စံးထီၣ်ပတြၢၤ 103:2 - Sgaw Karen Common Bible

² ယသးဧၢ, စံးထီၣ်ပတြၢၤယွၤတက့ၢ်. ဒီးအတၢ်မၤဂ့ၤတဖၣ်န့ၣ် မ်နသုတသးပ့ၤနီၣ်နီတမံၤတဂ့ၤ.

စံးထီၣ်ပတြၢၤ 103:2 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:25

ဘၣ်ဆၣ်စီၤပၤဃံးစကံယၤပာ်ထီၣ်ထီအသးကဲာ်ဆိးလၢကဒုးနဲၣ် အတၢ်စံးဘျုးဆၢက့ၤလၢ, တၢ်လၢယွၤမၤတ့ၢ်လၢအဂီၢ်အဃိန့ၣ်လီၤ. ဒီးကီၢ်ယူဒၤဒီးဝ့ၢ်ယရူၤရှလ့ၣ်တူၢ်ဘၣ်တၢ်လၢတၢ်န့ၣ်အဃိလီၤ.

စံးထီၣ်ပတြၢၤ 105:5

သ့ၣ်နီၣ်ထီၣ်က့ၤတၢ်လီၤလးတဖၣ်လၢအမၤတ့ၢ်ဝဲ, အတၢ်မၤလီၤလးတဖၣ်, ဒီးတၢ်စံၣ်ညီၣ်လၢ အဟ့ၣ်လီၤဝဲန့ၣ်တက့ၢ်.

စံးထီၣ်ပတြၢၤ 106:21

အဝဲသ့ၣ်သးပ့ၤနီၣ်ကွံာ်ကစၢ်ယွၤ, ပှၤအုၣ်က့ၤခီၣ်က့ၤအီၤ, ပှၤလၢအမၤတ့ၢ်တၢ်အဒိၣ်တဖၣ်လၢ အဲၤကူပတူးအပူၤန့ၣ်လီၤ.

စံးထီၣ်ပတြၢၤ 106:7

ပမိၢ်ပၢ်ဖံဖုလၢပျၢၤတဖၣ်, လၢကီၢ်အဲၤကူပတူးအပူၤန့ၣ် တနၢ်ပၢၢ်ကစၢ်ယွၤအတၢ်မၤလီၤလးတဖၣ်န့ၣ်ဘၣ်. အဝဲသ့ၣ်သးပ့ၤနီၣ်ကွံာ် လၢကစၢ်ယွၤ ဒုးနဲၣ်တ့ၢ်အီၤအတၢ်အဲၣ်အါဘျီ, ဒီးပူထီၣ်ထီဒါတၢ်ထီကတၢၢ်ယွၤလၢ ပီၣ်လဲၣ်ဂီၤန့ၣ်လီၤ.

စံးထီၣ်ပတြၢၤ 116:12

ယကဟ့ၣ်ကၣ်ယွၤလၢအမၤဂ့ၤယၤတဂၤလၢ တၢ်ခဲလၢာ်အဃိန့ၣ်လၢမနုၤတမံၤလဲၣ်.

လံာ်ယၡါယၤ 63:1

ပှၤတဂၤလၢအဟဲလၢဝ့ၢ်ဘိးစရၤလၢကီၢ်အဒိၣ်အပူၤအံၤ မ့ၢ်မတၤလဲၣ်. မတၤတဂၤအံၤလၢကူသိးတၢ်အဂီၤလီၤကဟုကညီၢ်, လဲၤတၢ်လၢတၢ်စိကမီၤဒီးတၢ်ဂံၢ်ဆူၣ်ဘါဆူၣ်အပူၤန့ၣ်လဲၣ်. အဝဲမ့ၢ်ယွၤ, အိၣ်ဒီးအစိကမီၤလၢကအုၣ်က့ၤခီၣ်က့ၤတၢ်တဂၤ, ဟဲဝဲလၢကဘိးဘၣ်သ့ၣ်ညါအတၢ်မၤနၢၤအဂီၢ်လီၤ.

လံာ်ယၡါယၤ 63:7

ယကတဲဖျါယွၤအတၢ်အဲၣ်လၢအတလီၤတူၢ်လီၤကာ်အဂ့ၢ်န့ၣ်လီၤ. ယစံးထီၣ်ပတြၢၤအီၤလၢတၢ်လၢအမၤတ့ၢ်ဝဲလၢပဂီၢ် ခဲလၢာ်အဃိန့ၣ်လီၤ. အဝဲဆိၣ်ဂ့ၤတ့ၢ်အံၣ်စရ့လးအပှၤဂီၢ်မုၢ်ထူးထူးတီၤတီၤလၢ အတၢ်သးကညီၤဒီးအတၢ်အဲၣ်တထံၣ်ဃီ အဃိန့ၣ်လီၤ.

လံာ်သိၣ်လီၤသီလီၤတၢ် 32:18

အဝဲသ့ၣ်သးပ့ၤနီၣ်ကွံာ်အကစၢ်ယွၤ, အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲ, ကစၢ်တဂၤလၢအဟ့ၣ်လီၤတ့ၢ်အဝဲသ့ၣ်တၢ်မူန့ၣ်လီၤ.

လံာ်သိၣ်လီၤသီလီၤတၢ် 32:6

သုဝဲပှၤဟးဂီၤဖိ, ပှၤဂီၢ်မုၢ်လၢတဂိာ်တသီၣ်ဘၣ်တၢ်ဧၢ, တၢ်အံၤမ့ၢ်အမ့ၢ်ကျဲလၢသုကဘၣ်မၤဘၣ် ယွၤန့ၣ်ဧါ. အဝဲမ့ၢ်သုပၢ်, သုတၢ်တ့အကစၢ်, အဝဲဒုးကဲထီၣ်တ့သုလၢပှၤ တကလုာ်န့ၣ်လီၤ.

လံာ်သိၣ်လီၤသီလီၤတၢ် 6:12

ပာ်သူၣ်ပာ်သးသပှၢ်ပှၢ်လၢသုတသးပ့ၤနီၣ်ဘၣ်ယွၤလၢအအုၣ်က့ၤခီၣ် က့ၤသုလၢကီၢ်အဲၤကူပတူးအပူၤ, ဖဲသုမ့ၢ်တ့ၢ်ကုၢ်တဖၣ်ဘၣ်န့ၣ်တဂ့ၤ.

လံာ်ပှၤစံၣ်ညီၣ်ကွီၢ် 5:2

စံးထီၣ်ပတြၢၤယွၤတက့ၢ်. ပှၤအံၣ်စရ့လးဖိတဖၣ်ပာ်လီၤအသးလၢကဒုးတၢ်ဒီး ပှၤဂီၢ်မုၢ်ဟ့ၣ်လီၤအသးလၢတၢ်သူၣ်အိၣ်သးအိၣ်ဒီးလၢတၢ်သးခုအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:9

ယသးလဲၤဃုာ်ဒီးအံၣ်စရ့လးအသုးခိၣ်တဖၣ်, ဃုာ်ဒီးပှၤဂီၢ်မုၢ်လၢအသူၣ်အိၣ်သးအိၣ်ဟ့ၣ်လီၤသးလၢတၢ်သးခု အပူၤန့ၣ်လီၤ. စံးထီၣ်ပတြၢၤယွၤတက့ၢ်.