စံးထီၣ်ပတြၢၤ 106:43 - Sgaw Karen Common Bible

⁴³ ယွၤမၤပူၤဖျဲးအပှၤဂီၢ်မုၢ်အါဘျီဘၣ်ဆၣ်ဒီး အဝဲသ့ၣ်ဃုထၢပူထီၣ်ထီဒါအီၤ, ဒီးလီၤဘျၢယိာ်ထီၣ်လၢ တၢ်ဒဲးဘးအပူၤလီၤ.

စံးထီၣ်ပတြၢၤ 106:43 Iomraidhean Croise

စံးထီၣ်ပတြၢၤ 1:1

ပှၤလၢအတတူၢ်လိာ်ပှၤတတီတလိၤသ့ၣ်တဖၣ် အတၢ်ဟ့ၣ်ကူၣ်ဟ့ၣ်ဖး, ပှၤလၢအတလူၤပိာ်ထွဲပှၤတၢ်ဒဲးဘးဖိသ့ၣ်တဖၣ် အတၢ်သိၣ်လိသီလိအခံ, ဒီးပှၤလၢအတမၤဘၣ်ထွဲလိာ်အသးဒီး ပှၤလၢအဒုၣ်ဒွဲၣ်ကစၢ်ယွၤတဖၣ်န့ၣ်, မ့ၢ်ပှၤဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 106:29

အဝဲသ့ၣ်မၤသးထီၣ်ယွၤလၢအတၢ်မၤတဖၣ်အဃိ ဒီးတၢ်သံသတြိာ်အိၣ်ထီၣ်လၢအကျါလီၤ.

စံးထီၣ်ပတြၢၤ 107:11

အဂ့ၢ်ဒ်အံၤအဝဲသ့ၣ်ပူထီၣ်ကစၢ်ယွၤအကလုၢ်ကထါ, ဒီးညိကွံာ်တၢ်ထီကတၢၢ်တဂၤ အတၢ်ဟ့ၣ်ကူၣ်န့ၣ်လီၤ.

စံးထီၣ်ပတြၢၤ 81:12

အဃိ, ယပျဲလဲၤအဝဲသ့ၣ်ဆူအသးအၢအကျဲပူၤ ဒီးဒုးမၤအီၤတၢ်လၢ အအဲၣ်ဒိးဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 10:12

ပှၤစံဒိၣ်ဖိ, ပှၤဧမၤလ့းဖိ, ဒီးပှၤမၤဧိၣ်ဖိတဖၣ်ဆီၣ်ဘံၣ်ဆီၣ်ဘၢတ့ၢ်သုလၢ အပူၤကွံာ်ဒီးသုကိးထီၣ်တ့ၢ်ယၤလီၤ. မ့ၢ်ယတအုၣ်က့ၤခီၣ်က့ၤသုလၢအဝဲသ့ၣ်အစုပူၤဘၣ်ဧါ.

လံာ်ပှၤစံၣ်ညီၣ်ကွီၢ် 5:8

ဒီးဖဲပှၤအံၣ်စရ့လးဖိဃုထၢကစၢ်အသီတဖၣ်န့ၣ်, တၢ်ဒုးတၢ်ယၤအိၣ်ထီၣ်လၢကီၢ်န့ၣ်အပူၤလီၤ. လၢအံၣ်စရ့လးပိာ်ခွါလွံၢ်ကလးအကျါမ့ၢ်ပှၤစိာ်ကတီၤမ့ၢ်ဂ့ၤ, ဘီမ့ၢ်ဂ့ၤတဂၤဂၤန့ၣ်ဧါ.

လံာ်ပှၤစံၣ်ညီၣ်ကွီၢ် 6:5

အဝဲသ့ၣ်ဟဲဝဲဃုာ်ဒီးအဆၣ်ဖိကီၢ်ဖိတဖၣ်ဒီးဒဲတဖၣ်အါဝဲဂီၢ်ဝဲဒ်သိးဒွဲၣ်ဧိၤတြၤဧိၤန့ၣ်လီၤ. အဝဲသ့ၣ်ဒီးအကီၤလၤအူးတဖၣ်အါဝဲတုၤဒၣ်လဲာ်တၢ်ဂံၢ်အီၤတသ့ဘၣ်လီၤ. အဝဲသ့ၣ်ဟဲဒီးမၤဟးဂူာ်ဟးဂီၤကီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:6

ဒီးပှၤအံၣ်စရ့လးဖိမၤစၢၤလီၤအသးလၢကထီဒါအဝဲသ့ၣ်တသ့ဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:19

လၢကီၢ်အံၣ်စရ့လးအပူၤန့ၣ်ပှၤပိာ်ထးတဖၣ်တအိၣ်ဘၣ်. အဂ့ၢ်ဒ်အံၤ, ပှၤဖလ့ၡသးဖိတဖၣ်ပာ်လီၤအသးလၢကမၤဝဲ ဒ်သိးပှၤဧ့ၤဘြံၤဖိတဖၣ်ဘှီနးဒီးဘီတဖၣ်အသုတသ့အဂီၢ်န့ၣ်လီၤ.