စံးထီၣ်ပတြၢၤ 106:41 - Sgaw Karen Common Bible

⁴¹ အဝဲဒၣ်စူးကွံာ်ညိကွံာ်အဝဲသ့ၣ် ဆူပှၤတဘူၣ်ထီၣ်ဘါထီၣ်ယွၤ အစိကမီၤအပူၤဒီး အဒုၣ်အဒါတဖၣ်ပၢဘၣ်အဝဲသ့ၣ်န့ၣ်လီၤ.

စံးထီၣ်ပတြၢၤ 106:41 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:14

စီၤဒၤဝံးစံးဆၢဝဲဒၣ်, “ယအိၣ်လၢတၢ်စုကတၢၢ်ခီၣ်ကတၢၢ်အပူၤလီၤ. ဘၣ်ဆၣ်ဒီးယတအဲၣ်ဒိးလၢပှၤကညီကစံၣ်ညီၣ်ယၤဘၣ်. မ်ယွၤအကစၢ်ဒၣ်ဝဲမ့ၢ်ပှၤတဂၤလၢအစံၣ်ညီၣ်ပှၤတက့ၢ်. အဂ့ၢ်ဒ်အံၤ, အဝဲပှဲၤဒီးတၢ်သူၣ်ကညီၤသးကညီၤန့ၣ်လီၤ.”

လံာ်ယဃ့းစက့လး 16:27

ခဲကနံၣ်အံၤယယူာ်ထီၣ်ယစုလၢတၢ်စံၣ်ညီၣ်နၤအဂီၢ်ဒီးလၢ ယကထုးကွံာ်ယတၢ်ဆိၣ်ဂ့ၤအတၢ်နီၤဟ့ၣ်လၢနဂီၢ်န့ၣ်လီၤ. ယဟ့ၣ်လီၤနၤဆူပှၤဖလ့ၡသးဖိတဖၣ်အစုပူၤ, ပှၤလၢအသးဟ့ နၤဒီးသးဘၣ်အၢနလုၢ်လၢ်အၢသီအတၢ်မၤတဖၣ်န့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 28:29

သုကဟးပုာ်ကလၢၢ်တၢ်လၢမုၢ်ထူၣ်အခါဒ်ပှၤမဲာ်ဘျီၣ်တဂၤအသိး, ဒီးသုဃုထံၣ်သုကျဲတသ့ဝဲဘၣ်. လၢသုမၤတၢ်တမံၤလၢ်လၢ်အပူၤန့ၣ်, သုတဘီၣ်ထီၣ်ညီထီၣ်ဘၣ်. သုကဘၣ်တၢ်မၤနၢၤမၤပ့ၤသုဒီးဂုာ်န့ၢ်ဝာ်န့ၢ်သုတပယူာ်ဃီ ဒီးပှၤတအိၣ်ဘၣ်လၢကမၤစၢၤသုနီတဂၤဘၣ်.

လံာ်သိၣ်လီၤသီလီၤတၢ် 28:33

ပှၤကလုာ်တကလုာ်လၢထံဂၤကီၢ်ဂၤတခီကဟံးန့ၢ်ကွံာ်ကယဲၢ်တၢ်မုၢ် တၢ်ဘိတၤသူတၤသၣ်တဖၣ်လၢသုကျဲးစၢးမၤတ့ၢ်ဆူၣ်ဆူၣ်ဒီးသူၣ် လီၤဖျးလီၤအီၤ, ဖဲသုတဒိးန့ၢ်တၢ်နီတမံၤဘၣ်, မ့မ့ၢ်တခီသုဘၣ်တၢ်မၤနၢၤမၤပ့ၤ, မၤအၢမၤနးသုဆါဆါကလဲာ် တပယူာ်ဃီန့ၣ်လီၤ.

လံာ်သိၣ်လီၤသီလီၤတၢ် 28:48

လၢတၢ်န့ၣ်အဃိ, သုကမၤဒုၣ်ဒါတဖၣ်လၢယွၤကဆှၢလီၤအီၤဒ်သိး ကထီဒါသုအတၢ်န့ၣ်လီၤ. သုကသၣ်ဝံၤသၣ်စ့ၤ, တၢ်ကသူသုသးလၢထံ, ဒီးအိၣ်ဘ့ၣ်ဆ့, လိၣ်ဘၣ်တၢ်ကိးမံၤဒဲး န့ၣ်လီၤ. ယွၤကမၤနးမၤဖှီၣ်သုဆါဆါကလဲာ်တုၤလီၤလၢသုဘၣ်တၢ်မၤဟး ဂီၤကွံာ်သုတစုန့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 15:11

မၤသးဒ်န့ၣ်ဒီးယူဒၤအပှၤသၢကထိဂၤလဲၤဆူလ့ကအိဖဲဧ့ၤတၣ် ဒီးစံးဘၣ်စီၤၡံၣ်ၡိၣ်, “မ့ၢ်နတသ့ၣ်ညါဘၣ်ပှၤဖလ့ၡသးဖိတဖၣ်န့ၣ်မ့ၢ်ပှၤပၢဆှၢဘၣ်ပှၤဧါ. မ့ၢ်နမၤပှၤဒ်လဲၣ်.” အဝဲစံးဆၢဝဲဒၣ်, “ယမၤအဝဲသ့ၣ်ဒ်အမၤယၤအသိးလီၤ.”

လံာ်ပှၤစံၣ်ညီၣ်ကွီၢ် 2:14

လၢတၢ်န့ၣ်အဃိယွၤအသးကဲၤထီၣ်ဘၣ်ပှၤအံၣ်စရ့လးဖိဒီးပျဲပှၤ ဂုာ်ဆူၣ်ပျီဆူၣ်တၢ် တဖၣ်ဒုးအီၤဒီးဂုာ်ဆူၣ်န့ၢ်အတၢ်လီၤ. ဒီးယွၤပျဲဒုၣ်ဒါအိၣ်ဝးတရံးတဖၣ်ဒိၣ်စိလၢအဝဲသ့ၣ်အဖီခိၣ် န့ၣ်လီၤ. ဒီးပှၤအံၣ်စရ့လးဖိတဖၣ်ဒီဒၣ်အိၣ်ပှိၤလီၤက့ၤအသးတန့ၢ်လၢၤဘၣ် န့ၣ်လီၤ.

လံာ်ပှၤစံၣ်ညီၣ်ကွီၢ် 3:12

ကီၢ်အံၣ်စရ့လးအပှၤဂီၢ်မုၢ်မၤကဒီးတၢ်ဒဲးဘးထီဒါယွၤန့ၣ် လီၤ. လၢတၢ်အံၤအဃိယွၤဒုးဆူၣ်ထီၣ်ကီၢ်မိၤအးအစီၤပၤဧ့းကလိၣ် အဂံၢ်အဘါအါန့ၢ်ပှၤအံၣ်စရ့လးဖိန့ၣ်လီၤ.

လံာ်ပှၤစံၣ်ညီၣ်ကွီၢ် 3:14

ဒီးပှၤအံၣ်စရ့လးဖိတဖၣ်ဘၣ်တၢ်ပၢအီၤလၢစီၤပၤဧ့းကလိၣ် တဆံဃိးနံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:8

မၤသးဒ်န့ၣ်ဒီးယွၤသးဒိၣ်ထီၣ်ပှၤအံၣ်စရ့လးဖိဒီးပျဲကီၢ်မ့းစပတၤမံအစီၤပၤကူၡၣ်ရံးၡၤသဲၣ် မၤနၢၤအဝဲသ့ၣ်ဒီးအဝဲပၢပှၤအံၣ်စရ့လးဖိဃိးနံၣ်န့ၣ်လီၤ.