စံးထီၣ်ပတြၢၤ 104:26 - Sgaw Karen Common Bible

²⁶ ကဘီတဖၣ်လဲၤတၢ်ဖဲန့ၣ်, ဒီးသမၣ်လၢအမ့ၢ်ပီၣ်လဲၣ်အတၢ်မုၢ်ဃၢ် လၢနတ့လီၤအီၤလိာ်ကွဲဝဲဖဲန့ၣ်လီၤ.

စံးထီၣ်ပတြၢၤ 104:26 Iomraidhean Croise

လံာ်တၢ်ကဲထီၣ်အခီၣ်ထံး 49:13

စီၤစဘူလိၣ်ကအိၣ်ကဆိးလၢပီၣ်လဲၣ်နံၤလီၤ. အထံကၢၢ်ခိၣ်ကမ့ၢ်သန့တခါလၢကဘီတဖၣ်အဂီၢ်လီၤ. အတၢ်န့ၢ်သါအကီၢ်န့ၣ်ကလဲၤဝဲယံၤတုၤလၢဝ့ၢ်စံဒိၣ်ဒၣ်လဲာ်လီၤ.

လံာ်တၢ်ကဲထီၣ်အခီၣ်ထံး 7:18

ဒီးထံယိာ်ထီၣ်အါထီၣ်ဝဲဒီးကဘီန့ၣ်လီၤထွံလၢထံအမဲာ်ဖံး ခိၣ်န့ၣ်လီၤ.

လံာ်စီၤယိၤဘး 3:8

တဲဘၣ်ပှၤတဖၣ်လၢအဆိၣ်အၢမုၢ်နံၤဒီးသ့ထိၣ်ဂဲၤသမၣ်ပယိၤ န့ၣ်လၢအကဆိၣ်အၢမုၢ်တနံၤအံၤန့ၣ်တက့ၢ်.

စံးထီၣ်ပတြၢၤ 107:23

ပှၤတနီၤလဲၤတၢ်လၢကဘီတဖၣ်လၢပီၣ်လဲၣ်မိၢ်ပှၢ်အပူၤ ဒီးလုၢ်အီၣ်အသးသမူလၢ ပီၣ်လဲၣ်တဖၣ်အပူၤန့ၣ်လီၤ.

စံးထီၣ်ပတြၢၤ 74:14

နမၤလီၤကလဲသမၣ်အခိၣ်, ဒီးနဟ့ၣ်လီၤကွံာ်အီၤဒ်တၢ်အီၣ်လၢပှၤအိၣ်လၢ ပှၢ်မုၢ်ကနၢတဖၣ်အဂီၢ်အသိးန့ၣ်လီၤ.

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်ယဃ့းစက့လး 27:9

ကဘီအပှၤစုသ့ဖိတဖၣ် မ့ၢ်ပှၤတဖၣ်လၢ အဘၣ်တၢ်သိၣ်လိန့ၢ်အီၤ ဂ့ၤဂ့ၤလၢ ဝ့ၢ်ကံးဘလးန့ၣ်လီၤ. ပှၤကဘီဖိတဖၣ်လၢကယဲၢ် ကဘီလၢ အလဲၤတၢ်လၢပီၣ်လဲၣ်အပူၤန့ၣ်, မၤပနံၣ်တၢ်ကၤတၢ် အတၢ်မၤလၢနကျးတဖၣ် အပူၤန့ၣ်လီၤ.