စံးထီၣ်ပတြၢၤ 105:44 - Sgaw Karen Common Bible

⁴⁴ အဝဲဒၣ်ဟ့ၣ်အဝဲသ့ၣ်လၢ ပှၤဂီၢ်မုၢ်အဂၤအထံအကီၢ်တဖၣ်, ဒီးပျဲအဟံးန့ၢ်ကွံာ်အစံာ်ဧိၤပှဲၤဧိၤတဖၣ်,

စံးထီၣ်ပတြၢၤ 105:44 Iomraidhean Croise

လံာ်စီၤပၤခံဘ့ၣ်တဘ့ၣ် 17:37

ထီဘိသုကဘၣ်စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤ လိာ်တဖၣ်လၢယကွဲးန့ၢ်တ့ၢ်သုန့ၣ်လီၤ. သုတဘၣ်စူၢ်ကစၢ်အဂုၤအဂၤတဖၣ်,

စံးထီၣ်ပတြၢၤ 78:55

အဝဲဟီထီၣ်ကွံာ်ပှၤကလုာ်တဖၣ်လၢအပှၤဂီၢ်မုၢ် အမဲာ်ညါ ဒီးနီၤလီၤအထံအကီၢ်ဆူ အပှၤဂီၢ်မုၢ်ဒ် တၢ်န့ၢ်သါအသိးလၢအဝဲသ့ၣ်အဂီၢ်, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ် လၢအဝဲသ့ၣ်အဟံၣ်ပူၤန့ၣ်လီၤ.

စံးထီၣ်ပတြၢၤ 80:8

နဟဲစိာ်စပံးအမုၢ်တမုၢ်လၢကီၢ်အဲၤကူပတူးအပူၤ, နဟီထီၣ်ကွံာ်ပှၤကလုာ်တဖၣ်ဒီး သူၣ်လီၤစပံးမုၢ်အံၤလၢအဝဲသ့ၣ်အကီၢ်ပူၤလီၤ.

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်စီၤယိၤၡူ 11:23

အန့ၣ်ဒီးစီၤယိၤၡူမၤန့ၢ်ကီၢ်ဒီ ဘ့ၣ်ညါဒ်ယွၤကတိၤတ့ၢ်တၢ်ဒီးစီၤမိၤၡ့အသိးန့ၣ်လီၤ. ဒီးစီၤယိၤၡူဟ့ၣ်လီၤပှၤအံၣ်စရ့လးဖိ တဖၣ်ဒ်အတၢ်န့ၢ်သါအသိး ဒီးနီၤဖးလီၤဝဲတဒူၣ်ဘၣ်တဒူၣ်အဂီၢ်အတၢ်န့ၢ်သါစုာ်စုာ်န့ၣ်လီၤ. ဒီးပှၤအိၣ်ဘှံးလၢတၢ်ဒုးတၢ်ယၤလီၤ.

လံာ်စီၤယိၤၡူ 21:43

သတးဒီးယွၤဟ့ၣ်လီၤပှၤအံၣ်စရ့လးဖိလၢထံကီၢ်ခဲလၢာ်ဒ်အအၢၣ် လီၤတ့ၢ်ဝဲလၢအကဟ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဖဲအဝဲသ့ၣ်မၤန့ၢ်ထံကီၢ်ခဲလၢာ်လံဒီးအဝဲသ့ၣ်အိၣ်ဝဲ ဆိးဝဲဖဲန့ၣ်န့ၣ်လီၤ.

လံာ်စီၤယိၤၡူ 23:4

ကွၢ်ကွၢ်, ယနီၤလီၤန့ၢ်သုတၢ်န့ၢ်သါလၢသုဒူၣ်တဖၣ်အဂီၢ်လၢပှၤကလုာ်အအိၣ်လီၤတဲာ်ဒံးတဖၣ်အကီၢ်, ဃုာ်ဒီးပှၤကလုာ်လၢယမၤနၢၤတ့ၢ်လံခဲလၢာ်အကီၢ်စးထီၣ်လၢ ထံကျိယၢ်ဒ့ၣ်တုၤလၢမုၢ်ထီၣ်လၢပီၣ်လဲၣ်ဖးဒိၣ်မဲးဒံးယၢၣ်ရ့နယၢၣ်လၢမုၢ်နုာ်န့ၣ်လီၤ.

လံာ်စီၤယိၤၡူ 24:13

ယဟ့ၣ်လီၤသုကီၢ်လၢသုတမၤဘၣ်တၢ်လၢအဂီၢ်, ဒီးဝ့ၢ်တဖၣ်လၢသုတတ့ထီၣ်ဘှီထီၣ်အီၤဘၣ်န့ၣ်လီၤ. ဒီးအခဲအံၤသုအိၣ်သုဆိးလၢအပူၤဒီးသုအီၣ်စပံးသၣ်လၢ စပံးမုၢ်လၢသုတသူၣ်လီၤဖျးလီၤအီၤဘၣ်, ဒီးသ့ၣ်စၤယံးအထူၣ်တဖၣ်လၢသုတသူၣ်လီၤဖျးလီၤအီၤဘၣ်န့ၣ်လီၤ.

လံာ်စီၤယိၤၡူ 24:8

အန့ၣ်ဝံၤဒီး, ယဒုးဟဲသုဆူပှၤအမိၢ်ဖိအကီၢ်, ပှၤလၢအအိၣ်လၢထံကျိယၢ်ဒ့ၣ်အမုၢ်ထီၣ်န့ၣ်လီၤ. အဝဲသ့ၣ်ဒုးတၢ်ဒီးသုဘၣ်ဆၣ်ယဟ့ၣ်သုတၢ်မၤနၢၤ အဝဲသ့ၣ်န့ၣ်လီၤ. သုမၤန့ၢ်အဝဲသ့ၣ်အကီၢ်ဒီးယမၤဟးဂီၤ အဝဲသ့ၣ်လၢသုမဲာ်ညါန့ၣ်လီၤ.

လံာ်စီၤယိၤၡူ 5:11

ဒီးမုၢ်ဆ့ၣ်ထီၣ်အနံၤတနံၤဃီန့ၣ်, အဝဲသ့ၣ်အီၣ်တၢ်အီၣ်လၢအဟး ထီၣ်လၢကီၢ်ကနၤဧၣ်အဆိကတၢၢ်တဘျီလၢအမ့ၢ်ဝဲကိၣ်တအိၣ်ဘၣ်ဒီး ကိၣ်မံၤဒီးဘုဝဲာ်အသးတဖၣ်န့ၣ်လီၤ.