စံးထီၣ်ပတြၢၤ 106:7 - Sgaw Karen Common Bible

⁷ ပမိၢ်ပၢ်ဖံဖုလၢပျၢၤတဖၣ်, လၢကီၢ်အဲၤကူပတူးအပူၤန့ၣ် တနၢ်ပၢၢ်ကစၢ်ယွၤအတၢ်မၤလီၤလးတဖၣ်န့ၣ်ဘၣ်. အဝဲသ့ၣ်သးပ့ၤနီၣ်ကွံာ် လၢကစၢ်ယွၤ ဒုးနဲၣ်တ့ၢ်အီၤအတၢ်အဲၣ်အါဘျီ, ဒီးပူထီၣ်ထီဒါတၢ်ထီကတၢၢ်ယွၤလၢ ပီၣ်လဲၣ်ဂီၤန့ၣ်လီၤ.

စံးထီၣ်ပတြၢၤ 106:7 Iomraidhean Croise

စံးထီၣ်ပတြၢၤ 105:5

သ့ၣ်နီၣ်ထီၣ်က့ၤတၢ်လီၤလးတဖၣ်လၢအမၤတ့ၢ်ဝဲ, အတၢ်မၤလီၤလးတဖၣ်, ဒီးတၢ်စံၣ်ညီၣ်လၢ အဟ့ၣ်လီၤဝဲန့ၣ်တက့ၢ်.

စံးထီၣ်ပတြၢၤ 106:45

လၢအဝဲသ့ၣ်အဂီၢ် ယွၤသ့ၣ်နီၣ်ထီၣ်က့ၤ အတၢ်အၢၣ်လီၤအီလီၤဒီး လၢအတၢ်အဲၣ်ဒိၣ်ဝဲအဃိ, အဝဲထိၣ်ကဆှၣ်လီၤက့ၤအသးန့ၣ်လီၤ.

စံးထီၣ်ပတြၢၤ 5:7

မ့မ့ၢ်ယဲဒၣ်အံၤ, ခီဖျိနတၢ်အဲၣ်ဂၢၢ်ကျၢၤလၢအဒိၣ်ဝဲအါဝဲန့ၣ်, ယကဟဲနုာ်ဘၣ်ဆူနဟံၣ်ပူၤ, ယကဘူၣ်ထီၣ်ဘါထီၣ်ဘၣ်နၤလၢ နတၢ်လုၢ်ဟံၣ်စီဆှံအပူၤ လၢတၢ်ပျံၤဒီးတၢ်ယူးယီၣ်ပာ်ကဲနၤအပူၤန့ၣ်လီၤ.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

စံးထီၣ်ပတြၢၤ 78:11

အဝဲသ့ၣ်သးပ့ၤနီၣ်တၢ်လၢယွၤမၤတ့ၢ်ဝဲ ဒီးတၢ်လီၤလးတဖၣ်လၢ အဒုးနဲၣ်တ့ၢ်အဝဲသ့ၣ်န့ၣ်လီၤ.

စံးထီၣ်ပတြၢၤ 78:42

အဝဲသ့ၣ်သးပ့ၤနီၣ်ကွံာ်အတၢ်စိတၢ်ကမီၤ, ဒီးမုၢ်တနံၤလၢအဝဲဒၣ်အုၣ်က့ၤခီၣ်က့ၤအဝဲသ့ၣ် လၢအဒုၣ်အဒါတဖၣ်အစုပူၤ,

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

လံာ်ယၡါယၤ 42:20

ကီၢ်အံၣ်စရ့လးဧၢ, နထံၣ်တ့ၢ်တၢ်အါမးလံ. ဘၣ်ဆၣ်တၢ်အံၤအခီပညီအိၣ်လၢနဂီၢ်ဒ်လဲၣ်. နအိၣ်ဒီးနနၢ်တဖၣ်လၢနကနၢ်ဟူတၢ်အဂီၢ်, ဘၣ်ဆၣ်ဒီးတၢ်လၢနနၢ်ဟူတ့ၢ်နီၢ်နီၢ်န့ၣ် မ့ၢ်တၢ်မနုၤလဲၣ်.”

လံာ်ယၡါယၤ 44:18

ပှၤဒ်န့ၣ်သိးတဖၣ်ဟးဂီၤနးနးကလဲာ်လၢတသ့ၣ်ညါတၢ်လၢအဝဲသ့ၣ် မၤဝဲအဂ့ၢ်အဃိန့ၣ်လီၤ. အဝဲသ့ၣ်ဘံၣ်ဃးအမဲာ်ဒီးကးတံၢ်အသးတြီတၢ်မ့ၢ်တၢ်တီန့ၣ်လီၤ.

လံာ်ယၡါယၤ 63:7

ယကတဲဖျါယွၤအတၢ်အဲၣ်လၢအတလီၤတူၢ်လီၤကာ်အဂ့ၢ်န့ၣ်လီၤ. ယစံးထီၣ်ပတြၢၤအီၤလၢတၢ်လၢအမၤတ့ၢ်ဝဲလၢပဂီၢ် ခဲလၢာ်အဃိန့ၣ်လီၤ. အဝဲဆိၣ်ဂ့ၤတ့ၢ်အံၣ်စရ့လးအပှၤဂီၢ်မုၢ်ထူးထူးတီၤတီၤလၢ အတၢ်သးကညီၤဒီးအတၢ်အဲၣ်တထံၣ်ဃီ အဃိန့ၣ်လီၤ.

လံာ်သးသယုၢ်တၢ် 3:32

အဝဲကဟဲစိာ်န့ၢ်ပှၤလၢတၢ်သးအုးဘၣ်ဆၣ်ဒီးအတၢ်အဲၣ်ပှၤန့ၣ် ကျၢၤဒီးဆူၣ်ဝဲလီၤ.

လံာ်မၢ်ကူး 4:12

လၢတၢ်န့ၣ်အဃိအဝဲသ့ၣ်ကကွၢ်ဝံၤကကွၢ်က့ၤကဒီး, ဘၣ်ဆၣ် တထံၣ်ဝဲဘၣ်. အဝဲသ့ၣ်ကကနၣ်ဝံၤကနၣ်က့ၤကဒီး, ဘၣ်ဆၣ်တနၢ်ပၢၢ်ဝဲဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ထံၣ်ဒီးနၢ်ပၢၢ်ဝဲတခီကဃၣ်က့ၤ အသးဆူကစၢ်ယွၤအအိၣ်, ဒီးအဝဲဒၣ်ကပျၢ်ကွံာ်အတၢ်သရူး အတၢ်ကမၣ်လီၤ.”

အ့းဖ့းစူး 2:11

ပှၤလၢအအိၣ်ဖျဲၣ်ထီၣ်ဒ်ပှၤကလုာ်ဂၤတဖၣ်အသိး, ပှၤလၢပှၤယူဒၤဖိလၢအကိးလီၤအသးလၢပှၤဒိးတၢ်ကူးတရံး လၢနီၢ်ခိနီၢ်ခီတဖၣ်, ကိးဝဲလၢပှၤတဒိးဘၣ်တၢ်ကူးတရံးဖိတဖၣ် သ့ၣ်ဧၢ, သ့ၣ်နီၣ်ထီၣ်တၢ်လၢသုမ့ၢ်တ့ၢ်လၢအပူၤကွံာ်အဆၢ ကတီၢ်န့ၣ်တက့ၢ်.

လံာ်သိၣ်လီၤသီလီၤတၢ် 15:15

သ့ၣ်နီၣ်ထီၣ်က့ၤလၢသုမ့ၢ်တ့ၢ်ကုၢ်တဖၣ်လၢကီၢ်အဲၤကူပတူး အပူၤဒီးယွၤသုကစၢ်ယွၤမၤထူၣ်ဖျဲးထီၣ်သုန့ၣ်တက့ၢ်. လၢတၢ်န့ၣ်အဃိ, ခဲကနံၣ်အံၤယဟ့ၣ်လီၤသုလၢတၢ်မၤလိာ်အံၤန့ၣ်လီၤ.

လံာ်သိၣ်လီၤသီလီၤတၢ် 29:4

ဘၣ်ဆၣ်တုၤလီၤလၢမုၢ်မဆါတနံၤအံၤဒၣ်လဲာ်, အဝဲတပျဲဒံးသုနၢ်ပၢၢ်တၢ်လၢသုကထံၣ်ဘၣ်တ့ၢ်အီၤတဖၣ်န့ၣ်ဘၣ်.