စံးထီၣ်ပတြၢၤ 104:21 - Sgaw Karen Common Bible

²¹ ခ့ယုၢ်ဖိတဖၣ်ကညီၤထီၣ်ထွဲအဆၣ်အခံ, ဖဲအဃုအီၣ်အဆၣ်လၢ ကစၢ်ယွၤဟ့ၣ်လီၤအီၤန့ၣ်လီၤ.

စံးထီၣ်ပတြၢၤ 104:21 Iomraidhean Croise

လံာ်စီၤယိၤဘး 38:39

နဃုန့ၢ်တၢ်အီၣ်လၢခ့ယုၢ်တဖၣ်ကအီၣ်ဝဲဒီးမၤသးမံခ့ယုၢ်ဖိ လၢအသၣ်ဝံၤ,

လံာ်စီၤယိၤဘး 38:41

မတၤဒုးအီၣ်စိးဝၣ်ဃးတဖၣ်လၢတၢ်အီၣ်ဖဲအဝဲသ့ၣ်ယူၤဝ့ၤဝီၤ လၢတၢ်သူၣ်ဝံၤသၣ်စ့ၤဒီးဖဲအဖိတဖၣ်ကိးထီၣ်ကစၢ်ယွၤ လၢတၢ်အီၣ်အဂီၢ်န့ၣ်လဲၣ်.

စံးထီၣ်ပတြၢၤ 145:15

ကယဲၢ်တၢ်အိၣ်ဒီးအသးသမူခဲလၢာ် ကွၢ်ထီၣ်နၤလၢတၢ်မုၢ်လၢ်အပူၤ, ဒီးနဟ့ၣ်အဝဲသ့ၣ်လၢတၢ်အီၣ်ဖဲ အဝဲသ့ၣ်လိၣ်ဘၣ်ဝဲဒၣ်န့ၣ်လီၤ.

စံးထီၣ်ပတြၢၤ 147:9

အဝဲဟ့ၣ်လီၤတၢ်အီၣ်လၢဆၣ်ဖိကီၢ်ဖိအဂီၢ်, ဒီးဘုၣ်အီၣ်စိးဝၣ်ဃးဖိလၢအကိးထီၣ်န့ၣ်လီၤ.

စံးထီၣ်ပတြၢၤ 34:10

ခ့ယုၢ်ဖိတဖၣ်တၢ်သၣ်ဝံၤအသးလၢ တၢ်အီၣ်တအိၣ်ဘၣ်အဃိလီၤ. မ့မ့ၢ်ပှၤလၢအဃုယွၤတဖၣ်န့ၣ်, တၢ်အဂ့ၤလၢအတဒိးန့ၢ်ဘၣ်ဝဲ တအိၣ်နီတမံၤဘၣ်.

လံာ်ယၡါယၤ 31:4

ယွၤစံးဘၣ်ယၤ, “ပှၤကွၢ်သိတဖၣ်မ့ၢ်ကိးပသူကိးပသီထီၣ် နာ်က့, အဝဲသ့ၣ်မၤပျံၤမၤဖုးကွံာ်ခ့ ယုၢ်တဒုလၢဆၣ်ဖိကီၢ်ဖိတဒုလၢအမၤသံတ့ၢ်ဝဲအအိၣ်န့ၣ် တသ့ဘၣ်. ဒ်န့ၣ်အသိး, ယွၤသ့တၢ်လၢာ်လၢအတၢ်ဒီဒၣ် အိၣ်ပှိၤကစၢၢ်စံယိၣ်န့ၣ်, တၢ်တြီအီၤသ့တအိၣ်နီတမံၤဘၣ်.

လံာ်ယိၤအ့လး 1:18

ဂီၤဘုၣ်ဂီၤဖံးတဖၣ်သူၣ်ကိၢ်သးဂီၤလၢအီၣ်ဆၣ် အလီၢ်တအိၣ်လၢအဝဲသ့ၣ်အဂီၢ်နီတပူၤအဃိန့ၣ်လီၤ. သိတဖၣ်တူၢ်ဘၣ်ခီၣ်ဘၣ်တၢ်စ့ၢ်ကီးန့ၣ်လီၤ.

လံာ်ယိၤအ့လး 1:20

ဆၣ်ဖိကီၢ်ဖိလၢပှၢ်လၢ်ကျါဒၣ်လဲာ်ကိးထီၣ်ဆူနအိၣ်လီၤ. အဂ့ၢ်ဒ်အံၤ, ထံဖိကျိတဖၣ်လီၤသံးကွံာ်ဝဲလံန့ၣ်လီၤ.

လံာ်ယိၤအ့လး 2:22

ဆၣ်ဖိကီၢ်ဖိသ့ၣ်ဧၢ, ပျံၤတၢ်တဂ့ၤ. တၢ်အီၣ်ဆၣ်အလီၢ်တဖၣ်လါဟ့ဝဲ, သ့ၣ်တဖၣ်သၣ်ထီၣ်ဝဲ, ချၢၣ်ဒၢအထူၣ်ဒီးစပံးမုၢ်တဖၣ်အိၣ်အါအါဂီၢ်ဂီၢ်န့ၣ်လီၤ.

လံာ်ဧၤမိၣ် 3:4

တၢ်လၢကဖီၣ်မၤသံအီၣ်ဝဲမ့ၢ်တအိၣ်ဘၣ်ဒီးခ့ယုၢ် ကကညီၤထီၣ်လၢသ့ၣ်ပှၢ်ကျါစ့ၢ်ကီးဧါ. ခ့ယုၢ်ဖိမ့ၢ်တဖီၣ်န့ၢ်ဘၣ်တၢ်ဘၣ်ဒီးကမၤသီၣ်ထီၣ်တၢ်လၢအတဝၢ ပူၤစ့ၢ်ကီးဧါ.