စံးထီၣ်ပတြၢၤ 106:8 - Sgaw Karen Common Bible

⁸ ဘၣ်ဆၣ်အဝဲဒၣ်အုၣ်က့ၤခီၣ်က့ၤအဝဲသ့ၣ်, ဒ်အဝဲအၢၣ်လီၤတ့ၢ်ဝဲအသိး, ဒ်သိးကပာ်ဖျါထီၣ်အစိဒိၣ်အကမီၤဒိၣ်န့ၣ်လီၤ.

စံးထီၣ်ပတြၢၤ 106:8 Iomraidhean Croise

စံးထီၣ်ပတြၢၤ 111:6

အဝဲပာ်ဖျါတ့ၢ်လံအစိအကမီၤဆူ အပှၤဂီၢ်မုၢ် ခီဖျိအဟ့ၣ်လီၤအဝဲသ့ၣ် လၢပှၤတခီဘီမုၢ်ဖိတဖၣ်အထံဧိၤကီၢ်ဧိၤန့ၣ်လီၤ.

စံးထီၣ်ပတြၢၤ 143:11

ယွၤဧၢ, ပာ်မူယသးလၢနမံၤအဃိန့ၣ်တက့ၢ်. လၢနတၢ်တီတၢ်လိၤအပူၤန့ၣ်, ထုးထီၣ်ကွံာ်ယၤလၢတၢ်ကီတၢ်ခဲ တဖၣ်အပူၤန့ၣ်တက့ၢ်.

စံးထီၣ်ပတြၢၤ 23:3

မၤက့ၤယသး, ဆှၢယၤလၢကျဲအတီအလိၤတဖၣ်အပူၤ လၢအမံၤအဃိလီၤ.

လံာ်တၢ်ဟးထီၣ်ကွံာ် 15:6

ယွၤဧၢ, နစုထွဲလီၤလးမးလၢတၢ်စိကမီၤအပူၤလီၤ. မၤဟးဂီၤဒုၣ်ဒါတဖၣ်တုၤအလီၤသဘှံးလီၤ.

လံာ်တၢ်ဟးထီၣ်ကွံာ် 18:8

ဒီးစီၤမိၤၡ့တဲဘၣ်စီၤယံးသရိၤတၢ်ကိးမံၤလၢယွၤမၤဘၣ် တ့ၢ်ကီၢ်အဲၤကူပတူးအစီၤပၤဒီးအပှၤဂီၢ်မုၢ်ဒ်သိးကအုၣ်က့ၤ ခီၣ်က့ၤပှၤအံၣ်စရ့လးဖိတဖၣ်အဂ့ၢ်န့ၣ်လီၤ. ဒီးတဲဘၣ်အီၤစ့ၢ်ကီးဝဲတၢ်ကီတၢ်ခဲတဖၣ်လၢပှၤဂီၢ်မုၢ်ဘၣ် ကွၢ်ဆၢၣ်မဲာ်လၢကျဲဒီဘိညါဒီးယွၤမၤစၢၤအဝဲသ့ၣ်ဒ်လဲၣ် အဂ့ၢ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 9:16

ဘၣ်ဆၣ်ယပာ်မူနၤဒ်သိးယကဒုးနဲၣ်နၤလၢယစိယကမီၤဒ်သိးယမံၤ ကဘၣ်တၢ်စံၣ်တဲၤတဲလီၤအီၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယၡါယၤ 48:9

ဒ်သိးပှၤဂီၢ်မုၢ်ကစံးထီၣ်ပတြၢၤယမံၤ ဒီးယပၢၤဃာ်ယတၢ်သးထီၣ်လၢတၢ်ပလီၢ်ပဒီသးအပူၤလီၤ. ယထုးက့ၤအီၤဒီးယတမၤဟးဂီၤသုဘၣ်.

လံာ်ယံးရမံယၤ 14:21

သ့ၣ်နီၣ်ထီၣ်က့ၤနတၢ်အၢၣ်လီၤအီလီၤတဖၣ်ဒီးသးဘၣ်အၢပှၤတဂ့ၤ. ဟဲစိာ်တၢ်မဲာ်ဆှးဆူဝ့ၢ်ယရူၤၡလ့ၣ်, တၢ်လီၢ်လၢအမ့ၢ်နတၢ်လၤကပီၤအလီၢ်ပစိာ် အဖီခိၣ်တဂ့ၤ. မၤဟးဂီၤကွံာ်တၢ်အၢၣ်လီၤအီလီၤလၢနမၤတ့ၢ်ဒီး ပှၤန့ၣ်တဂ့ၤ.

လံာ်ယံးရမံယၤ 14:7

ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယဃ့းစက့လး 20:14

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤ, တၢ်န့ၣ်ကဟဲစိာ်ဃီၤတၢ်မၤဘၣ်ဒိယမံၤအလၤကပီၤလၢပှၤကလုာ် တဖၣ်အကျါ, ပှၤတဖၣ်လၢအထံၣ်ဘၣ်တ့ၢ်ယဒုးဟးထီၣ်ကွံာ် အံၣ်စရ့လးန့ၣ်လီၤ.

လံာ်ယဃ့းစက့လး 20:22

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိ ယမံၤအလၤကပီၤလၢပှၤကလုာ်တဖၣ်အကျါ, ပှၤတဖၣ်လၢအထံၣ်တ့ၢ်ယထုးထီၣ်ကွံာ်အံၣ်စရ့လးလၢကီၢ်အဲၤကူပတူး အပူၤန့ၣ်လီၤ.

လံာ်ယဃ့းစက့လး 20:44

ဖဲယမၤတၢ်လၢ, တၢ်ဒီဒၣ်အိၣ်ပှိၤက့ၤယလၤကပီၤအဂီၢ်န့ၣ် သုဝဲပှၤအံၣ်စရ့လးဖိတဖၣ်သုကသ့ၣ်ညါလၢယမ့ၢ်ယွၤန့ၣ်လီၤ. အဂ့ၢ်ဒ်အံၤ, ယတမၤဘၣ်သုဒ်သုတၢ်အၢတၢ်သီ, တၢ်ဟူးတၢ်ဂဲၤအအၢအသီတဖၣ်ကြၢးတူၢ်ဘၣ်ဝဲအသိးန့ၣ်ဘၣ်.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 20:9

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိယမံၤအလၤကပီၤ, မ့ၢ်လၢ, လၢပှၤဂီၢ်မုၢ်လၢအဝဲသ့ၣ်အိၣ်ဝဲဆိးဝဲအကျါ, အမဲာ်ညါန့ၣ်ယဘိးဘၣ်သ့ၣ်ညါတ့ၢ်အံၣ်စရ့လးလၢ, ယကဒုးဟးထီၣ်အဝဲသ့ၣ်လၢကီၢ်အဲၤကူပတူးအပူၤအဃိန့ၣ်လီၤ.

ရိမ့ၤ 9:17

အဂ့ၢ်ဒ်လဲၣ်န့ၣ်, တၢ်ကွဲးအသးစီဆှံစံးဘၣ်ဖၤရိၤ, “ယဒုးကဲထီၣ်နၤစီၤပၤလၢယကသူနၤလၢယကဒုးနဲၣ် ယစိကမီၤအဂီၢ်, ဒီးလၢယမံၤကဘၣ်တၢ်သ့ၣ်ညါအီၤလၢ ဟီၣ်ခိၣ်ဒီဘ့ၣ်အဂီၢ်န့ၣ်လီၤ.”

လံာ်စီၤယိၤၡူ 4:24

လၢတၢ်ဂ့ၢ်အံၤအဃိ, ပှၤအိၣ်လၢဟီၣ်ခိၣ်ချၢခဲလၢာ်ကသ့ၣ် ညါလၢယွၤအစိကမီၤဒိၣ်ဝဲထဲလဲၣ်, ဒီးသုကမၤလၤကပီၤယွၤ သုကစၢ်ယွၤအစိၤစိၤအဃၣ်ဃၣ်န့ၣ်လီၤ.”

လံာ်စီၤယိၤၡူ 7:9

ပှၤကနၤဧၣ်ဖိတဖၣ်ဒီးပှၤအဂၤခဲလၢာ်လၢထံကီၢ်အပူၤကနၢ်ဟူတၢ်ဂ့ၢ်အံၤ, ကကဝီၤဃာ်ပှၤဒီးကမၤသံပှၤခဲလၢာ်လီၤ. ဒီးနကမၤမနုၤလၢနကဒီဒၣ်နမံၤအလၤကပီၤအဂီၢ်န့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 12:22

ယွၤမၤတ့ၢ်တၢ်အၢၣ်လီၤသညူးသပှၢ်တမံၤဒီးအဝဲဒၣ်တညိ ကွံာ်ဘၣ်သုဘၣ်. အဂ့ၢ်ဒ်အံၤ, အဝဲပာ်လီၤတ့ၢ်အသးလၢကဒုးကဲ ထီၣ်သုလၢအပှၤဂီၢ်မုၢ်ဒၣ်ဝဲန့ၣ်လီၤ.