စံးထီၣ်ပတြၢၤ 104:15 - Sgaw Karen Common Bible

¹⁵ ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

စံးထီၣ်ပတြၢၤ 104:15 Iomraidhean Croise

လံာ်တၢ်ကဲထီၣ်အခီၣ်ထံး 18:5

ယကဟဲစိာ်စ့ၢ်ကီးတၢ်အီၣ်တဆံးတက့ၢ်လၢသုကန့ၢ်ဂံၢ်န့ၢ်ဘါအဂီၢ် ဒီးလၢသုကလဲၤကဒီးတၢ်ဆူညါအဂီၢ်န့ၣ်လီၤ. သုဟဲဆူယဟံၣ်အဃိဒီးမ့ၢ်သုမၤလၤကပီၤယၤလီၤ. မၤသးဒ်န့ၣ်ဒီး, ပျဲယတူၢ်လိာ်သုတက့ၢ်.” ဒီးအဝဲသ့ၣ်စံးဆၢဝဲ, “တၢ်ဘျုး, ပတူၢ်လိာ်အီၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

စံးထီၣ်ပတြၢၤ 105:16

ယွၤဒုးလီၤဘၣ်တၢ်သၣ်ဝံၤလီၤဒိလၢ အဝဲသ့ၣ်အထံအကီၢ်, ဒီးစိာ်ထီၣ်ကွံာ်အတၢ်အီၣ်တၢ်အီခဲလၢာ်လီၤ.

စံးထီၣ်ပတြၢၤ 23:5

နကတဲာ်ကတီၤစီၢ်နီၤခိၣ်လၢယဂီၢ် လၢယဒုၣ်ယဒါတဖၣ်အမဲာ်ညါလီၤ. နဖှူယခိၣ်လၢသိ, ယလီခီတဖျၢၣ်ပှဲၤလုာ်ကွံာ်လီၤ.

စံးထီၣ်ပတြၢၤ 92:10

နဒုးဂံၢ်ဆူၣ်ဘါဆူၣ်ယၤထဲသိးတၤဖးရံၣ်တဒု နဆိၣ်ဂ့ၤယၤဒီးတၢ်သူၣ်ဖှံသးညီလီၤ.

တၢ်ကတိၤဒိ. 31:6

သံးဧိၤဂာ်ဧိၤမ့ၢ်ဒၣ်လၢပှၤအကသံတဖၣ်အဂီၢ်ဒီးပှၤလၢအသူၣ်ကိၢ် သးဂီၤတဖၣ်အဂီၢ်န့ၣ်လီၤ.

တၢ်ကတိၤဒိ. 31:7

ပျဲအဝဲသ့ၣ်အီဒၣ်ဝဲဒီးသးပ့ၤနီၣ်ကွံာ်အတၢ်ဖှီၣ်တၢ်ယာ်ဒီး အတၢ်သူၣ်တမုာ်သးတမုာ်န့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 10:19

အီၣ်တၢ်အီတၢ်မၤသူၣ်ဖှံသးညီနၤဒီးစပံးထံမၤသးဖှံထီၣ် နၤလီၤ. ဘၣ်ဆၣ်စ့မ့ၢ်တအိၣ်ဘၣ်ဒီးနမၤတၢ်န့ၣ်တန့ၢ်နီတမံၤဘၣ်.

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်ယၡါယၤ 3:1

ခဲအံၤယွၤ, ယွၤသ့တၢ်လၢာ်, ကဟံးထီၣ် ကွံာ်တၢ်ခဲလၢာ်ဒီးပှၤကိးဂၤဒဲးလၢ ပှၤဂီၢ်မုၢ်သန့ၤအသးလၢအီၤလၢအအိၣ်ဝဲလၢ ဝ့ၢ်ယရူၤရှလ့ၣ်ဒီးကီၢ်ယူဒၤအပူၤ, ဒီးအဝဲကစိာ်ကွံာ်အတၢ်အီၣ်ဒီးအထံဧိၤနိဧိၤ,

လံာ်ယၡါယၤ 55:10

ယကလုၢ်ကထါအံၤလီၤဂာ်ဒ်မူခိၣ်ဖီဒီးတၢ်စူၤထံလၢ အဟဲလီၤလၢမူခိၣ်အသိး, လၢကမၤဘၣ်စီၣ်ဟီၣ်ခိၣ်အဂီၢ်န့ၣ်လီၤ. အဝဲသ့ၣ်ဒုးမဲထီၣ်ဒိၣ်ထီၣ်တၢ်မုၢ်တၢ်ဘိတဖၣ် ဒီးဟ့ၣ်ထီၣ်တၢ်ချံလၢဖှံတၢ်အဂီၢ် ဒီးတၢ်အီၣ်လၢပှၤကအီၣ်ဘၣ်အီဘၣ်အဂီၢ်လီၤ.

လံာ်ယံးရမံယၤ 31:12

အဝဲသ့ၣ်ကဟဲဒီး သးဝံၣ်တၢ်လၢ တၢ်သးခုအပူၤလၢ ကစၢၢ်စံယိၣ် အဒီခိၣ်, ဒီးကမုာ်လၤသးခုဝဲဒီး ယတၢ်ဟ့ၣ်တဖၣ်, တၢ်ဟ့ၣ်တဖၣ် လၢအမ့ၢ်ဝဲဘုဧိၤဟုဧိၤဒီးစပံးထံဒီး သ့ၣ်စၤယံးအသိ ဒီးတၢ်ဟ့ၣ်တဖၣ်လၢ အမ့ၢ်သိဒီး ဂီၤဘုၣ်ဂီၤဖံးတဖၣ်န့ၣ်လီၤ. အဝဲသ့ၣ် ကလီၤဂာ်ဒီး တၤသၣ်လီၢ်တလီၢ်လၢပှၤဖှိၣ်န့ၢ်အီၤ ထံဂ့ၤဂ့ၤဘၣ်ဘၣ်, ဒီး အဝဲသ့ၣ်ကအိၣ်ဒီး တၢ်ခဲလၢာ်လၢ အလိၣ်ဘၣ်ဝဲန့ၣ်လီၤ.

လံာ်ယဃ့းစက့လး 4:16

ဒီးကစၢ်ယွၤစံးအါထီၣ်, “ပှၤကညီလၢအသံသ့ဧၢ, ယကဒီၣ်တဲာ်ကွံာ်တၢ်ဆှၢလီၤကိၣ်လၢဝ့ၢ်ယရူၤၡလ့ၣ်အဂီၢ်န့ၣ်လီၤ. ပှၤဂီၢ်မုၢ်ဖဲန့ၣ်တဖၣ်ကဘၣ်တၢ်ကိၢ်တၢ်ဂီၤဒီးကအိၣ်ဒီးတၢ်ဘၣ် ယိၣ်ဘၣ်ဘီ, ဖဲအဝဲသ့ၣ်စီၤထီၣ်ဝဲတၢ်အီၣ်လၢအဝဲသ့ၣ်အီၣ်ဝဲဒီးဃီၣ်ဝဲထံ လၢအဝဲသ့ၣ်အီဝဲအခါန့ၣ်လီၤ.

လံာ်ယဃ့းစက့လး 5:16

ယကဒီၣ်တဲာ်ကွံာ်သုတၢ်အီၣ်အကျိၤအကျဲဒီးပျဲသုသၣ်ဝံၤလီၤဒိ လီၤ. သုကကလၢၢ်ဘၣ်တၢ်သၣ်ဝံၤလီၤဒိအတၢ်ဘၣ်ဒိဘၣ်ထံးလၢ အလီၤဂာ်ဒ်ပျၢ်ခိၣ်စူတဖၣ်လၢတၢ်ခးအီၤလၢကမၤဟးဂီၤသုအဂီၢ်, အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်စကၤရယၤ 10:7

ကီၢ်အံၣ်စရ့လးအပှၤဂီၢ်မုၢ်ကဂံၢ်ဆူၣ်ဘါဆူၣ်ထီၣ်ဒ် ပှၤသုးဖိတဖၣ်အသိး, ကသူၣ်ခုသးခုဒ်ပှၤတဖၣ်လၢအအီစပံးထံအသိးလီၤ. အဝဲသ့ၣ်အစၢၤအသွဲၣ်သ့ၣ်တဖၣ်ကသ့ၣ်နီၣ်ထီၣ် တၢ်မၤနၢၤအံၤ, ဒီးကသးခုဝဲလၢတၢ်လၢယွၤမၤတ့ၢ်ဝဲအဃိန့ၣ်လီၤ.

လံာ်မၢ်ကူး 14:23

အန့ၣ်ဝံၤအဝဲဒၣ်ဟံးန့ၢ်စပံးထံလီခီ, စံးထီၣ်ပတြၢၤကစၢ်ယွၤအဘျုး အဖှိၣ်ဝံၤဟ့ၣ်လီၤအဝဲသ့ၣ်, ဒီးအဝဲသ့ၣ်ကိးဂၤဒဲးအီဝဲစပံးထံလၢလီခီန့ၣ်အပူၤလီၤ.

လံာ်လူၤကၣ် 7:46

နတဖှူယခိၣ်လၢသိနီတစဲးဘၣ်. မ့မ့ၢ်အဝဲဒၣ်လူလီၤသိနၢမူလၢယခီၣ်တဖၣ်အလိၤလီၤ.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

လံာ်သိၣ်လီၤသီလီၤတၢ် 28:40

သ့ၣ်စၤယံးတဖၣ်ကမဲထီၣ်သကုၤသုထံကီၢ်ပူၤ, ဘၣ်ဆၣ်သုတအိၣ်ဘၣ်ဒီးသ့ၣ်စၤယံးအသိနီတစဲးဘၣ်. မ့ၢ်လၢသ့ၣ်စၤယံးအသၣ်တဖၣ်ကလီၤဆှုကွံာ်အဃိန့ၣ်လီၤ.

လံာ်သိၣ်လီၤသီလီၤတၢ် 8:3

အဝဲဒုးသူၣ်ဝံၤသၣ်စ့ၤသု, အန့ၣ်ဝံၤဒီးဟ့ၣ်လီၤကိၣ်မၤနၤလၢ သုကအီၣ်အဂီၢ်, တၢ်အီၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တအီၣ်တ့ၢ်ဘၣ် ဝဲလၢညါနီတစုဘၣ်န့ၣ်လီၤ. အဝဲမၤတ့ၢ်တၢ်အံၤဒ်သိးကသိၣ်သုလၢ, ပှၤကညီတမူဝဲထဲ လၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢ အထီၣ်ဖျဲးလၢယွၤအထးခိၣ်ကိးထံၣ်ဒဲးန့ၣ်လီၤ.

ဧ့ၤဘြံၤ 1:9

နအဲၣ်တၢ်လၢအဘၣ်ဒီး နသးဟ့တၢ်လၢအတဘၣ်ဘၣ်န့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤဃုထၢထီၣ် ဒီးဖှူနၤလၢတၢ်သးခုအသိ အါန့ၢ်ဒိၣ်န့ၢ်ဒံးနတံၤသကိးတဖၣ်တက့ၢ်လီၤ.”

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

လံာ်ပှၤစံၣ်ညီၣ်ကွီၢ် 19:5

လၢလွံၢ်သီတသီန့ၣ်, အဝဲသ့ၣ်ပၢၢ်ထီၣ်ဂီၤဂီၤဒီးကတဲာ်ကတီၤအသးလၢကဟးထီၣ်ဝဲဒၣ်လီၤ. ဘၣ်ဆၣ်ဒီးပိာ်မုၣ်ဖိအပၢ်န့ၣ် စံးဘၣ်ပှၤလ့ၤဝံဖိ, “အီၣ်ဆိတၢ်အီၣ်လၢညါဒ်သိးနကန့ၢ်ဂံၢ်န့ၢ်ဘါတက့ၢ်. ဝံၤဒီးနလဲၤတၢ်သ့ဝဲလီၤ.”

လံာ်ပှၤစံၣ်ညီၣ်ကွီၢ် 9:13

ဘၣ်ဆၣ်ဒီးစပံးမုၢ်စံးဆၢဝဲဒၣ်, ဒ်သိးယကပၢသုအဂီၢ်န့ၣ်ယကဘၣ် ဆိကတီၢ်ယတၢ်ဟ့ၣ်ထီၣ်ယစပံးထံလၢ အဒုးသးခုယွၤတဖၣ်ဒီးပှၤကညီတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 9:9

ဒီးသ့ၣ်စၤယံးစံးဆၢဝဲဒၣ်, ဒ်သိးယကပၢသုအဂီၢ်န့ၣ်ယကဘၣ်ဆိ ကတီၢ်ယတၢ်ဟ့ၣ်ထီၣ်ယသိလၢ တၢ်သူအီၤလၢတၢ်မၤလၤကပီၤယွၤတဖၣ် ဒီးပှၤကညီတဖၣ်အဂီၢ်န့ၣ်လီၤ.