စံးထီၣ်ပတြၢၤ 104:3 - Sgaw Karen Common Bible

³ ဒီးနသူၣ်ထီၣ်နဟံၣ်လၢ ထံဖီခိၣ်လီၤ နသူတၢ်အၢၣ်တဖၣ်ဒ် နလ့ၣ်ကဟၣ်အသိး ဒီးလဲၤတၢ်လၢကလံၤအဒံးဆ့အဖီခိၣ်လီၤ.

စံးထီၣ်ပတြၢၤ 104:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:11

အဝဲယူၤဝဲချ့ချ့ကလဲာ်လၢအခ့ရူာ်တဖၣ်အဖီခိၣ်, အဝဲလဲၤတၢ်လၢကလံၤအဒံးဆ့တဖၣ်အလိၤန့ၣ်လီၤ.

စံးထီၣ်ပတြၢၤ 139:9

ယမ့ၢ်ဟံးန့ၢ်မုၢ်ဂီၤအဒံးဆ့, ဒီးအိၣ်လၢပီၣ်လဲၣ်အကတၢၢ်န့ၣ်ဒီး,

စံးထီၣ်ပတြၢၤ 148:4

မူခိၣ်အထီကတၢၢ်ဒီးထံဧိၤနိဧိၤအိၣ်လၢ မူခိၣ်အဖီခိၣ်သ့ၣ်ဧၢ, စံးထီၣ်ပတြၢၤအီၤတက့ၢ်.

လံာ်ယၡါယၤ 19:1

အအံၤမ့ၢ်တၢ်ကစီၣ်ဘၣ်ဃးကီၢ်အဲၤကူပတူးအဂ့ၢ်န့ၣ်လီၤ. ယွၤဟဲဆူကီၢ်အဲၤကူပတူး, ဒိးတၢ်ချ့မးလၢတၢ်အၢၣ်တလိၣ် အလိၤလီၤ. ကီၢ်အဲၤကူပတူးအတၢ်ဂီၤတၢ်ဖီၣ်တဖၣ်ကနိး ကစုာ်လၢအမဲာ်ညါ, ဒီးပှၤအဲၤကူပတူးဖိတဖၣ် အသးပှံၢ်လီၤဝဲဒၣ်လီၤ.

လံာ်ဧၤမိၣ် 9:6

ယွၤသူၣ်ထီၣ်အဒၢးထီၣ်ထီတဖၣ်လၢမူခိၣ်အလီၢ်တဖၣ်, ဒီးကျၢၢ်လီၤဝဲမူခိၣ်ဒ်တၢ်အခိၣ်ဒုးလၢဟီၣ်ခိၣ်အဖီခိၣ်လီၤ. အဝဲကိးထီၣ်ထံလၢပီၣ်လဲၣ်ပူၤဒီးလူလီၤဝဲလၢဟီၣ်ခိၣ်လိၤ န့ၣ်လီၤ. အမံၤမ့ၢ်ယွၤလီၤ.

လံာ်နၤဃူၣ် 1:3

ယွၤအသးထီၣ်ကီ, ဘၣ်ဆၣ်ဒီးအစိအကမီၤဒိၣ်ဝဲ, ဒီးတပျဲဘၣ်တၢ်သရူးကမၣ်လဲၤပူၤကွံာ်တၢ်စံၣ်ညီၣ် နီတစုဘၣ်. ဖဲယွၤလဲၤတၢ်န့ၣ်ကလံၤမုၢ်အိၣ်ထီၣ်ဝဲဒီးတၢ်အၢၣ်တဖၣ်န့ၣ်မ့ၢ် အခီၣ်ထွဲတၢ်အကမူၣ်န့ၣ်လီၤ.

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.