စံးထီၣ်ပတြၢၤ 105:43 - Sgaw Karen Common Bible

⁴³ လၢတၢ်န့ၣ်အဃိအဝဲဆှၢပူၤဖျဲးထီၣ် ပှၤဂီၢ်မုၢ် လၢအဃုထၢဝဲ, ဒီးအဝဲသ့ၣ် သူၣ်ဝံၣ်သးဆၢဒီး ကိးသတြီထီၣ်လၢ တၢ်သးခုအပူၤန့ၣ်လီၤ.

စံးထီၣ်ပတြၢၤ 105:43 Iomraidhean Croise

လံာ်တၢ်ကဲထီၣ်အခီၣ်ထံး 15:16

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

စံးထီၣ်ပတြၢၤ 105:6

အခ့အပှၤစီၤအၤဘြၤဟၣ်အချံအသၣ်, ပှၤလၢအဃုထၢတ့ၢ်ဝဲ စီၤယၤကိာ်အဖိအလံၤသ့ၣ်ဧၢ,

စံးထီၣ်ပတြၢၤ 106:5

ဒ်သိးယကသးခုဘၣ်လၢနပှၤဃုထၢဖိတဖၣ် အတၢ်ဘီၣ်ထီၣ်ညီထီၣ်, ဒ်သိးယကဒိးန့ၢ်ဃုာ်တၢ်သးခုဒီး နပှၤကလုာ်ဒီး ယကဟ့ၣ်က့ၤ တၢ်စံးထီၣ်ပတြၢၤဃုာ်ဒီး နပှၤန့ၢ်သါတၢ်တဖၣ်တက့ၢ်.

လံာ်တၢ်ဟးထီၣ်ကွံာ် 14:8

ဒီးယွၤမၤကိၤထီၣ်စီၤပၤအသး, ဒီးအဝဲလူၤထွဲပှၤအံၣ်စရ့လးဖိတဖၣ်လၢအဟးထီၣ်ကွံာ်အိၣ်ဒီး တၢ်သးခုလၢတၢ်မၤနၢၤအပူၤန့ၣ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

မၤတၢ် 13:17

ပှၤအံၣ်စရ့လးဖိအကစၢ်ယွၤဃုထၢထီၣ်ပမိၢ်ပၢ်ဖံဖုလၢပျၢၤတဖၣ်, ဒီးဒုးကဲထီၣ်အီၤလၢပှၤကလုာ်ဖးဒိၣ်တကလုာ်ဖဲအဝဲသ့ၣ်အိၣ် သမှံၤလၢကီၢ်အဲၤကူပတူးအပူၤန့ၣ်လီၤ. ကစၢ်ယွၤထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, ခီဖျိအစိအကမီၤလၢအဒိၣ်ဝဲမုၢ်ဝဲန့ၣ်လီၤ.

မၤတၢ် 7:36

အဝဲဒၣ်ထုးထီၣ်ကွံာ်ပှၤအံၣ်စရ့လးဖိတဖၣ်လၢကီၢ်အဲၤကူပတူး အပူၤဒီးမၤဝဲတၢ်လီၤလးဒီးတၢ်ပနီၣ်လီၤလးတဖၣ်လၢကီၢ် အဲၤကူပတူးအပူၤ, ဖဲပီၣ်လဲၣ်ဂီၤ, ဒီးလၢအနံၣ်လွံၢ်ဆံအတီၢ်ပူၤလၢပှၢ်မုၢ်ကနၢန့ၣ်လီၤ.

လံာ်စီၤယိၤၡူ 24:5

လၢခံဒီး, ယဆှၢလီၤစီၤမိၤၡ့ဒီးစီၤအၤဟရိၣ်ဒီးယဒုး လီၤဘၣ်တၢ်ကီတၢ်ခဲဖးဒိၣ်လၢကီၢ်အဲၤကူပတူး အလိၤန့ၣ်လီၤ. ဘၣ်ဆၣ်ယထုးထီၣ်ကွံာ်သုန့ၣ်လီၤ.

လံာ်ပှၤစံၣ်ညီၣ်ကွီၢ် 6:9

ယအုၣ်က့ၤခီၣ်က့ၤသုလၢပှၤအဲၤကူပတူးဖိတဖၣ်အစုပူၤဒီးလၢ ပှၤဂီၢ်မုၢ်လၢအဒုးတၢ်ထီဒါသုလၢကီၢ်အံၤအပူၤန့ၣ်လီၤ. ယဟီထီၣ်ကွံာ်အဝဲသ့ၣ်ဖဲသုဟဲထီၣ်ဒုးတၢ်, ဒီးယဟ့ၣ်လီၤသုလၢအဝဲသ့ၣ်အကီၢ်န့ၣ်လီၤ.