စံးထီၣ်ပတြၢၤ 106:2 - Sgaw Karen Common Bible

² မ့ၢ်မတၤ ကစံၣ်တဲၤတဲလီၤယွၤအတၢ်မၤလၢအဒိၣ်တဖၣ်, မ့တမ့ၢ်, မ့ၢ်မတၤ ကဒုးနၢ်ဟူအတၢ်စံးထီၣ်ပတြၢၤခဲလၢာ်တဂၤလဲၣ်.

စံးထီၣ်ပတြၢၤ 106:2 Iomraidhean Croise

လံာ်စီၤနဃ့မယၤ 9:5

ဒီးပှၤလ့ၤဝံဖိ, စီၤယ့ၤၡူ, စီၤကးမံၤအ့လး, စီၤၡကၤနယၤ, စီၤဘၤနံ, စီၤဃၡၤဘံယၤ, စီၤၡ့ရ့ဘယၤ, စီၤဟိၤဒံယၤ, စီၤၡဘၤနယၤ, စီၤပသၤဃယၤတဖၣ်စံးဝဲဒၣ် “ဂဲၤဆၢထၢၣ်ဒီးစံးထီၣ်ပတြၢၤယွၤသုကစၢ်ယွၤတက့ၢ်. စံးထီၣ်ပတြၢၤအီၤလီၤစိၤလီၤထီတက့ၢ်. မ်ပှၤကိးဂၤဒဲးစံးထီၣ်ပတြၢၤအတၢ်လၤကပီၤအမံၤတက့ၢ်. မ်အဘၣ်တၢ်စံးထီၣ်ပတြၢၤအီၤလၢတၢ်ခဲလၢာ်အဖီခိၣ်တက့ၢ်.”

လံာ်စီၤယိၤဘး 26:14

ဘၣ်ဆၣ်တၢ်အံၤမ့ၢ်ဒၣ်ထဲတၢ်တဲတရူာ်အတၢ်စိတၢ်ကမီၤတဒိၣ် တဆံးဧိၤ, မ့ၢ်ဒၣ်ထဲတၢ်ကတိၤကသွံဒံလၢပနၢ်ဟူတ့ၢ်လံန့ၣ်လီၤ. ကစၢ်ယွၤဒိၣ်ဝဲနီၢ်နီၢ်ထဲလဲၣ်န့ၣ်မ့ၢ်မတၤသ့ၣ်ညါကသ့ဝဲတဂၤလဲၣ်.

လံာ်စီၤယိၤဘး 5:9

တၢ်မၤအဒိၣ်အမုၢ်လၢကစၢ်ယွၤမၤဝဲတဖၣ်န့ၣ်ပသ့ၣ်ညါနၢ်ပၢၢ် အီၤတသ့ဘၣ်. ဒီးအတၢ်လီၤလိၢ်လီၤလးတဖၣ်န့ၣ်တၢ်ဂံၢ်အီၤ တလၢာ်ဘၣ်.

စံးထီၣ်ပတြၢၤ 40:5

ယွၤပကစၢ်ယွၤဧၢ, နမၤတ့ၢ်တၢ်လီၤလးအါမးလၢပဂီၢ်လီၤ. ပှၤဒ်သိးဒီးနၤတအိၣ်နီတဂၤဘၣ်. နအိၣ်ဒီးတၢ်ကူၣ်ထီၣ်ဖးလီၤလၢ အလီၤလးအါမးလၢပဂီၢ်န့ၣ်လီၤ. ယစံးလၢအဂ့ၢ်တလၢာ်နီတဘျီဘၣ်. အါန့ၢ်ယဂံၢ်သ့တက့ၢ်လီၤ.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

အ့းဖ့းစူး 1:19

ဒီးအစိအကမီၤလၢအမၤတၢ်လၢပဝဲပှၤစူၢ်က့ၤနာ်က့ၤတၢ် တဖၣ်အပူၤအံၤဒိၣ်ဝဲဆူၣ်ဝဲဆံးဒိၣ်လဲၣ်အဂီၢ်န့ၣ်လီၤ. တၢ်စိကမီၤလၢအမၤတၢ်လၢပပူၤအံၤမ့ၢ်တၢ်ဂံၢ်တၢ်ဘါဖးဒိၣ် တမံၤဃီ,

အ့းဖ့းစူး 3:18

ဒ်သိးသုကအိၣ်ဒီးတၢ်စိတၢ်ကမီၤလၢသုကနၢ်ပၢၢ်သကိးဒီး ပှၤစီဆှံတဖၣ်, ခရံာ်အတၢ်အဲၣ်တၢ်ကွံန့ၣ်လဲၢ်ထဲလဲၣ်ဒီးထီ ထဲလဲၣ်, ထီၣ်ထီထဲလဲၣ်, ယိာ်ထဲလဲၣ်အဂီၢ်န့ၣ်လီၤ.