စံးထီၣ်ပတြၢၤ 102:14 - Sgaw Karen Common Bible

¹⁴ မ့ၢ်ဘၣ်တၢ်မၤဟးဂီၤကွံာ်အီၤဒၣ်လဲာ် နခ့နပှၤတဖၣ်အဲၣ်အီၤ, မ့ၢ်အိၣ်လၢတၢ်ဟးဂီၤအပူၤဒၣ်လဲာ် အဝဲသ့ၣ်သးကညီၤဘၣ်အီၤလီၤ.

စံးထီၣ်ပတြၢၤ 102:14 Iomraidhean Croise

လံာ်စီၤဧ့စြၤ 1:5

တုၤနုၤတစုပှၤအခိၣ်တဖၣ်လၢ, ဒူၣ်ထၢတဖၣ်လၢယူဒၤအဒူၣ် ဒီးဘံၣ်ယၤမံၣ်အဒူၣ်အပူၤ, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိ တဖၣ်, ဒီးပှၤကိးဂၤဒဲးလၢကစၢ်ယွၤထိၣ်ဂဲၤထီၣ်အသးန့ၣ်ကတဲာ်ကတီၤ ထီၣ်အသးလၢကက့ၤဒီးသူၣ်ထီၣ်ကဒါက့ၤယွၤအတၢ်လုၢ်ဟံၣ်လၢ ဝ့ၢ်ယရူၤၡလ့ၣ်အပူၤန့ၣ်လီၤ.

လံာ်စီၤဧ့စြၤ 7:27

စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

လံာ်စီၤနဃ့မယၤ 1:3

ဒီးအဝဲသ့ၣ်တဲဘၣ်ယၤလၢပှၤလၢအိၣ်လီၤတဲာ်ဒီးဟဲက့ၤတုၤဆူ အထံဧိၤကီၢ်ဧိၤဒၣ်ဝဲန့ၣ်အိၣ်လၢတၢ်ကီတၢ်ခဲနးမးအပူၤဒီး ပှၤတခီဘီမုၢ်ဖိလၢအအိၣ်ဘူးတဖၣ်န့ၣ်ကွၢ်တလီၤအဝဲသ့ၣ်န့ၣ် လီၤ. အဝဲသ့ၣ်တဲဘၣ်စ့ၢ်ကီးယၤလၢဝ့ၢ်ယရူၤၡလ့ၣ်အဝ့ၢ်ခိၣ်ဒူတဖၣ် န့ၣ်စးထီၣ်လၢအဘၣ်တၢ်ဒွဲၣ်ကွံာ်အီၤန့ၣ်တဘၣ်တၢ်ဘှီထီၣ်က့ၤ ဒံးအီၤဘၣ်န့ၣ်လီၤ.

လံာ်စီၤနဃ့မယၤ 2:17

တုၤနုၤတစုယစံးဘၣ်အဝဲသ့ၣ် “သုထံၣ်တၢ်ကိၢ်တၢ်ဂီၤလၢပအိၣ်လၢ အပူၤလီၤ. အဂ့ၢ်ဒ်အံၤ, ဝ့ၢ်ယရူၤၡလ့ၣ်ဟးဂီၤလံ. ဒီးအပဲတရီတဖၣ်ဘၣ်တၢ်ဆူးထီၣ်ကွံာ်အီၤလၢမ့ၣ်အူလံ. ဟဲဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူဒ်သိးပသုတကဲ လၢၤတၢ်ဒုၣ်ဒွဲၣ်အလီၢ်တဂ့ၤန့ၣ်တက့ၢ်.”

လံာ်စီၤနဃ့မယၤ 2:3

ဒီးယစံးဆၢစီၤပၤ, “မ်ယစီၤပၤဖးဒိၣ်မူဝဲလီၤထူလီၤယိာ်တက့ၢ်. ဝ့ၢ်တဖျၢၣ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤတ့ၢ်အီၤ အံၤအိၣ်လၢတၢ်ဟးဂူာ်ဟးဂီၤအပူၤဒီးအပဲတရီတဖၣ်ဘၣ်တၢ်မၤဟး ဂီၤကွံာ်အီၤလၢမ့ၣ်အူန့ၣ်, ယမဲာ်တလီၤသပှၢ်ဘၣ်န့ၣ်ယအိၣ်ကသ့ဒ်လဲၣ်.”

လံာ်စီၤနဃ့မယၤ 4:10

ဒီးပှၤယူဒၤဖိအိၣ်ဒီးတၢ်သးဝံၣ်လၢအသးဝံၣ်ဝဲ, “ပလီၤဘှံးလၢပတၢ်ဝံတၢ်ယိးအဃိလံဒီး ပအိၣ်ဒီးလၢၢ်အက့အခီတဖၣ်လၢပကဘၣ် စိာ်ကွံာ်အီၤလီၤ. တနံၤအံၤပသူၣ်ထီၣ်ဝ့ၢ်ခိၣ်ဒူကသ့ဒ်လဲၣ်.”

လံာ်စီၤနဃ့မယၤ 4:2

ဒီးလၢအတံၤသကိးသ့ၣ်တဖၣ်, ဒီးၡၤမရံအပှၤသုးဖိသ့ၣ်တဖၣ် အမဲာ်ညါန့ၣ်စံးဝဲ, “ပှၤယူဒၤဖိလၢအတဂိာ်တသီၣ်တၢ်သ့ၣ်တဖၣ်အံၤမ့ၢ်အဆိကမိၣ်ဝဲ လၢအမၤတၢ်မနူၤန့ၣ်လဲၣ်. မ့ၢ်အဝဲသ့ၣ်အဲၣ်ဒိးသူၣ်ထီၣ်ကဒါက့ၤဝ့ၢ်န့ၣ်ဧါ. မ့ၢ်အဆိကမိၣ်ဝဲဒၣ်လၢခီဖျိအတၢ်လုၢ်ထီၣ်ပာ်ထီၣ်တၢ်န့ၣ်မၤတၢ် လၢတနံၤဃီအတီၢ်ပူၤကဝံၤန့ၣ်ဧါ. မ့ၢ်အမၤကဲထီၣ်လၢၢ်လၢတၢ်တဂိာ်တသီၣ်လၢမ့ၣ်အူအီၣ်အီၤအကျါ န့ၣ်ကသ့စ့ၢ်ကီးဧါ.”

လံာ်စီၤနဃ့မယၤ 4:6

ဒီးပဘှီဝ့ၢ်ခိၣ်ဒူဒီးဝံၤဝဲတုၤအကစီၤထီၣ်အဖးဖီမ့ၢ်လၢ ပှၤဂီၢ်မုၢ်တဖၣ်အိၣ်ဒီးတၢ်သးဆူၣ်လၢကမၤတၢ်အဂီၢ်အဃိန့ၣ်လီၤ.

စံးထီၣ်ပတြၢၤ 119:126

ဆၢကတီၢ်ဘၣ်လံလၢယွၤကမၤတၢ်လီၤ. အဂ့ၢ်ဒ်အံၤ, နတၢ်သိၣ်တၢ်သီတဖၣ် ဘၣ်တၢ်ဘိးကဒါကွံာ်အီၤလံ.

စံးထီၣ်ပတြၢၤ 79:1

ကစၢ်ယွၤဧၢ, ပှၤတဘူၣ်ထီၣ်ဘါထီၣ်နၤတဖၣ်ဟဲနုာ်တ့ၢ်လံလၢ နတၢ်န့ၢ်သါအပူၤလံ. အဝဲသ့ၣ်မၤဘၣ်အၢဘၣ်သီနတၢ်လုၢ်ဟံၣ်စီဆှံလံ. အဝဲသ့ၣ်ပာ်တ့ၢ်ကွံာ်ဝ့ၢ်လံယရူၤၡလ့ၣ်လၢအတၢ်ဟးဂီၤအပူၤ လံ.

လံာ်ယၡါယၤ 14:1

ယွၤကသးကညီၤကဒီးအပှၤဂီၢ်မုၢ်အံၣ်စရ့လးတဘျီဒီးဃု ထၢအီၤဒ်အတၢ်ဒၣ်ဝဲအသိးလီၤ. ကပျဲကဒီးအဝဲသ့ၣ်အိၣ်က့ၤလၢအ ထံအကီၢ်ဒၣ်ဝဲတဘျီ, ဒီးပှၤတခီဘီမုၢ်ဖိတ ဖၣ်ကဟဲအိၣ်ဆိးသကိးဒီးအဝဲသ့ၣ်ဖဲန့ၣ်, န့ၣ်လီၤ.

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယံးရမံယၤ 30:18

ယွၤစံးဝဲဒၣ်, “ယကပာ်ကဒါက့ၤ ယပှၤဂီၢ်မုၢ်လၢ အကီၢ်ဒၣ်ဝဲ, ဒီးအိၣ်ဒီး တၢ်သးကညီၤလၢ ဒူၣ်ဖိထၢဖိကိးဒူၣ်ဒဲးအဖီခိၣ်န့ၣ်လီၤ. ဝ့ၢ်ယရူၤၡလ့ၣ် ကဘၣ်တၢ်ဘှီထီၣ်က့ၤအီၤ, ဒီးအနူၢ်အစီၤကဘၣ် တၢ်ပာ်ထီၣ်ကဒါက့ၤအီၤန့ၣ်လီၤ.

လံာ်ဒၤနံးယ့လး 9:16

နအိၣ်ပှိၤတ့ၢ်ပှၤလၢပျၢၤလီၤ. မၤသးဒ်န့ၣ်ဒီးသးဒိၣ်ဝ့ၢ်ယရူၤ ၡလ့ၣ်လၢၤတဂ့ၤ. မ့ၢ်ဝဲနဝ့ၢ်, နကစၢၢ်စီဆှံလီၤ. ကယဲၢ်ပှၤ ဂီၢ်မုၢ်ခဲလၢာ်လၢအအိၣ်လၢထံကီၢ်ခိၣ်ဃၢၤတဖၣ်ကွၢ်တလီၤ ဝ့ၢ်ယရူၤၡလ့ၣ်ဒီးနပှၤဂီၢ်မုၢ်, လၢပတၢ်ဒဲးဘးတဖၣ်အဃိ, ဒီးတၢ်အၢတၢ်သီလၢမိၢ်ပၢ် ဖံဖုလၢပျၢၤတဖၣ်မၤတ့ၢ်ဝဲအဃိန့ၣ်လီၤ.

လံာ်နီၢ်ရူၤသး 1:6

ဖဲအအိၣ်ဒံးဝဲဖဲကီၢ်မိၤအးအပူၤန့ၣ်, နီၢ်နၤဧမံနၢ်ဟူဝဲ လၢယွၤဆိၣ်ဂ့ၤအပှၤဂီၢ်မုၢ်ဒီးဟ့ၣ်အဝဲသ့ၣ်လၢတၢ်အီၣ်တၢ်အီအ ဃိ, ကတဲာ်ကတီၤအသးဒ်သိးကဟးထီၣ်ကွံာ်လၢကီၢ်မိၤအး အပူၤဃုာ်ဒီးအဒဲၣ်တဖၣ်န့ၣ်လီၤ.