စံးထီၣ်ပတြၢၤ 107:2 - Sgaw Karen Common Bible

² မ်ပှၤလၢယွၤပှ့ၤက့ၤအီၤ, ပှၤလၢအဝဲဒၣ်မၤပူၤဖျဲးအီၤလၢ အဒုၣ်အဒါတဖၣ်,

စံးထီၣ်ပတြၢၤ 107:2 Iomraidhean Croise

စံးထီၣ်ပတြၢၤ 106:10

အဝဲဒၣ်အုၣ်က့ၤခီၣ်က့ၤအဝဲသ့ၣ်လၢပှၤလၢ အသးဟ့အီၤတဖၣ်အစုပူၤ, ဒီးမၤပူၤဖျဲးအီၤလၢ အဒုၣ်အဒါတဖၣ်အစုပူၤန့ၣ်လီၤ.

စံးထီၣ်ပတြၢၤ 130:8

ဒီးအဝဲကအုၣ်က့ၤခီၣ်က့ၤအပှၤဂီၢ်မုၢ်အံၣ်စရ့လးလၢ အတၢ်ဒဲးဘးအပူၤလီၤ.

စံးထီၣ်ပတြၢၤ 31:5

ယွၤ, ကစၢ်ယွၤလၢအမ့ၢ်အတီတဂၤဧၢ, ယဟ့ၣ်လီၤယသးလၢနစုပူၤလီၤ. အဂ့ၢ်ဒ်အံၤ, နပှ့ၤက့ၤလံယၤလံ.

လံာ်တၢ်ဟးထီၣ်ကွံာ် 15:16

တၢ်ပျံၤတၢ်ဖုးနးနးကလဲာ်လီၤဘၣ်လၢအဝဲသ့ၣ် အလိၤလီၤ. အဝဲသ့ၣ်ထံၣ်ဘၣ်နဂံၢ်နဘါ, ယွၤဧၢ. ဒီးဆၢထၢၣ်လၢတၢ်မၤနၢၤတအိၣ်ဘၣ်အပူၤဃုာ်ဒီးတၢ်ပျံၤတၢ်ဖုး တုၤနပှၤဂီၢ်မုၢ်လဲၤထီၣ်ပူၤကွံာ်ဝဲတစု, နပှၤဂီၢ်မုၢ်လၢနမၤထူၣ်ဖျဲးထီၣ်အီၤလၢကုၢ်အလီၢ်န့ၣ်လီၤ.

လံာ်ယၡါယၤ 35:9

ခ့ယုၢ်တဖၣ်တအိၣ်ဖဲန့ၣ်နီတဒုဘၣ်. ဆၣ်ဖိကီၢ်ဖိလၢအဒူအဃိၤတပိာ်ကျဲအဝဲန့ၣ် နီတဒုဘၣ်. ပှၤလၢယွၤမၤပူၤဖျဲးတ့ၢ်အီၤတဖၣ်ကက့ၤဆူ အဟံၣ်လၢကျဲအဝဲန့ၣ်လီၤ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 44:22

ယတြူာ်ကွံာ်နတၢ်ဒဲးဘးတဖၣ်ဒ်တၢ်အၢၣ်အသိးလီၤ. ဟဲက့ၤကဒါက့ၤဆူယအိၣ်တက့ၢ်. ယမ့ၢ်ပှၤတဂၤလၢ အအုၣ်က့ၤခီၣ်က့ၤနၤလီၤ.

လံာ်ယၡါယၤ 62:12

သုကဘၣ်တၢ်ကိးသုလၢ, “ကစၢ်ယွၤအပှၤဂီၢ်မုၢ်စီဆှံ, “ပှၤဂီၢ်မုၢ်လၢယွၤအုၣ်က့ၤခီၣ်က့ၤတ့ၢ်အီၤ” န့ၣ်လီၤ. ဝ့ၢ်ယရူၤရှလ့ၣ်ကဘၣ်တၢ်ကိးအီၤလၢ, “ဝ့ၢ်လၢကစၢ်ယွၤအဲၣ်အီၤ, “ဝ့ၢ်လၢကစၢ်ယွၤတလဲၤသဒၣ်အီၤဘၣ်” န့ၣ်လီၤ.

လံာ်ယၡါယၤ 63:4

ယစံၣ်ညီၣ်တဲာ်လၢတၢ်ဆၢကတီၢ်လၢယကအုၣ်က့ၤခီၣ်က့ၤယပှၤ ဂီၢ်မုၢ်ဟဲတုၤဝဲ, ဒီးတၢ်အံၤမ့ၢ်တၢ်ဆၢကတီၢ်လၢတၢ်စံၣ်ညီၣ် အဝဲသ့ၣ်အဒုၣ်အဒါတဖၣ်အဂီၢ်လီၤ.

လံာ်ယံးရမံယၤ 15:21

ယကမၤပူၤမၤဖျဲးနၤလၢပှၤတတီတလိၤဒီးပှၤမၤတၢ်လၢတၢ်စုဆူၣ် ခီၣ်တကးတဖၣ်အတၢ်စိတၢ်ကမီၤအပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:11

ယမၤထူၣ်ဖျဲးလံ ကီၢ်အံၣ်စရ့လး အပှၤဂီၢ်မုၢ်, ဒီးအုၣ်က့ၤခီၣ်က့ၤ လံအဝဲသ့ၣ်လၢ ပှၤအဂံၢ်ဆူၣ် တကလုာ်အစုပူၤလီၤ.

လံာ်မံကၤ 4:10

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, ဝံာ်ပကံးန သးဒီးကအုကစွါဒ်ပိာ်မုၣ်တဂၤလၢအကဆံးစၢ်အသိးန့ၣ်တက့ၢ်. အဂ့ၢ်ဒ်အံၤ, ခဲကနံၣ်အံၤသုကဘၣ်ဟးထီၣ်လၢဝ့ၢ်ပူၤဒီးအိၣ်လၢတၢ်ပျီပူၤလီၤ. သုကဘၣ်လဲၤဆူကီၢ်ဘၤဘူၤလိၣ်, ဘၣ်ဆၣ်ဒီးဖဲန့ၣ်ယွၤကအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစုပူၤလီၤ.

လံာ်လူၤကၣ် 1:68

“မ်ပကစံးထီၣ်ပတြၢၤသကိးကစၢ်, အံၣ်စရ့လးအကစၢ်ယွၤန့ၣ်တက့ၢ်. အဝဲဒၣ်ဟဲဒ်သိးအကမၤစၢၤအပှၤဂီၢ်မုၢ်ဒီးဒုးထူၣ်ဖျဲးထီၣ်ကွံာ်အဝဲသ့ၣ်လီၤ.

လံာ်လူၤကၣ် 1:74

အဝဲဒၣ်အၢၣ်လီၤအီလီၤလၢအကအုၣ်က့ၤခီၣ်က့ၤပှၤလၢပဒုၣ် ပဒါတဖၣ်အစုပူၤ ဒီးပျဲပမၤအတၢ်ဖံးတၢ်မၤပူၤဖျဲးဒီးတၢ်ပျံၤတၢ်ဖုး,

လံာ်လူၤကၣ် 24:21

ဒီးပမုၢ်လၢ်တ့ၢ်ပဝဲလၢအဝဲကမ့ၢ်ပှၤတဂၤလၢအကအုၣ် က့ၤခီၣ်က့ၤအံၣ်စရ့လးလီၤ. အါန့ၢ်အန့ၣ်, မုၢ်တနံၤအံၤမ့ၢ်ဝဲတၢ်မၤအသးပှဲၤထီၣ်သၢသီတသီလီၤ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

လံာ်သိၣ်လီၤသီလီၤတၢ် 15:15

သ့ၣ်နီၣ်ထီၣ်က့ၤလၢသုမ့ၢ်တ့ၢ်ကုၢ်တဖၣ်လၢကီၢ်အဲၤကူပတူး အပူၤဒီးယွၤသုကစၢ်ယွၤမၤထူၣ်ဖျဲးထီၣ်သုန့ၣ်တက့ၢ်. လၢတၢ်န့ၣ်အဃိ, ခဲကနံၣ်အံၤယဟ့ၣ်လီၤသုလၢတၢ်မၤလိာ်အံၤန့ၣ်လီၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.