စံးထီၣ်ပတြၢၤ 103:15 - Sgaw Karen Common Bible

¹⁵ တၢ်လၢပှၤကညီအံၤ, အမုၢ်နံၤမၤအသးဒ် နီၣ်ဧိၤမံၤဧိၤအသိးလီၤ. အဝဲဟဲထီၣ်ဝဲဒ်သံၣ်ဧိၤဖီဧိၤလၢပျီပူၤအသိးလီၤ.

စံးထီၣ်ပတြၢၤ 103:15 Iomraidhean Croise

လံာ်ယၡါယၤ 28:1

ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယၡါယၤ 28:4

ခိၣ်နၢ်တဖၣ်လၢအပာ်ထီၣ်ထီအသးအလၤကပီၤကဒံ ကွံာ်ဝဲဒီးလီၤမၢ်ကွံာ်ဒ်ချၢၣ်ဒၢသၣ်တဖၣ်လၢ အမံဆိလၢတၢ်အကတီၢ်အပူၤအသိး, ဒီးဘၣ်တၢ်ဒဲးအီၣ်အီၤတဘျီဃီဖဲအမံထီၣ်ဝဲန့ၣ်လီၤ.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်နၤဃူၣ် 1:4

အဝဲမၤလိာ်ဝဲပီၣ်လဲၣ်ဒီးပီၣ်လဲၣ်ဃ့ထီကွံာ်ဝဲဒီးမၤလီၤ သံးကွံာ်ဝဲထံကျိတဖၣ်န့ၣ်လီၤ. ဘၤၡၣ်အပျီတဖၣ်လီၤညွံးကွံာ်ဝဲ, တၤသၣ်လီၢ်လၢကစၢၢ်ကၢ်မ့ၤလးလီၤဘဲကွံာ်ဝဲ ဒီးဖီတဖၣ်လၢကီၢ်လဘၤနိၣ်ဒံကွံာ်ဝဲလီၤ.

၁ ပ့းတရူး 1:24

ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.