စံးထီၣ်ပတြၢၤ 106:19 - Sgaw Karen Common Bible

¹⁹ ဖဲစံၤနါန့ၣ်အဝဲသ့ၣ်တ့ထီၣ်ဂီၤဖံးဖါဖိတဒုလၢ ထူဒီးဘူၣ်ထီၣ်ဘါထီၣ်တၢ်ဂီၤသိအသးန့ၣ်လီၤ.

စံးထီၣ်ပတြၢၤ 106:19 Iomraidhean Croise

လံာ်စီၤနဃ့မယၤ 9:18

အဝဲသ့ၣ်မၤတ့ၢ်ဂီၤဖံးဖိတဒုအဂီၤ ဒီးစံးဝဲဒၣ်လၢမ့ၢ်ကစၢ်လၢအဒုးဟးထီၣ်ကွံာ်အဝဲသ့ၣ်လၢကီၢ် အဲၤကူပတူးအပူၤန့ၣ်လီၤ. ယွၤဧၢ, မ့ၢ်အဝဲသ့ၣ်မၤတရီတပါနၤဆံးဒိၣ်လဲၣ်.

လံာ်တၢ်ဟးထီၣ်ကွံာ် 32:1

ဖဲပှၤဂီၢ်မုၢ်ထံၣ်ဝဲလၢစီၤမိၤၡ့တဟဲက့ၤလီၤလၢကစၢၢ်ဒီ ခိၣ်ဘၣ်မ့မ့ၢ်အိၣ်ဝဲဖဲန့ၣ်ယံာ်ဒိၣ်မးန့ၣ်, အဝဲသ့ၣ်ပာ်ဖှိၣ်အသးဝးတရံးစီၤအၤဟရိၣ်ဒီးစံးဘၣ်အီၤ, “တၢ်မၤအသးဒီးစီၤမိၤၡ့လၢအဆှၢထီၣ်ပှၤလၢကီၢ်အဲၤကူပတူး တဂၤဒ်လဲၣ်န့ၣ်ပတသ့ၣ်ညါဘၣ်. လၢတၢ်န့ၣ်အဃိမၤန့ၢ်ပှၤလၢကစၢ်ထူတဂၤလၢကဆှၢပှၤတက့ၢ်.”

လံာ်တၢ်ဟးထီၣ်ကွံာ် 32:35

မၤသးဒ်န့ၣ်ဒီးယွၤဆှၢလီၤတၢ်ဆါတမံၤလၢပှၤဂီၢ်မုၢ်အလိၤမ့ၢ် လၢအမၢဆူၣ်စီၤအၤဟရိၣ်ဒ်သိးကမၤထီၣ်ဂီၤဖံးဖါထူတဒုန့ၣ်အဃိလီၤ.

မၤတၢ် 7:41

တုၤနုၤတစုအဝဲသ့ၣ်မၤကဲထီၣ်ဂီၤဖံးဖါဖိတဒုအဂီၤ ဒီးလုၢ်ထီၣ်ပာ်ထီၣ်တၢ်လၢတၢ်ဂီၤတဒုန့ၣ်အမဲာ်ညါ, ဒီးမၤတၢ်အီၣ်မူးသးဖှံတကတီၢ်လၢတၢ်မၤလၤကပီၤတၢ်လၢ အဝဲသ့ၣ်မၤကဲထီၣ်ဝဲလၢအစုဒၣ်ဝဲအဂီၢ်လီၤ.

1 ကရံၣ်သူး 10:7

ဒီးလၢပသုတဘါထီၣ်စ့ၢ်ကီးတၢ်ဂီၤတၢ်ဖီၣ်, ဒ်အဝဲသ့ၣ်တနီၤမၤဝဲအသိးတဂ့ၤအဂီၢ်န့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ပှၤဂီၢ်မုၢ်တဖၣ်ဆ့ၣ်နီၤအီၣ် သကိးအီသကိးတၢ်, ဒီးမူးအံၤကဲထီၣ်မူးဧိၤပွဲဧိၤလၢအအိၣ် ဃုာ်တၢ်အီမူၤအီဘှီးသးလၢသံး, တၢ်ဂဲၤကလံၣ်ဒီးတၢ်မၤကမၣ်မုၣ်ကမၣ်ခွါန့ၣ်လီၤ.”

လံာ်သိၣ်လီၤသီလီၤတၢ် 9:19

ယပျံၤဘၣ်ယွၤအတၢ်သးဒိၣ်ကဲၤထီၣ်ဒိၣ်မး, မ့ၢ်လၢအဝဲ အသးထီၣ်ဆူၣ်လံတုၤလၢကမၤဟးဂီၤကွံာ်သုအဃိန့ၣ်လီၤ. ဘၣ်ဆၣ်ဒီးမၤကဒီးတစုယွၤဒိကနၣ်ယၤန့ၣ်လီၤ.

လံာ်သိၣ်လီၤသီလီၤတၢ် 9:21

ယဟံးထီၣ်တၢ်ဒဲးဘးတမံၤလၢသုမၤတ့ၢ်အီၤန့ၣ်, လၢအမ့ၢ်တိၢ်စ့ဒီးထးကျီၢ်ဖါအဂီၤဒီးကွံာ်အီၤဆူမ့ၣ်အူ အပူၤလီၤ. အန့ၣ်ဝံၤဒီးယမၤကၢ်လီၤကလဲကွံာ်အီၤ, ဂံာ်ကမူၣ်အီၤပြံကဒံတုၤအကဲထီၣ်ဖၣ်ကမူၣ်, ဒီးတ့ၢ်လီၤကွံာ်ဖၣ်ကမူၣ်န့ၣ်ဆူထံကျိဖိအပူၤလၢအယွၤလီၤ ဝဲလၢကစၢၢ်အလိၤန့ၣ်လီၤ.

လံာ်သိၣ်လီၤသီလီၤတၢ် 9:8

ဖဲကစၢၢ်စံၤနါဒၣ်လဲာ်န့ၣ်, သုထိၣ်ဂဲၤယွၤအတၢ်သးထီၣ်, တုၤဒၣ်လဲာ်အဝဲအသးဒိၣ်ထီၣ်တုၤလၢသါကမၤဟးဂီၤကွံာ်သုန့ၣ်လီၤ.