စံးထီၣ်ပတြၢၤ 104:2 - Sgaw Karen Common Bible

² နမၤဘၢနသးလၢတၢ်ကပီၤဒ်ယၣ်အသိး, နသလၣ်ထီၣ်မူခိၣ်ဒ် ဒဲတဖျၢၣ်အသိး,

စံးထီၣ်ပတြၢၤ 104:2 Iomraidhean Croise

လံာ်စီၤယိၤဘး 36:30

ကွၢ်ကွၢ်, ရၤလီၤဝဲအလီဝၢ်ဒံးဝးတရံးအခိၣ်အဃၢၤလၢမူ ကပိာ်လိၤဘၣ်ဆၣ်ပီၣ်လဲၣ်အတၢ်ယိာ်န့ၣ်အိၣ်ခံးသူဝဲလီၤ.

လံာ်စီၤယိၤဘး 9:8

အဝဲမ့ၢ်ပှၤထဲတဂၤဧိၤလၢသလၣ်ထီၣ်မူကပိာ်လိၤဒီးမၤနၢၤပီၣ် လဲၣ်အလပီသ့ၣ်တဖၣ်န့ၣ်လီၤ.

လံာ်ယၡါယၤ 40:22

တၢ်န့ၣ်ဘၣ်တၢ်ဒုးကဲထီၣ်အီၤလၢပှၤတဂၤလၢအဆ့ၣ်နီၤလၢအလီၢ် ပစိာ်အဖီခိၣ်, လၢဟီၣ်ခိၣ်အဖီခိၣ်ဒီးပျံကွံာ်မူခိၣ်န့ၣ်လီၤ. ပှၤလၢလာ်တဖၣ်ဖျါဆံးဒ်တၢၢ်ဧိၤတြၤဧိၤအသိးန့ၣ်လီၤ. အဝဲသလၣ်လီၤမူခိၣ်ဒ်ယၣ်ဘျးသဒၢအသိးလီၤဂာ်ဒ်ဒဲလၢတၢ်ကအိၣ် လၢအပူၤအဂီၢ်အသိးန့ၣ်လီၤ.

လံာ်ယၡါယၤ 45:12

ယမ့ၢ်ပှၤတဂၤလၢအတ့လီၤပာ်လီၤဟီၣ်ခိၣ်ဒီး ပှၤဟီၣ်ခိၣ်ဖိလၢအကအိၣ်ဝဲဖဲန့ၣ်အဂီၢ်လီၤ. လၢယစိယကမီၤဒၣ်ယဲန့ၣ်, ယသလၣ်ထီၣ်မူခိၣ် မူကပိာ်လိၤတဖၣ်လီၤ. ယပၢဆှၢမုၢ်, လါ, ဒီးဆၣ်တဖၣ်လီၤ.

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

လံာ်ဃဘးကူာ် 3:4

ဟဲဝဲဒီးအတၢ်ကပြုၢ်ကပြီၤဒ်လီဝၢ်ဒံးအသိးန့ၣ်လီၤ. တၢ်ကပီၤဆဲးကပြုၢ်ထီၣ်လၢအစု, ဒီးဖဲန့ၣ်ပာ်တဒၢအတၢ်စိတၢ်ကမီၤလီၤ.

လံာ်စကၤရယၤ 12:1

အအံၤမ့ၢ်တၢ်ကစီၣ်တမံၤဘၣ်ဃးဒီးကီၢ်အံၣ်စရ့လး, လၢအဟဲလၢယွၤအအိၣ်, ယွၤလၢအသလၣ်ထီၣ်မူကပိာ်လိၤ, တ့လီၤပာ်လီၤဟီၣ်ခိၣ်, ဒီးဟ့ၣ်တၢ်မူဆူပှၤကညီန့ၣ်လီၤ. အဝဲစံးဝဲဒၣ်,

လံာ်မးသဲ 17:2

ဒီးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါ, ဒီးအမဲာ်သၣ်ကပီၤဝဲဒ်မုၢ်အသိး, ဒီးအဆ့ကၤဝါဝဲဒ်တၢ်ကပီၤအသိးလီၤ.

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

၁ ယိၤဟၣ် 1:5

တၢ်ကစီၣ်လၢပနၢ်ဟူဘၣ်တ့ၢ်လံလၢအဖိခွါအအိၣ်ဒီးစံးဘၣ် တဲဘၣ်တ့ၢ်လံသုမ့ၢ်အအံၤ, ကစၢ်ယွၤမ့ၢ်တၢ်ကပီၤ ဒီးတၢ်ခံးတၢ်နၤတအိၣ်လၢအပူၤလ့ၤတက့ၤဘၣ်.