စံးထီၣ်ပတြၢၤ 102:3 - Sgaw Karen Common Bible

³ အဂ့ၢ်ဒ်အံၤ, ယမုၢ်နံၤဒံကွံာ်ဝဲမ့ၣ်အူခုၣ်အသိး, ဒီးယဃံယကွဲတဖၣ် ကဲၤထီၣ်ဝဲဒ် ဒ်မ့ၣ်အူကဖးအသိးန့ၣ်လီၤ.

စံးထီၣ်ပတြၢၤ 102:3 Iomraidhean Croise

လံာ်စီၤယိၤဘး 30:30

ယဖံးထီၣ်သူဝဲဒီးယလိၤကိၢ်ကဖးလၢတၢ်လိၤကိၢ်အဃိ န့ၣ်လီၤ.

စံးထီၣ်ပတြၢၤ 119:83

အဂ့ၢ်ဒ်အံၤ, ယမၤယသးဒ်ထံဒၢတၢ်ဖံးလၢ မ့ၣ်အူခုၣ်အပူၤအသိးန့ၣ်လီၤ. နာ်သက့ယတသးပ့ၤနီၣ် နတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 27:9

ပာ်တဒၢနမဲာ်လၢယၤတဂ့ၤ. ဟီထီၣ်ကွံာ်နခ့နပှၤလၢ တၢ်သးထီၣ်အပူၤတဂ့ၤ. နမ့ၢ်တ့ၢ်ယတၢ်မၤစၢၤ, လဲၤသဒၣ်ယၤတဂ့ၤ. ညိကွံာ်ယၤတဂ့ၤ, ပှၤအုၣ်က့ၤခီၣ်က့ၤယၤ, ကစၢ်ယွၤဧၢ.

စံးထီၣ်ပတြၢၤ 31:10

အဂ့ၢ်ဒ်အံၤ, ယသးသမူလၢာ်ကွံာ်ဝဲလၢတၢ်သူၣ်အုးသးအုး ဒီးယနံၣ်တဖၣ်လၢတၢ်ကအုကစွါအပူၤန့ၣ်လီၤ. ယဂံၢ်ယဘါစၢ်လီၤဝဲမ့ၢ်လၢ ယတၢ်သူၣ်ကိၢ်သးဂီၤအဃိဒီး ယဃံတဖၣ်ကျၣ်ကွံာ်ဝဲလီၤ.

စံးထီၣ်ပတြၢၤ 31:3

အဂ့ၢ်ဒ်အံၤ, နမ့ၢ်ယလၢၢ်ဒီးယတိာ်န့ၣ်လီၤ. ဆှၢယၤဒီးမိၤယၤလၢနမံၤအဃိဒ်နအၢၣ်လီၤ တ့ၢ်နဲအသိးန့ၣ်တက့ၢ်.

စံးထီၣ်ပတြၢၤ 37:20

ဘၣ်ဆၣ်ပှၤအၢပှၤသီကသံဝဲလီၤ. ယွၤအဒုၣ်အဒါတဖၣ်ကလီၤမၢ်ကွံာ်ဒ် တၢ်အီၣ်ဆၣ်အလီၢ်အတၢ်ဃံတၢ်လၤအသိး, အဝဲသ့ၣ်ကဟါမၢ်ကွံာ်ဒ်မ့ၣ်အူလုၣ်အသိးန့ၣ်လီၤ.

စံးထီၣ်ပတြၢၤ 38:3

လၢနတၢ်သးထီၣ်အဃိ, ယအိၣ်လၢတၢ်ဆါနးနးကလဲာ်အပူၤ, ယနီၢ်ကစၢ်ဒီတဂၤညါအိၣ်ဒီးတၢ်ဆူးတၢ်ဆါလၢ ယတၢ်ဒဲးဘးတဖၣ်အဃိန့ၣ်လီၤ.

လံာ်သးသယုၢ်တၢ် 1:13

ဆှၢလီၤဝဲမ့ၣ်အူလၢမူခိၣ်, မ့ၣ်အူလၢအအီၣ်တၢ်လၢယပူၤန့ၣ်လီၤ. အဝဲဆဲထီၣ်ထုလၢယဂီၢ်ဒီးဒုးလီၤဃံၤယၤ လၢဟီၣ်ခိၣ်လိၤလီၤ. အန့ၣ်ဝံၤဒီးညိကွံာ်တ့ၢ်ယၤ, ဒီးပာ်တ့ၢ်ယၤလၢ တၢ်ဆါတပယူာ်ဃီအပူၤန့ၣ်လီၤ.

လံာ်သးသယုၢ်တၢ် 3:4

အဝဲကူးတဲာ်ကါတဲာ်ယဖံးယညၣ်ဒီးမၤကၢ်တ့ၢ်ယဃံယကွဲ တဖၣ်လီၤ.

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.