စံးထီၣ်ပတြၢၤ 107:14 - Sgaw Karen Common Bible

¹⁴ အဝဲဒၣ်စိာ်ထီၣ်ကွံာ်အဝဲသ့ၣ်လၢတၢ်ခံးတၢ်နၤ ဒီးတၢ်သူၣ်အုးသးအုးအဒိၣ်အဃိာ်အပူၤ, ဒီးမၤတဲာ်ကွံာ် အဝဲသ့ၣ်အထးသွဲတဖၣ်န့ၣ်လီး.

စံးထီၣ်ပတြၢၤ 107:14 Iomraidhean Croise

လံာ်စီၤယိၤဘး 15:22

အဝဲတအိၣ်ဘၣ်ဒီးတၢ်မုၢ်လၢ်နီတမံၤလၢ ကထူၣ်ဖျဲးထီၣ်လၢ တၢ်ခံးတၢ်နၤအပူၤန့ၣ်ဘၣ်. အဂ့ၢ်ဒ်အံၤ, ဒီတဘ့ၣ်ခိးပာ်စၢၤအီၤလၢ ကမၤသံအီၤအဂီၢ်ဖဲတၢ်လီၢ် တတီၤတီၤ,

လံာ်စီၤယိၤဘး 15:30

အဝဲတပူၤဖျဲးဝဲလၢတၢ်ခံးတၢ်နၤန့ၣ်ဘၣ်. အဝဲကလီၤဂာ်ဒီးသ့ၣ် တထံးအဒ့လၢတဖၣ်မ့ၣ်အူအီၣ်ကွံာ်အီၤ, ဒီးအဒိးစၢ်တဖၣ်ကလံၤအူဒံကွံာ်အီၤအသိးန့ၣ်လီၤ.

လံာ်စီၤယိၤဘး 19:8

ကစၢ်ယွၤတြီဃာ်ယကျဲဒီးယလဲၤတၢ်တသ့ဘၣ်. အဝဲပာ်လီၤတၢ်ခံးလၢယကျဲအဖီခိၣ်န့ၣ်လီၤ.

လံာ်စီၤယိၤဘး 3:5

ဒုးကဲထီၣ်အီၤလၢတၢ်ခံးဒီးတၢ်ခံးယိာ်အမုၢ်တနံၤန့ၣ်တက့ၢ်. မ်တၢ်အၢၣ်ကျၢၢ်ဘၢအီၤ, မ်မုၢ်အတၢ်ကပီၤသုတလီၤ ဘၣ်လၢအလိၤတဂ့ၤ.

လံာ်စီၤယိၤဘး 33:30

ဒ်သိးကဒုးဟဲက့ၤကဒါက့ၤအီၤလၢတၢ်သံအကီၢ်ပူၤ, ဒ်သိးကဒုးကပီၤဘၣ်အီၤတၢ်မူအတၢ်ကပီၤလီၤ.

လံာ်စီၤယိၤဘး 36:8

ဘၣ်ဆၣ်ဒီးပှၤကညီမ့ၢ်ဘၣ်တၢ်စၢဃံးအီၤလၢတၢ်နးတၢ် ဖှီၣ်အပျံၤတဖၣ်ဒီး,

စံးထီၣ်ပတြၢၤ 102:20

အဝဲနၢ်ဟူပှၤဘၣ်တၢ်စၢဃာ်အတၢ်ကအုကစွါတဖၣ်, ဒီးကမၤပူၤဖျဲးပှၤတဖၣ်လၢအဘၣ်တၢ်စံၣ်ညီၣ် သံအီၤန့ၣ်လီၤ.

စံးထီၣ်ပတြၢၤ 107:10

ပှၤတနီၤဆ့ၣ်နီၤဝဲလၢတၢ်ခံးတၢ်နၤ ဒီးတၢ်သူၣ်အုးသးအုးအပူၤ, ဒီးပှၤလၢတၢ်စၢဃာ်အီၤတဖၣ် တူၢ်ဘၣ်တၢ်နးတၢ်ဖှီၣ်လၢထးဧိၤတြၤဧိၤလီၤ.

စံးထီၣ်ပတြၢၤ 116:16

ယွၤဧၢ, ယမ့ၢ်နခ့နပှၤလီၤ. ယမၤနတၢ်မၤဒ်ယမိၢ်မၤတ့ၢ်ဝဲအသိးန့ၣ်လီၤ. နအုၣ်က့ၤခီၣ်က့ၤတ့ၢ်လံယၤလၢတၢ်သံန့ၣ်လံ.

စံးထီၣ်ပတြၢၤ 146:7

လၢအစံၣ်ညီၣ်တၢ်လၢပှၤဘၣ်တၢ်မၤအၢအီၤအဂီၢ်, လၢအဟ့ၣ်လီၤတၢ်အီၣ်တၢ်အီလၢ ပှၤသၣ်ဝံၤအဂီၢ်န့ၣ်, မၤထူၣ်ဖျဲးပှၤလၢအဘၣ်တၢ်စၢဃာ်တဖၣ်န့ၣ်လီၤ.

စံးထီၣ်ပတြၢၤ 68:6

ပှၤလၢအအိၣ်သယုၢ်ထဲတဂၤဧိၤန့ၣ် ယွၤဟ့ၣ်အီၤဟံၣ်လၢကအိၣ်ဝဲ, အဝဲဆှၢဝဲပှၤဘၣ်တၢ်စၢဃာ်သ့ၣ်တဖၣ်ဆူ တၢ်အီၣ်ကုာ်အီပှဲၤန့ၣ်လီၤ. မ့မ့ၢ်ပှၤပူထီၣ်တၢ်ဖိသ့ၣ်တဖၣ်န့ၣ် အိၣ်ဝဲဆိးဝဲလၢတၢ်လီၢ်အိၣ်သယုၢ်န့ၣ်လီၤ.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယၡါယၤ 49:9

ယကစံးဘၣ်ပှၤဘၣ်တၢ်စၢဃာ်လၢဃိာ်ပူၤတဖၣ်, ဟးထီၣ်လၢတၢ်သဘျ့အပူၤတက့ၢ်, ဒီးပှၤအိၣ်လၢတၢ်ခံးကျါတဖၣ်, ဟဲထီၣ်ဆူတၢ်ကပီၤအပူၤတက့ၢ်. အဝဲသ့ၣ်ကလီၤဂာ်ဒ်သိတဖၣ်လၢအအီၣ်အဆၣ်လၢတၢ်လူၢ်တဖၣ် အလိၤအသိးန့ၣ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်လူၤကၣ် 13:16

ခဲကနံၣ်အံၤ, ပိာ်မုၣ်လၢအမ့ၢ်စီၤအၤဘြၤဟၣ်အစၢၤအသွဲၣ် အိၣ်ဝဲဒၣ်ဖဲအံၤတဂၤလၢမုၣ်ကီၤလံၢ်ဟံးဃာ်တ့ၢ်အီၤလၢတၢ်စၢဃာ် အပူၤ, အိၣ်လံတဆံဃိးနံၣ်လံန့ၣ်လီၤ. တၢ်ကဒုးထူၣ်ဖျဲးထီၣ်ကွံာ်အီၤလၢအတၢ်စၢဃာ်အပူၤဖဲမုၢ်အိၣ်ဘှံး အနံၤန့ၣ်, တကြၢးဝဲဘၣ်ဝဲဘၣ်ဧါ.”

မၤတၢ် 5:19

ဘၣ်ဆၣ်ဒီးနၤအဝဲန့ၣ်ကစၢ်အကလူးတဂၤအိးထီၣ်တြဲၤတဖၣ်ဒီးဒုးဟးထီၣ်ဝဲ ပှၤတၢ်မၢဖိတဖၣ်ဆူတၢ်ချၢ, ဒီးစံးဘၣ်အဝဲသ့ၣ်,

မၤတၢ် 5:25

အကတီၢ်ဖဲန့ၣ်ပှၤတဂၤဟဲတုၤဒီး စံးဘၣ်အဝဲသ့ၣ်, “ခဲအံၤပှၤတဖၣ်လၢသုဖီၣ်ဒုးဃာ်အီၤလၢဃိာ်ပူၤန့ၣ်, အိၣ်ဆၢထၢၣ်လၢတၢ်လုၢ်ဟံၣ်ပူၤဒီးသိၣ်လီၤသီလီၤတၢ်လီၤ.”

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.