စံးထီၣ်ပတြၢၤ 102:1 - Sgaw Karen Common Bible

¹ ယွၤဧၢ, ဒိကနၣ်ယတၢ်ထုကဖၣ်, ဒီးမ်ယတၢ်ကိးထီၣ်လၢတၢ်မၤစၢၤအဂီၢ် ဟဲထီၣ်ဆူနအိၣ်တက့ၢ်.

စံးထီၣ်ပတြၢၤ 102:1 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:27

ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ဃ့တၢ်ဆိၣ်ဂ့ၤလၢ ယွၤ, လၢပှၤဂီၢ်မုၢ်အဂီၢ်န့ၣ်လီၤ. လၢအဝဲအဟံၣ်အိၣ်လၢမူခိၣ်အပူၤ န့ၣ်, ကစၢ်ယွၤနၢ်ဟူတ့ၢ်အဝဲသ့ၣ်အတၢ်ထုကဖၣ်တဖၣ်ဒီးတူၢ်လိာ်အဝဲသ့ၣ် န့ၣ်လီၤ.

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 143:4

ယအိၣ်လၢတၢ်သးဟးဂီၤဖးဒိၣ်အပူၤအဃိ, ယအိၣ်ကတဲာ်ကတီၤလံယသးလၢ ယကဟ့ၣ်လီၤကွံာ်ယသးန့ၣ်လီၤ.

စံးထီၣ်ပတြၢၤ 143:7

ယွၤဧၢ, မၤချ့ချ့လၢနကမၤစၢၤယၤန့ၣ်တက့ၢ်. ယတၢ်မုၢ်လၢ်လၢာ်ကွံာ်လံ. ဒ်သိးယသုတကဲထီၣ်ဒ်ပှၤလၢအလဲၤလီၤဆူ တၢ်သံအကီၢ်ပူၤတဂ့ၤဒီး, ပာ်တဒၢနမဲာ်ဒီးယၤတဂ့ၤ.

စံးထီၣ်ပတြၢၤ 145:19

အဝဲမၤလၢပှဲၤပှၤလၢအမၤလၤကပီၤအီၤတဖၣ် အတၢ်လိၣ်, အဝဲနၢ်ဟူအဝဲသ့ၣ်အတၢ်ကိးထီၣ်ဒီး အုၣ်က့ၤခီၣ်က့ၤအဝဲသ့ၣ်လီၤ.

စံးထီၣ်ပတြၢၤ 18:6

လၢယဘၣ်တၢ်ကိၢ်တၢ်ဂီၤအပူၤန့ၣ်ယကိးထီၣ်ယွၤ, ယကိးထီၣ်ယကစၢ်ယွၤလၢတၢ်မၤစၢၤအဂီၢ်လီၤ. လၢအတၢ်လုၢ်ဟံၣ်အပူၤအဝဲနၢ်ဟူယကလုၢ်, အဝဲဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်လီၤ.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

စံးထီၣ်ပတြၢၤ 42:4

တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်, ယသူၣ်ကၢ်သးလီၤယဲလီၤ. အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ် ဆူကစၢ်ယွၤအဟံၣ် ဒီးဆှၢအဝဲသ့ၣ်လၢအတၢ်လဲၤအပူၤ အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.

စံးထီၣ်ပတြၢၤ 5:2

ကနၣ်ယတၢ်ကိးထီၣ်လၢတၢ်မၤစၢၤအဂီၢ်, ယကစၢ်ယွၤဒီးယစီၤပၤဧၢ, အဂ့ၢ်ဒ်အံၤ, ယဃ့ဘါထုကဖၣ်တၢ်လၢနၤလီၤ.

စံးထီၣ်ပတြၢၤ 61:2

လၢတၢ်သးဟးဂီၤဒီး တၢ်အိၣ်ယံၤဒီး ဟံၣ်အပူၤန့ၣ်ယကိးထီၣ်နၤလီၤ. ဆှၢယၤဆူတၢ်ပူၤဖျဲးအလီၢ်တတီၤန့ၣ်တက့ၢ်.

စံးထီၣ်ပတြၢၤ 62:8

ပှၤဂီၢ်မုၢ်သ့ၣ်ဧၢ, သန့ၤသုသးလၢအီၤကိးအကတီၢ်ဒဲး ဒီးတဲအီၤလၢသုတၢ်ကိၢ်တၢ်ဂီၤခဲလၢာ်န့ၣ်တက့ၢ်. ကစၢ်ယွၤမ့ၢ်တၢ်ပူၤဖျဲးအလီၢ်လၢပဂီၢ်လီၤ. စ့လၤ

စံးထီၣ်ပတြၢၤ 77:3

တုၤယဆိကမိၣ်ထီၣ်ကစၢ်ယွၤန့ၣ်ဒီး, ယဟီၣ်ယယၢၤယဲ, ဒီးယသးလီၤဘှါယဲလီၤ. စ့လၤ

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်သးသယုၢ်တၢ် 3:44

လၢတၢ်သးကဲၤထီၣ်အတၢ်အၢၣ်ဖးတီၣ်တလိၣ်အဃိန့ၣ် ပတၢ်ထုကဖၣ်တဖၣ်အကျဲတဖျိဘၣ်.

လံာ်သးသယုၢ်တၢ် 3:8

ယကိးပသူထီၣ်ဖးဒိၣ်လၢတၢ်မၤစၢၤအဂီၢ်ဘၣ်ဆၣ်ဒီးကစၢ်ယွၤဂ့ၢ် လိာ်လၢကဒိကနၣ်ယၤအဂီၢ်န့ၣ်လီၤ.

လံာ်လူၤကၣ် 22:44

လၢတၢ်သူၣ်ကိၢ်သးဂီၤဖးဒိၣ်အပူၤ, အဝဲဃ့ဘါထုကဖၣ်တၢ်လၢတၢ်ပာ်အသးသပှၢ်ပှၢ်အပူၤ, ဒိၣ်န့ၢ်အလီၢ်လီၤ. အဝဲဒၣ်အကပၢၤယွၤလီၤဒ်တၢ်သွံၣ်အလီၤစီၤ တဖၣ်အသိး, လၢဟီၣ်ခိၣ်လိၤလီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

လံာ်ပှၤစံၣ်ညီၣ်ကွီၢ် 10:16

မၤသးဒ်န့ၣ်ဒီး, အဝဲသ့ၣ်စူးကွံာ်ပှၤတခီဘီမုၢ်ဖိအကစၢ်တဖၣ်, ဒီးဘူၣ်ထီၣ်ဘါထီၣ်ယွၤဒီးယွၤအသးဘၣ်ကိၢ်ဘၣ်ဂီၤလၢ အံၣ်စရ့လးအတၢ်နးတၢ်ဖှီၣ်အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”