စံးထီၣ်ပတြၢၤ 105:16 - Sgaw Karen Common Bible

¹⁶ ယွၤဒုးလီၤဘၣ်တၢ်သၣ်ဝံၤလီၤဒိလၢ အဝဲသ့ၣ်အထံအကီၢ်, ဒီးစိာ်ထီၣ်ကွံာ်အတၢ်အီၣ်တၢ်အီခဲလၢာ်လီၤ.

စံးထီၣ်ပတြၢၤ 105:16 Iomraidhean Croise

လံာ်တၢ်ကဲထီၣ်အခီၣ်ထံး 41:54

ဒီးတၢ်သၣ်ဝံၤလီၤဒိနွံနံၣ်စးထီၣ်ဝဲ, ဒ်စီၤယိၤသးစံးတ့ၢ် ဝဲအသိးန့ၣ်လီၤ. လၢထံကီၢ်အဂၤခဲလၢာ်န့ၣ်, တၢ်သၣ်ဝံၤလီၤဒိအိၣ်ထီၣ်ဝဲ, ဘၣ်ဆၣ်ဒီးလၢကီၢ်အဲၤကူပတူးအပူၤသကုၤဆးဒးန့ၣ်တၢ်အီၣ်တၢ် အီအိၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 47:13

တၢ်သၣ်ဝံၤလီၤဒိမၤအသးနးနးကျံးကျံးတုၤဒၣ်လဲာ်တၢ်အီၣ်တၢ် အီတအိၣ်လၢတၢ်လီၢ်နီတပူၤဘၣ်, ဒီးပှၤဂီၢ်မုၢ်လၢကီၢ်အဲၤကူပတူးဒီးကီၢ်ကနၤဧၣ်တဖၣ်လီၤဘှါ ဝဲလၢတၢ်သူၣ်ဝံၤသၣ်စ့ၤအဃိန့ၣ်လီၤ.

လံာ်တၢ်ကဲထီၣ်အခီၣ်ထံး 47:19

ပျဲပသံတဂ့ၤ. မၤတၢ်တမံၤမံၤတက့ၢ်. ပျဲပစံာ်ပပျီတဖၣ်ကဲ ထီၣ်တၢ်ကလီကလီတဂ့ၤ. ပှ့ၤပှၤဒီးပဟီၣ်ခိၣ်တဖၣ်ဒ်တၢ်ဟ့ၣ်ခီလဲလၢတၢ်အီၣ်တၢ်အီအဂီၢ် အသိးန့ၣ်တက့ၢ်. ပကကဲထီၣ်စီၤပၤအကုၢ်အပှၤတဖၣ်ဒီးပဟီၣ်ခိၣ်ကကဲထီၣ်အတၢ်န့ၣ် လီၤ. ဟ့ၣ်ပှၤဘုဧိၤဟုဧိၤလၢပကမူ, ဒီးတၢ်ချံတၢ်သၣ်ဒ်သိးပသူၣ်လီၤဖျးလီၤတၢ်လၢပစံာ်ပပျီ တဖၣ်အပူၤကသ့အဂီၢ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 8:1

ဒီးခဲအံၤစီၤအလံၤၡါတဲဘၣ်ပိာ်မုၣ်လၢအအိၣ်ဆိးလၢဝ့ၢ်ၡူ န့ၣ်, လၢအဝဲမၤမူထီၣ်န့ၢ်က့ၤအဖိခွါလၢ, ယွၤကဒုးလီၤဘၣ်တၢ်သၣ် ဝံၤလီၤဒိတမံၤလၢကီၢ်န့ၣ်, လၢကယံာ်ဝဲနွံနံၣ်, ဒီးလၢအဝဲကဘၣ်ဟးထီၣ်ဃုာ်ဒီးအပှၤဟံၣ်ဖိဃီဖိ, ဒီးလဲၤဒီးအိၣ်ဆိးလၢတၢ်လီၢ်အဂၤတတီၤတီၤန့ၣ်လီၤ.

စံးထီၣ်ပတြၢၤ 104:15

ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

လံာ်ယၡါယၤ 3:1

ခဲအံၤယွၤ, ယွၤသ့တၢ်လၢာ်, ကဟံးထီၣ် ကွံာ်တၢ်ခဲလၢာ်ဒီးပှၤကိးဂၤဒဲးလၢ ပှၤဂီၢ်မုၢ်သန့ၤအသးလၢအီၤလၢအအိၣ်ဝဲလၢ ဝ့ၢ်ယရူၤရှလ့ၣ်ဒီးကီၢ်ယူဒၤအပူၤ, ဒီးအဝဲကစိာ်ကွံာ်အတၢ်အီၣ်ဒီးအထံဧိၤနိဧိၤ,

လံာ်ယဃ့းစက့လး 4:16

ဒီးကစၢ်ယွၤစံးအါထီၣ်, “ပှၤကညီလၢအသံသ့ဧၢ, ယကဒီၣ်တဲာ်ကွံာ်တၢ်ဆှၢလီၤကိၣ်လၢဝ့ၢ်ယရူၤၡလ့ၣ်အဂီၢ်န့ၣ်လီၤ. ပှၤဂီၢ်မုၢ်ဖဲန့ၣ်တဖၣ်ကဘၣ်တၢ်ကိၢ်တၢ်ဂီၤဒီးကအိၣ်ဒီးတၢ်ဘၣ် ယိၣ်ဘၣ်ဘီ, ဖဲအဝဲသ့ၣ်စီၤထီၣ်ဝဲတၢ်အီၣ်လၢအဝဲသ့ၣ်အီၣ်ဝဲဒီးဃီၣ်ဝဲထံ လၢအဝဲသ့ၣ်အီဝဲအခါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်ဧၤမိၣ် 3:6

တၢ်ဒုးတၢ်ယၤအကွဲၤမ့ၢ်သီၣ်ထီၣ်လၢဝ့ၢ်ပူၤဒီးပှၤကညီတပျံၤ ဘၣ်တၢ်ဘၣ်ဧါ. ယွၤမ့ၢ်တဆှၢလီၤဘၣ်ဒီး, တၢ်ဟးဂူာ်ဟးဂီၤဖးဒိၣ်ကအိၣ်လၢဝ့ၢ်ပူၤစ့ၢ်ကီးဧါ.

လံာ်ဃးကဲ 2:17

ယမၢလီၤတ့ၢ်ကလံၤကိၢ်တဖၣ်ဒီးသူၣ်, ဒ်သိးကမၤဟးဂီၤတၢ်တမံၤလၢ်လၢ်လၢသုကျဲးစၢးသူၣ်လီၤဖျး လီၤအီၤ, ဘၣ်ဆၣ်သုတပီၢ်ယၢ်လီၤက့ၤတ့ၢ်ဒံးသုသးဘၣ်.

မၤတၢ် 7:11

အကတီၢ်ဖဲန့ၣ်, တၢ်သၣ်ဝံၤလီၤဒိအိၣ်ထီၣ်ဝဲသကုၤကီၢ် အဲၤကူပတူးဒီးကီၢ်ကနၤဧၣ်, ဒီးတၢ်န့ၣ်ဒုးအိၣ်ထီၣ်တၢ်ဖှီၣ်တၢ်နး အဒိၣ်အမုၢ်လီၤ. ပပၢ်ဖးဒိၣ်တဖၣ်ဃုမၤန့ၢ်တၢ်အီၣ်လၢကအီၣ်ဝဲအဂီၢ်တဘၣ်နီ တမံၤဘၣ်.

လံာ်လီၣ်ဖျါ 6:8

ယကွၢ်တၢ်ဒီးကသ့ၣ်အလွဲၢ်လီၤဝါတဒုအိၣ်ဝဲလီၤ. ပှၤလၢအဒိးအီၤတဂၤဘၣ်တၢ်ယုၢ်အမံၤလၢတၢ်သံ, ဒီးပျုၤပူၤပိာ်ထီၣ်အခံဘူးဘူးတံၢ်တံၢ်လီၤ. အဝဲသ့ၣ်ဘၣ်တၢ်ဟ့ၣ်အီၤတၢ်စိတၢ်ကမီၤလၢဟီၣ်ခိၣ်ချၢ လွံၢ်ပူတပူအဖီခိၣ်, လၢအကမၤသံတၢ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, တၢ်ဆူးတၢ်ဆါ, ဒီးဆၣ်ဖိကီၢ်ဖိအမံၤတဖၣ်လီၤ.