဝဲန့ၣ်လီၤ.

လံာ်ယၡါယၤ 12:4

မုၢ်တနံၤကဟဲဝဲဖဲပှၤကသးဝံၣ်ထီၣ်, “ဟ့ၣ်ထီၣ်တၢ်စံးဘျုးစံးဖှိၣ်ဆူယွၤအအိၣ်တက့ၢ်. ကိးထီၣ်အီၤလၢကမၤစၢၤနၤအဂီၢ်တက့ၢ်. တဲဘၣ်ပှၤကလုာ်ခဲလၢာ်လၢတၢ်လၢအဝဲမၤတ့ၢ်ဝဲတက့ၢ်. တဲဘၣ်အဝဲသ့ၣ်လၢယွၤအံၤဒိၣ်ဝဲထဲလဲၣ်ထဲလဲၣ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 7:12

ပှၤတဂၤမ့ၢ်လုၢ်ထီၣ်တၢ်လုၢ်အံၤဒ်တၢ်စံးဘျုးစံးဖှိၣ်ဆူကစၢ် ယွၤအအိၣ်န့ၣ်, ကဘၣ်လုၢ်ထီၣ်ဆၣ်ဖိကီၢ်ဖိဃုာ်ဒီးကိၣ်တအိၣ်ဘၣ်ဒီးကိၣ်လၢတအိၣ် ဒီးကိၣ်မံၣ်အတၢ်လုၢ်လၢအမ့ၢ်ကိၣ်အလိၣ်လၢတၢ်မၤအီၤလၢကိၣ် ကမူၣ်ဒီးသ့ၣ်စၤယံးအသိဃါဃုာ်အသးမ့ၢ်ဂ့ၤ, ကိၣ်ဘ့ၣ်ဘၣ်လၢတၢ် ဒွါအီၤဒိးသ့ၣ်စၤယံးအသိမ့ၢ်ဂ့ၤ, ကိၣ်ကမူၣ်ဒီးသ့ၣ်စၤယံးအသိးဃါဃုာ်သးအကိၣ်ဘ့ၣ်ဘၣ်ကုၢ်အသးမ့ၢ်ဂ့ၤန့ၣ်လီၤ.

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.