စံးထီၣ်ပတြၢၤ 103:5 - Sgaw Karen Common Bible

⁵ မ့ၢ်ပှၤလၢအဒုးမံသူၣ်မံသးနထးခိၣ်လၢ တၢ်ဂ့ၤဖဲနအိၣ်မူဒံးအခါ, ဒီးနဖိၣ်သၣ်ခွါထီၣ်က့ၤကဒီးဒ် လံာ်ဧိၤတြၤဧိၤအသိးန့ၣ်လီၤ.

စံးထီၣ်ပတြၢၤ 103:5 Iomraidhean Croise

လံာ်စီၤယိၤဘး 33:25

အဝဲအနီၢ်ခိကဒိၣ်ထီၣ်ဒ် ပှၤအသးစၢ်ဒီး ဂံၢ်ဆူၣ်ဘါဆူၣ်ထီၣ် ကဒီးအသိးန့ၣ်လီၤ.

စံးထီၣ်ပတြၢၤ 104:28

တၢ်လၢနဟ့ၣ်လီၤအီၤန့ၣ်အဝဲသ့ၣ်ထၢထီၣ်ဝဲ ဒီးဖဲနသလၣ်ထီၣ်နစုန့ၣ် အဝဲသ့ၣ်ဘျဲးအီၣ်ဘျဲးအီလၢတၢ်ဂ့ၤလီၤ.

စံးထီၣ်ပတြၢၤ 107:9

အဂ့ၢ်ဒ်အံၤ ပှၤလၢတၢ်သူအသးလၢထံန့ၣ်ဒုးဘျဲးအီအီၤ, ဒီးပှၤလၢတၢ်သၣ်ဝံၤအသးန့ၣ် ဒုးဘျဲးအီၣ်အီၤလၢတၢ်အဂ့ၤလီၤ.

စံးထီၣ်ပတြၢၤ 23:5

နကတဲာ်ကတီၤစီၢ်နီၤခိၣ်လၢယဂီၢ် လၢယဒုၣ်ယဒါတဖၣ်အမဲာ်ညါလီၤ. နဖှူယခိၣ်လၢသိ, ယလီခီတဖျၢၣ်ပှဲၤလုာ်ကွံာ်လီၤ.

စံးထီၣ်ပတြၢၤ 63:5

ယသးကအီၣ်ဘျဲးအီၣ်တၢ်အီၣ်ဝံၣ်, ဒီးသိဧိၤချါဧိၤ, ဒီးယထးခိၣ်စံးထီၣ်ပတြၢၤနၤလၢ နိးဖံးလၢအသးခုန့ၣ်လီၤ.

စံးထီၣ်ပတြၢၤ 65:4

ပှၤလၢနဃုထၢအီၤ, ပှၤလၢနဟဲစိာ်အီၤဆူနလီၢ်စီဆှံအပူၤ ဒ်သိးကအိၣ်ကဆိးဘၣ်ဝဲအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ. ပကသူၣ်မံသးမံလၢတၢ်ဂ့ၤတဖၣ်လၢနဟံၣ်ပူၤ, နတၢ်လုၢ်ဟံၣ်စီဆှံအတၢ်ဆိၣ်ဂ့ၤဆိၣ်ဝါတဖၣ်န့ၣ်လီၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ဟိၤၡ့ 2:15

ယကဟ့ၣ်ကဒါက့ၤအီၤအစပံးလီၢ်တဖၣ်လၢအအိၣ်တ့ၢ်ဝဲဒီးအီၤ, ဒီးယကဒုးကဲထီၣ်ဧၤကိၢ်လၢအမ့ၢ်တၢ်မၤကိၢ်မၤဂီၤအတၢ်တြီၤ ဆူတၢ်မုၢ်လၢ်အတြဲၤန့ၣ်လီၤ. အဝဲကမၤဆၢကဒါက့ၤယၤဖဲန့ၣ်ဒ်အမၤတ့ၢ်ဝဲဖဲအသးစၢ်အကတီၢ် အသိး, ဖဲအဟဲက့ၤထီၣ်လၢကီၢ်အဲၤကူပတူးအခါန့ၣ်လီၤ.

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

လံာ်စီၤယိၤၡူ 14:11

ဒီးတနံၤအံၤယဂံၢ်ယဘါဆူၣ်ဒံးဒၣ်ဒ်ယမ့ၢ်တ့ၢ်ဝဲဖဲစီၤမိၤၡ့မၢလီၤယၤအကတီၢ်န့ၣ်လီၤ. ယဂံၢ်ယဘါဆူၣ်ဒံးလၢတၢ်ဒုးတၢ်ယၤအဂီၢ်မ့ၢ်ဂ့ၤ, တၢ်ဂ့ၢ်အဂၤတမံၤမံၤအဂီၢ်မ့ၢ်ဂ့ၤန့ၣ်လီၤ.