စံးထီၣ်ပတြၢၤ 107:1 - Sgaw Karen Common Bible

¹ “အိ, ဟ့ၣ်တၢ်စံးဘျုးစံးဖှိၣ်ဆူယွၤတက့ၢ်. အဂ့ၢ်ဒ်အံၤ, ယွၤန့ၣ်ဂ့ၤဝဲလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤထူလီၤယိာ်လီၤ.

စံးထီၣ်ပတြၢၤ 107:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:34

ဟ့ၣ်ယွၤလၢတၢ်စံးဘျုးစံးဖှိၣ်တက့ၢ်. အဂ့ၢ်ဒ်အံၤယွၤန့ၣ်ဂ့ၤဝဲ ဒီးအတၢ်အဲၣ်အိၣ်ဝဲလီၤထူလီၤယိာ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:41

ဖဲန့ၣ်စီၤဟ့မၣ်ဒီးစီၤယဒူသူၣ်ဒီးပှၤအဂၤတဖၣ်လၢအဘၣ်တၢ်ဃု ထၢလီၤဆီအီၤလၢကသးဝံၣ်တၢ်စံးထီၣ်ပတြၢၤယွၤလၢအတၢ်အဲၣ် လီၤထူလီၤယိာ်အဃိန့ၣ်, အိၣ်ဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:21

တုၤအကူၣ်လိာ်ဖးလိာ်သကိးအသးဒီးပှၤဂီၢ်မုၢ်ဝံၤအလီၢ်ခံန့ၣ်, စီၤပၤဟ့ၣ်လီၤအကလုၢ်လၢပှၤသးဝံၣ်တၢ်ဖိတနီၤကကူထီၣ်သိးထီၣ် အဆ့ကၤဒိၣ်တဖၣ်လၢအဝဲသ့ၣ်ကူသိးဝဲဖဲဘူၣ်စီဆှံအကတီၢ်တဖၣ်န့ၣ်, ဒီးကလဲၤတၢ်လၢသုးမုၢ်အမဲာ်ညါဒီးသးဝံၣ်ထီၣ်တၢ်, “စံးထီၣ်ပတြၢၤယွၤတက့ၢ်. အဝဲအတၢ်အဲၣ်မ့ၢ်တၢ်လီၤထူလီၤ ယိာ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 5:13

ပှၤသးဝံၣ်တၢ်ဖိတဖၣ်သးဝံၣ်တၢ်အိၣ်ဒီးတၢ်ဃူဃီၣ်လီၤပလိာ်အလၢ အပှဲၤလၢအမုာ်မးဘၣ်လိာ်ဖိးဒ့လိာ်အသးဒီးကွဲၤတဖၣ်, စှၢၣ်စှံးတဖၣ်ဒီးတၢ်ဒ့တၢ်အူအပိးအလီအဂၤတဖၣ်အသီၣ်, ဖဲအဝဲသ့ၣ်သးဝံၣ်စံးထီၣ်ပတြၢၤယွၤဒီးစံး, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. ဒီးအဝဲအတၢ်အဲၣ်န့ၣ်မ့ၢ်တၢ်အဲၣ်အထူ အယိာ်လီၤ.” သတူၢ်ကလာ်တၢ်လုၢ်ဟံၣ်န့ၣ်ဘၣ်တၢ်မၤပှဲၤအီၤဒီးတၢ် အၢၣ်လၢအကပီၤဝဲဒီးယွၤအတၢ်အိၣ်ဝဲအတၢ်ကပြုၢ်ကပြီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:3

တုၤအံၣ်စရ့လးအပှၤဂီၢ်မုၢ်ထံၣ်တ့ၢ်မ့ၣ်အူဟဲလီၤလၢမူခိၣ် ဒီးတၢ်ကပီၤမၤပှဲၤယွၤအတၢ်လုၢ်ဟံၣ်န့ၣ်ဒီး, အဝဲသ့ၣ်ထိၣ်တွံၤလီၤအသးလၢအမဲာ်ညါ, ဒါလီၤအမဲာ်သၣ်တဖၣ်လၢ တၢ်ဒါလၢၢ်အဖီခိၣ်, ဘူၣ်ထီၣ်ဘါထီၣ်ကစၢ်ယွၤ, ဒီးစံးထီၣ်ပတြၢၤအီၤလၢအဝဲအတၢ် ဂ့ၤတၢ်ဝါဒီးအတၢ်အဲၣ်လီၤထူလီၤယိာ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:6

ပှၤလုၢ်တၢ်အခိၣ်တဖၣ်ဆၢထၢၣ်ဝဲဖဲတၢ်လီၢ်တဖၣ်လၢအဘၣ်တၢ်ပာ်လီၤ အီၤဒီးလၢအဝဲသ့ၣ်အမဲာ်ညါလိၤလိၤန့ၣ်, ပှၤလ့ၤဝံဖိတဖၣ်ဆၢထၢၣ်ဝဲစံးထီၣ်ပတြၢၤယွၤလၢတၢ်ဒ့တၢ်အူ အပီးအလီတဖၣ်လၢစီၤပၤဒၤဝံးမၤပာ်စၢၤတ့ၢ်ဝဲ, ဒီးသးဝံၣ်ထါသးဝံၣ်, “အဝဲအတၢ်အဲၣ်မ့ၢ်တၢ်အထူအယိာ်” ဒ်အဝဲသ့ၣ်ဘၣ်တၢ်မၢတ့ၢ်ဒီးဟ့ၣ်စိဟ့ၣ်ကမီၤအီၤလၢစီၤဒၤဝံး အသိးန့ၣ်လီၤ. ဖဲပှၤဂီၢ်မုၢ်ခဲလၢာ်ဆၢထၢၣ်ဝဲန့ၣ်, ပှၤလုၢ်တၢ်အခိၣ်တဖၣ်အူထီၣ်ကွဲၤတဖၣ်န့ၣ်လီၤ.

စံးထီၣ်ပတြၢၤ 100:5

အဂ့ၢ်ဒ်အံၤ, ယွၤန့ၣ်ဂ့ၤဝဲ, အတၢ်အဲၣ်ဂၢၢ်ကျၢၤအိၣ်ဝဲလီၤထူလီၤယိာ် ဒီးအကလုၢ်တီဝဲအစိၤစိၤအဃၣ်ဃၣ်လီၤ.

စံးထီၣ်ပတြၢၤ 103:17

မ့မ့ၢ်ယွၤအတၢ်အဲၣ်ဂၢၢ်ကျၢၤအိၣ်ဝဲလၢ ပှၤလၢအပျံၤအီၤတဖၣ်အလိၤလီၤစိၤလီၤထီ ဒီးအတၢ်ဂ့ၤတၢ်ဝါန့ၣ်အိၣ်ဂၢၢ်ဆိးကျၢၤကိးစိၤဒဲး,

စံးထီၣ်ပတြၢၤ 105:1

စံးဘျုးစံးဖှိၣ်ယွၤ, ကိးထီၣ်အမံၤ, ဒီးဒုးသ့ၣ်ညါအတၢ်မၤတဖၣ်လၢ အပှၤဂီၢ်မုၢ်အကျါတက့ၢ်.

စံးထီၣ်ပတြၢၤ 106:1

စံးထီၣ်ပတြၢၤယွၤတက့ၢ်. စံးဘျုးယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤထူလီၤယိာ်လီၤ.

စံးထီၣ်ပတြၢၤ 118:1

အိ, ဟ့ၣ်ထီၣ်တၢ်စံးဘျုးစံးဖှိၣ်တဖၣ်ဆူ ယွၤအအိၣ်န့ၣ်တက့ၢ်. အဂ့ၢ်ဒ်အံၤ, ယွၤန့ၣ်ဂ့ၤဝဲလီၤ. အဂ့ၢ်ဒ်အံၤ, အတၢ်အဲၣ်အိၣ်ဂၢၢ်ဆိးကျၢၤ လီၤထူလီၤယိာ်လီၤ.

စံးထီၣ်ပတြၢၤ 119:68

နမ့ၢ်တၢ်ဂ့ၤဒီးနမၤဂ့ၤတၢ်လီၤ. သိၣ်လိယၤလၢ နတၢ်သိၣ်တၢ်သီတဖၣ်န့ၣ်တက့ၢ်.

လံာ်မးသဲ 19:17

ယ့ၣ်ၡူးစံးဆၢအီၤ, “ဘၣ်မနုၤလၢနသံကွၢ်ယၤဘၣ်ဃးဒီးတၢ်ဂ့ၤန့ၣ်လဲၣ်. ပှၤအဂ့ၤအိၣ်ဒၣ်ထဲယွၤတဂၤဧိၤလီၤ. နမ့ၢ်အဲၣ်ဒိးလဲၤနုာ်လီၤဆူတၢ်မူအထူအယိာ်အပူၤဒီး, တိၢ်န့ၢ်တၢ်မၤလိာ်တဖၣ်န့ၣ်တက့ၢ်.”

လံာ်လူၤကၣ် 1:50

အဝဲဒၣ်ဒုးနဲၣ်တၢ်သးကညီၤလၢ ပှၤမၤလၤကပီၤအီၤသ့ၣ်တဖၣ်အဖီခိၣ် လၢပှၤတစိၤဘၣ်တစိၤန့ၣ်လီၤ.