စံးထီၣ်ပတြၢၤ 107:12 - Sgaw Karen Common Bible

¹² အဝဲသ့ၣ်အသးလီၤဘှါဝဲလၢတၢ်မၤအကိၢ်အဂီၤ, လီၤဃံၤဝဲဒီးပှၤမၤစၢၤအီၤတအိၣ်နီတဂၤဘၣ်.

စံးထီၣ်ပတြၢၤ 107:12 Iomraidhean Croise

လံာ်စီၤပၤခံဘ့ၣ်တဘ့ၣ် 14:26

ယွၤထံၣ်ဘၣ်တၢ်နးတၢ်ဖှီၣ်လီၤပျံၤလီၤဖုးလၢပှၤအံၣ်စရ့လး ဖိတူၢ်ဘၣ်ဝဲန့ၣ်လီၤ. ပှၤလၢကမၤစၢၤအဝဲသ့ၣ်တအိၣ်နီတဂၤဘၣ်.

လံာ်စီၤပၤခံဘ့ၣ်တဘ့ၣ် 6:33

တချုးလၢအဝဲစံးတၢ်အံၤဝံၤဒၣ်လဲာ်န့ၣ်, စီၤပၤအပှၤစိာ်တၢ် ကစီၣ်ဟဲတုၤဝဲလီၤ. စီၤပၤဟဲတုၤစ့ၢ်ကီးဒီးစံးဝဲ, “တၢ်ကီတၢ်ခဲလၢအလီၤဘၣ်လၢပလိၤအံၤမ့ၢ်ယွၤဟဲစိာ်အီၤန့ၣ်လီၤ. ဘၣ်မနုၤအဃိယကြၢးခိးဒံးအီၤလၢအဝဲကမၤတၢ်တမံၤမံၤအဂီၢ်လဲၣ်.”

လံာ်စီၤနဃ့မယၤ 9:37

တၢ်လၢဟီၣ်ခိၣ်ဟ့ၣ်ထီၣ်ဝဲတဖၣ်န့ၣ်လဲၤဝဲဆူစီၤပၤတဖၣ် လၢနပာ်အီၤလၢပဖီခိၣ်အအိၣ်မ့ၢ်လၢပမၤတ့ၢ် တၢ်ဒဲးဘးအဃိန့ၣ်လီၤ. အဝဲသ့ၣ်မၤဘၣ်ပှၤဒီးပဆၣ်ဖိကီၢ်ဖိတဖၣ်ဒ်အသးဒၣ်ဝဲ ဒီးပအိၣ်လၢတၢ်ကိၢ်တၢ်ဂီၤယိာ်မးအပူၤန့ၣ်လီၤ.”

လံာ်စီၤယိၤဘး 9:13

ကစၢ်ယွၤအတၢ်သးထီၣ်န့ၣ်မ့ၢ်တၢ်တထံၣ်ဃီလီၤ. အဝဲမၤသဘှံးကွံာ်အဒုၣ်အဒါတဖၣ်, ပှၤလၢအမၤစၢၤပီၣ်လဲၣ်ပယိၤရၤဃးထီဒါအီၤန့ၣ်လီၤ.

စံးထီၣ်ပတြၢၤ 142:4

တုၤယကွၢ်တၢ်လၢယကပိာ်ကပၤန့ၣ်ဒီး ယတထံၣ်န့ၢ်ဘၣ်ပှၤလၢကမၤစၢၤယၤနီတဂၤဘၣ်. ပှၤမၤပူၤဖျဲးယၤတအိၣ်ဘၣ်. ပှၤကွၢ်ထွဲယၤတအိၣ်ဘၣ်.

စံးထီၣ်ပတြၢၤ 22:11

အိၣ်ယံၤဒီးယၤတဂ့ၤ, တၢ်ကိၢ်တၢ်ဂီၤအိၣ်ဘူးဒီးယၤလီၤ, ဒီးပှၤလၢကမၤစၢၤယၤတအိၣ်နီတဂၤဘၣ်.

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်ယၡါယၤ 51:23

ယကဟ့ၣ်လီၤအီၤဆူ, ပှၤတဖၣ်လၢအမၤအၢမၤနးသု, လၢအမၢသုမံလီၤလၢကျဲဘိတဖၣ်အပူၤ ဒီးယီၢ်တံၢ်သုဒ်ဟီၣ်ခိၣ်ကမူၣ်အသိး, အအိၣ်န့ၣ်လီၤ.”

လံာ်ယၡါယၤ 52:5

ဒီးခဲအံၤလၢကီၢ်ဘၤဘူၤလိၣ်န့ၣ်တၢ်တမံၤဃီမၤတ့ၢ်အသးလီၤ. သုဘၣ်တၢ်စိာ်မၢကဲကုၢ်သုဒီးတၢ်တဟ့ၣ်တၢ်အပှ့ၤနီ တမံၤလၢသုဂီၢ်ဘၣ်. ပှၤတဖၣ်လၢအပၢသုန့ၣ်ပာ်ထီၣ်ထီ ကတိၤဒိၣ်လီၤအသးဒီးဒုးနဲၣ်အတၢ်သူၣ်က့ၣ်သးကါဘၣ်ယၤ တထံၣ်ဃီလီၤ.

လံာ်ယၡါယၤ 63:5

ဖဲယကွၢ်တၢ်ဒီးထံၣ်လၢပှၤကမၤစၢၤယၤတအိၣ်နီတဂၤဘၣ်န့ၣ်, ယကမၢကမၣ်တ့ၢ်ယဲလီၤ. ဘၣ်ဆၣ်ဒီးယတၢ်သးထီၣ်မၤဆူၣ် ထီၣ်ယၤ, ဒီးယကစၢ်ဒၣ်ယဲယမၤနၢၤကွံာ်တၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 16:21

ပှၤဖလ့ၡသးဖိတဖၣ်ဖီၣ်န့ၢ်အီၤဒီးထုးထီၣ်ကွံာ်အမဲာ်ချံလီၤ. ဒီးအဝဲသ့ၣ်လဲၤစိာ်အီၤဆူဝ့ၢ်ဂါစၤ, စၢအီၤလၢထးသွဲတိၢ်ဘီတဖၣ်ဒီးမၢအဂူာ်ဆၢၣ်ဂူာ်လၢဃိာ်ပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:30

ဒီးကိးထီၣ်ဝဲ, “မ်ယသံဃုာ်ဒီးပှၤဖလ့ၡသးဖိတဖၣ်တက့ၢ်.” ဒီးအဝဲဆီၣ်ဝဲလၢအဂံၢ်အဘါခဲလၢာ်ဒီး တၢ်သူၣ်ထီၣ်လီၤပှီၢ်လၢစီၤပၤယဲၢ်ဂၤဒီးပှၤခဲလၢာ်အလိၤလီၤ. စီၤၡံၣ်ၡိၣ်မၤသံပှၤဖဲအသံအခါအံၤအါန့ၢ်ဒံးအမၤသံတ့ၢ်ဝဲ ဖဲအမူဒံးအဖၢမုၢ်န့ၣ်လီၤ.