စံးထီၣ်ပတြၢၤ 101:8 - Sgaw Karen Common Bible

⁸ ယကမၤဟးဂီၤပှၤတတီတလိၤလၢ ပကီၢ်ပူၤတနံၤဘၣ်တနံၤ ဒီးဟီထီၣ်ကွံာ်ကယဲၢ်ပှၤမၤတၢ်အၢလၢ ယွၤအဝ့ၢ်ပူၤန့ၣ်လီၤ.

စံးထီၣ်ပတြၢၤ 101:8 Iomraidhean Croise

စံးထီၣ်ပတြၢၤ 46:4

ထံကျိလၢအအိၣ်ဒီးအထံဖးဒ့ဖိသ့ၣ်တဖၣ်န့ၣ် မၤသးခုကစၢ်ယွၤအဝ့ၢ်, တၢ်ထီကတၢၢ်တဂၤ အတၢ်အိၣ်တၢ်ဆိးအလီၢ်စီဆှံန့ၣ်လီၤ.

စံးထီၣ်ပတြၢၤ 48:2

စံယိၣ်, ကစၢ်ယွၤအကစၢၢ်အံၤထီဝဲဒီးဃံလၤဝဲန့ၣ်လီၤ. စီၤပၤဖးဒိၣ်အဝ့ၢ်ဟဲစိာ်န့ၢ်တၢ်သူၣ်ဖှံသးညီဆူ ဟီၣ်ခိၣ်ဒီဘ့ၣ်ညါန့ၣ်လီၤ.

စံးထီၣ်ပတြၢၤ 48:8

ပနၢ်ဟူတ့ၢ်တၢ်လၢကစၢ်ယွၤမၤဝဲ, ဒီးပထံၣ်တ့ၢ်တၢ်အံၤ လၢယွၤလၢအအိၣ်ဒီးတၢ်စိတၢ်ကမီၤ, ပကစၢ်ယွၤအဝ့ၢ်ပူၤန့ၣ်လီၤ. ယွၤကပၢၤဃာ်ဝ့ၢ်အံၤလၢတၢ်ပူၤဖျဲးထီဘိန့ၣ်လီၤ. စ့လၤ

စံးထီၣ်ပတြၢၤ 75:10

အဝဲကဘိးကၢ်ကွံာ်ပှၤတတီတလိၤအစိကမီၤလီၤ. မ့မ့ၢ်ပှၤတီပှၤလိၤအစိအကမီၤန့ၣ် ကမၤအါထီၣ်ဝဲဒၣ်န့ၣ် လီၤ.

စံးထီၣ်ပတြၢၤ 92:10

နဒုးဂံၢ်ဆူၣ်ဘါဆူၣ်ယၤထဲသိးတၤဖးရံၣ်တဒု နဆိၣ်ဂ့ၤယၤဒီးတၢ်သူၣ်ဖှံသးညီလီၤ.

တၢ်ကတိၤဒိ. 16:12

စီၤပၤတဖၣ်ကွၢ်တမီာ်တၢ်အၢတၢ်သီတကဲဘၣ်. အဂ့ၢ်ဒ်အံၤ, တၢ်လၢအမၤဂၢၢ်မၤကျၢၤတၢ်ပၢတၢ်ပြးတမံၤမ့ၢ်ဝဲ တၢ်စံၣ်ညီၣ်တီန့ၣ်လီၤ.

တၢ်ကတိၤဒိ. 20:26

စီၤပၤလၢအကူၣ်သ့တဂၤန့ၣ်ကဃုထံၣ်န့ၢ်မ့ၢ်မတၤတဂၤမၤကမၣ်တၢ် လဲၣ်ဒီးကစံၣ်ညီၣ်အီၤလၢတၢ်သးကညီၤတအိၣ်ဘၣ်အပူၤန့ၣ်လီၤ.

တၢ်ကတိၤဒိ. 20:8

စီၤပၤဆ့ၣ်နီၤဝဲလၢအစံၣ်ညီၣ်တၢ်အလီၢ်ပစိာ်ဒီးသ့ၣ်ညါတၢ်အၢ ဖဲအထံၣ်ဝဲန့ၣ်လီၤ.

လံာ်ယံးရမံယၤ 21:12

“ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်ဟိၤၡ့ 9:3

ကီၢ်အံၣ်စရ့လးအပှၤဂီၢ်မုၢ်တအိၣ်တ့ၢ်ဘၣ်လၢယွၤအကီၢ် ပူၤလၢၤဘၣ်. မ့မ့ၢ်ကဘၣ်က့ၤကဒါက့ၤဆူကီၢ်အဲၤကူပတူးဒီးကဘၣ်အီၣ်တၢ်အီၣ် လၢတၢ်တြီအဝဲသ့ၣ်တဖၣ်လၢကဘၣ်ဟးဆှဲးဝဲလၢကီၢ်အၤၡူၢ်အပူၤ န့ၣ်လီၤ.

လံာ်မံကၤ 3:9

ပှၤလၢအပၢဘၣ်ကီၢ်အံၣ်စရ့လးတဖၣ်, ပှၤလၢအသးဟ့တၢ်စံၣ်ညီၣ်တီဒီးဘိးကဒါကွံာ်တၢ် အဘၣ်ဆူတၢ်ကမၣ်သ့ၣ်ဧၢ, ဒိကနၣ်တက့ၢ်.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.