စံးထီၣ်ပတြၢၤ 101:3 - Sgaw Karen Common Bible

³ ဒီး တပျဲတၢ်အၢတၢ်သီမၤအသး နီတစုဘၣ်. ပှၤတဖၣ်လၢ အဃၣ်ကွံာ်အသးယံၤဒီး ကစၢ်ယွၤအတၢ်ဖံးတၢ်မၤန့ၣ် ယသးဟ့အီၤ, ဒီးယတမၤဘၣ်အၢယသးဒီး အဝဲသ့ၣ်ဘၣ်.

စံးထီၣ်ပတြၢၤ 101:3 Iomraidhean Croise

လံာ်စီၤယိၤဘး 31:1

ယမၤတ့ၢ်လံတၢ်အၢၣ်လီၤအီလီၤလၢယတကွၢ်မုၣ်လိၣ်ဘိ လၢတၢ်သးကတၢအပူၤနီတဘျီလၢၤဘၣ်.

စံးထီၣ်ပတြၢၤ 119:113

ပှၤလၢအသးခံဖျၢၣ်တဖၣ်န့ၣ်ယသးဟ့အီၤလီၤ. မ့မ့ၢ်နတၢ်သိၣ်တၢ်သီန့ၣ်ယအဲၣ်အီၤလီၤ.

စံးထီၣ်ပတြၢၤ 119:37

ဒုးဃၣ်ကွံာ်ယမဲာ်လၢတၢ်ကွၢ်တၢ်ကလီကလီ ဒီးဟ့ၣ်လၢ်ယၤတၢ်မူလၢ နကျဲဧိၤကပူၤဧိၤန့ၣ်တက့ၢ်.

စံးထီၣ်ပတြၢၤ 125:5

မ့မ့ၢ်ပှၤလၢ ပိာ်ကျဲအက့ၣ်အကူတဖၣ်န့ၣ် ယွၤကဟီထီၣ်ကွံာ်အီၤဃုာ်ဒီး ပှၤမၤတၢ်အၢန့ၣ်လီၤ. မ်တၢ်ဃူတၢ်ဖိးအိၣ်လၢအံၣ်စရ့လးအပူၤတက့ၢ်.

စံးထီၣ်ပတြၢၤ 139:22

ယသးဟ့အဝဲသ့ၣ်လၢာ်လၢာ်ဆ့ဆ့, ယပာ်အဝဲသ့ၣ်လၢယဒုၣ်ယဒါတဖၣ်န့ၣ်လီၤ.

စံးထီၣ်ပတြၢၤ 14:3

ဘၣ်ဆၣ်အဝဲသ့ၣ်လဲၤကမၣ်တ့ၢ်လံခဲလၢာ်လံ. အဝဲသ့ၣ်ခဲလၢာ်ဟးဂီၤဝဲဒ်သိးသိးလီၤ. ပှၤလၢအမၤတၢ်အဂ့ၤအဘၣ်တအိၣ်နီတဂၤဘၣ်. ထဲတဂၤဧိၤဒၣ်လဲာ်တအိၣ်ဘၣ်.

စံးထီၣ်ပတြၢၤ 36:3

အထးခိၣ်အတၢ်ကတိၤမ့ၢ် တၢ်အၢတၢ်သီဒီးတၢ်လီတၢ်ဝ့ၤန့ၣ်လီၤ. အဝဲသ့ၣ်ဆိကတီၢ်လၢကမၤတၢ်လၢတၢ်ကူၣ်သ့ ဒီးတၢ်မၤဂ့ၤတၢ်န့ၣ်လီၤ.

စံးထီၣ်ပတြၢၤ 39:1

ယစံး, “ယကပလီၢ်ပဒီယသးလၢတၢ်လၢယမၤ ဒီးယသုတမၤတၢ်ဒဲးဘးလၢ ယပျ့ၤအဃိန့ၣ်တဂ့ၤ. ယကကးတံာ်ယထးခိၣ် ဖဲပှၤတတီတလိၤတဖၣ်အိၣ်ဘူးဒီးယၤန့ၣ်လီၤ.”

စံးထီၣ်ပတြၢၤ 40:4

ပှၤလၢအပာ်ယွၤလၢအတၢ်သန့ၤအသး, ပှၤလၢအတဃၣ်အသးဆူတၢ်ဂီၤတၢ်ဖီၣ်, မ့တမ့ၢ်ပှၤလၢအတဒုးစဲဘူးအသးလၢ ကစၢ်လၢအတမ့ၢ်တတီသ့ၣ်တဖၣ်န့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

စံးထီၣ်ပတြၢၤ 78:41

အဝဲသ့ၣ်လ့ပစီကစၢ်ယွၤတဘျီဝံၤတဘျီဒီး မၤသးဒိၣ်ထီၣ်အံၣ်စရ့လးအကစၢ်ယွၤစီဆှံ တဂၤန့ၣ်လီၤ.

စံးထီၣ်ပတြၢၤ 78:57

မ့မ့ၢ်အဝဲသ့ၣ်ပူထီၣ်လီထီၣ်တၢ်ဒီး အသးတတီဘၣ်ဒ် အမိၢ်ပၢ်ဖံဖုလၢပျၢၤတဖၣ်အသိးဒီး တၢ်နာ်န့ၢ်အီၤတသ့ဘၣ်ဒ်သိးဒၣ်ပျၢ်လၢ အက့ၣ်အဘိန့ၣ်လီၤ.

စံးထီၣ်ပတြၢၤ 97:10

ယွၤအဲၣ်ပှၤလၢအသးဟ့တၢ်အၢ, အဝဲဒီဒၣ်အိၣ်ပှိၤအပှၤဂီၢ်မုၢ်အသးသမူ, ဒီးမၤပူၤဖျဲးအဝဲသ့ၣ်လၢ ပှၤအၢပှၤသီအတၢ်စိတၢ်ကမီၤအပူၤန့ၣ်လီၤ.

လံာ်တၢ်ဟးထီၣ်ကွံာ် 20:17

သးကွံပှၤဂၤတဂၤအဟံၣ်တဂ့ၤ. သးကွံအမါ, အကုၢ်တဖၣ်, အဂီၤဘုၣ်ဂီၤဖံး, အကသ့ၣ်ယီၤတဖၣ်, ဒီးတၢ်တမံၤလၢ်လၢ်လၢအဘၣ် ဃးဒီးအီၤန့ၣ်တဂ့ၤ.”

လံာ်တၢ်ဟးထီၣ်ကွံာ် 32:8

အဝဲသ့ၣ်ပာ်တ့ၢ်ကွံာ်လံကျဲလၢယမၤလိာ်တ့ၢ်အီၤဒ်သိးအကပိာ်ဝဲ အဂီၢ်န့ၣ်လီၤ. အဝဲသ့ၣ်မၤထီၣ်ဂီၤဖံးဖါဖိသိအသးလၢထူတဒုဒီး ဘူၣ်ထီၣ်ဘါထီၣ်အီၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဝဲသ့ၣ်စံးလၢတၢ်အံၤမ့ၢ်အကစၢ်လၢအထုးထီၣ်အီၤလၢကီၢ်အဲၤကူပတူးအပူၤန့ၣ်လီၤ.

တၢ်ကတိၤဒိ. 6:12

ပှၤတဂီာ်တသီၣ်, ပှၤအၢပှၤသီတဖၣ်လဲၤဝ့ၤဝီၤဒီးကတိၤ လီတၢ်လီၤ.

တၢ်ကတိၤဒိ. 6:13

အဝဲသ့ၣ်ဖျးအမဲာ်, ဒီးနဲၣ်စုနဲၣ်ခီၣ်လၢကလီန့ၢ်သုအဂီၢ် လီၤ.

တၢ်ကတိၤဒိ. 6:25

ပျဲအဝဲသ့ၣ်အတၢ်ဃံတၢ်လၤလ့ပစီန့ၢ်နၤတဂ့ၤ. ပျဲအမဲာ်ချံလၢအကလံာ်လွဲတၢ်အပျံၤသကွီၤန့ၣ်ဖီၣ်န့ၢ်နၤတ ဂ့ၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ပှၤစံၣ်တဲၤတဲလီၤတၢ် 6:9

တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤသးဒ်တၢ်လူၤဖီၣ်ကလံၤအသိးန့ၣ်လီၤ. တၢ်သးမံဒီးတၢ်လၢအအိၣ်ဒီးနၤန့ၣ်ဂ့ၤဒိၣ်န့ၢ်ဒံးထီဘိ နကသူၣ်လီသးကွံတၢ်အဂၤတက့ၢ်န့ၣ်လီၤ.

လံာ်ယၡါယၤ 30:11

ဟးထီၣ်ကွံာ်လၢပကျဲပူၤဒီးသုးကွံာ်တၢ်မၤတံာ်တာ်ပကျဲပက ပူၤတက့ၢ်. ပသးတအိၣ်နၢ်ဟူနအံၣ်စရ့လးကစၢ်ယွၤစီဆှံ တဂၤန့ၣ်အဂ့ၢ်ဘၣ်.”

လံာ်ယၡါယၤ 33:15

သုမ့ၢ်စံးဒီးမၤတၢ်လၢအဘၣ်န့ၣ်, သုထူၣ်ဖျဲးထီၣ်ကွံာ်သ့လီၤ. သူသုစိကမီၤလၢသုကလီန့ၢ်ပှၤဖှီၣ်ဖိယာ်ဖိဒီးတူၢ်လိာ်ခိၣ်ဖး လာ်ဆှိးတဂ့ၤ. မၤဃုာ်ဒီးပှၤလၢအကူၣ်ကျဲၤတၢ်မၤသံမၤဝီမ့ၢ်ဂ့ၤ, တၢ်အၢတၢ်သီအဂၤတဖၣ်မ့ၢ်ဂ့ၤန့ၣ်တဂ့ၤ.

လံာ်ယံးရမံယၤ 22:17

မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”

လံာ်မံကၤ 2:2

ဖဲအသးလီစံာ်ဧိၤပှဲၤဧိၤတဖၣ်န့ၣ်, ဂုာ်န့ၢ်ဆူၣ်ဝဲလီၤ. ဖဲအသးလီဟံၣ်ဧိၤဃီဧိၤတဖၣ်န့ၣ်ဟံးန့ၢ်ကွံာ်ဝဲလီၤ. တပျဲပူၤဘၣ်ပှၤအဟံၣ်အဃီဒီးအစုလီၢ်ခီၣ်ခိၣ်နီတဂၤဘၣ်.

လံာ်စကၤရယၤ 8:17

ကူၣ်ကျဲၤတၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ. ဟ့ၣ်တၢ်အုၣ်သးကဘျံးကဘျၣ်လၢတၢ်ဆိၣ်လီၤသုသးအပူၤတဂ့ၤ, ယသးဟ့တၢ်လီတၢ်ဝ့ၤ, တၢ်စံၣ်ညီၣ်တီ, ဒီးတၢ်စုဆူၣ်ခီၣ်တကးန့ၣ်လီၤ.”

လံာ်မးသဲ 5:28

ဘၣ်ဆၣ်ဒီးအခဲအံၤယစံးဘၣ်သုလၢပှၤတဂၤဂၤလၢ အကွၢ်ပိာ်မုၣ်အိၣ်ဒီးတၢ်သးကတၢန့ၣ်, အဲၣ်ဘၢတ့ၢ်လံတၢ်လၢအသးကံၢ်ပူၤလံ.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

ကလၤတံ 4:9

မ့မ့ၢ်ခဲကနံၣ်အံၤ မ့ၢ်လၢသုသ့ၣ်ညါကစၢ်ယွၤလံ, မ့တမ့ၢ်, ယကြၢးစံး, ကစၢ်ယွၤသ့ၣ်ညါသုလံန့ၣ်, ဘၣ်မနုၤအဃိသုသးအိၣ်ဃၣ်ကဒါက့ၤသုသးဆူသး တဖၣ်လၢအဂံၢ်စၢ်ဘါစၢ်ဒီးဖှီၣ်ဝဲယာ်ဝဲအအိၣ်ဒီးသး အိၣ်ကဲက့ၤကဒီးကုၢ်လၢအဖီလာ်န့ၣ်လဲၣ်.

လံာ်သိၣ်လီၤသီလီၤတၢ် 13:17

ဟံးဃာ်တၢ်လၢနဂီၢ်ဒၣ်နဲနီတမံၤလၢအဘၣ်တၢ်ဆိၣ်အၢအီၤဒ်သိး ကတုၤဆူတၢ်ဟးဂီၤန့ၣ်တဂ့ၤ. ဒီးအန့ၣ်တစုယွၤကဃၣ်ကွံာ်အသးလၢအတၢ်သးကဲၤထီၣ်ဒီးဒုးနဲၣ် သုလၢတၢ်သးကညီၤန့ၣ်လီၤ. အဝဲကသးကညီၤဘၣ်သုဒီးဒုးကဲထီၣ်သုလၢပှၤဂီၢ်မုၢ်လၢအအါဝဲ ဂီၢ်ဝဲတဖုဒ်အအၢၣ်လီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်,

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.

ဧ့ၤဘြံၤ 10:39

ပဝဲဒၣ်အံၤပတမ့ၢ်ပှၤလၢအဂုၤက့ၤအလီၢ်ခံဒီးဘၣ်တုၤဆူ တၢ်ဟးဂီၤအပူၤန့ၣ်ဘၣ်, မ့မ့ၢ်ပအိၣ်ဒီးတၢ်စူၢ်တၢ်နာ်ဒီးပဘၣ်တၢ်မၤပူၤဖျဲးကွံာ်ပှၤန့ၣ်လီၤ.

လံာ်စီၤယိၤၡူ 23:6

လၢတၢ်န့ၣ်အဃိဒီး, အိၣ်ဂၢၢ်ကျၢၤလၢသုကဟံးဃာ်ဒီး မၤကယဲၢ်တၢ်ကွဲးအသးလၢစီၤမိၤၡ့အလံာ်တၢ်သိၣ်တၢ်သီအပူၤ, ဒီးဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤသုသုတဃၣ်ကွံာ်သုသးတဂ့ၤ.

၂ ပ့းတရူး 2:21

လၢအဝဲသ့ၣ်အဂီၢ်န့ၣ်, မ့ၢ်တသ့ၣ်ညါဘၣ်တ့ၢ်လံတၢ်တီတၢ်လိၤအကျဲနီတဘျီဘၣ်ဒီး ကဂ့ၤဒိၣ်န့ၢ်ဒံးအသ့ၣ်ညါဝဲဝံၤအလီၢ်ခံဃၣ်ဒူချၢကွံာ် အသးလၢတၢ်မၤလိာ်စီဆှံလၢတၢ်ဟ့ၣ်လီၤအဝဲသ့ၣ်, တက့ၢ်န့ၣ်လီၤ.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:11

“ယသးအုးလၢယဒုးကဲထီၣ်ဘၣ်စီၤစီလူးလၢစီၤပၤတဂၤအဃိ န့ၣ်လီၤ. အဝဲဃၣ်ကွံာ်အသးလၢယအိၣ်ဒီးတစူၢ်ဘၣ်ယတၢ်မၤလိာ်တဖၣ်ဘၣ်.” စီၤၡမူၤအ့လးအသးဒိၣ်ဝဲဒီးသီတနၤကျၢၤန့ၣ်ဃ့ကညးတၢ်လၢ ယွၤန့ၣ်လီၤ.