စံးထီၣ်ပတြၢၤ 101:2 - Sgaw Karen Common Bible

² ယကပလီၢ်ယသးလၢညါ လၢတၢ်အိၣ်မူလၢ တၢ်ပာ်တၢ်ကမၣ် လၢအလိၤအလီၢ်တအိၣ်ဘၣ်အပူၤန့ၣ်လီး. နကဟဲဆူယအိၣ်အကတီၢ်ဖဲလဲၣ်. လၢယဟံၣ်ပူၤန့ၣ်, ယကအိၣ်မူလၢ တၢ်သးကဆှီအပူၤ,

စံးထီၣ်ပတြၢၤ 101:2 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:4

ဒီးဖဲစီၤၡလိၤမိၤအသးပှၢ်ထီၣ်န့ၣ်, အဝဲသ့ၣ်ဆှၢဃီၤအီၤဆူ တၢ်ဘူၣ်ထီၣ်ဘါထီၣ်ပှၤတခီဘီမုၢ်ဖိအကစၢ်တဖၣ်န့ၣ်လီၤ. အဝဲတတီဒီးယွၤ, အကစၢ်ယွၤဒ်အပၢ်စီၤဒၤဝံးအသိးဘၣ်.

လံာ်စီၤပၤအခီၣ်ထံးတဘ့ၣ် 9:4

ယကအံးလီၤကွၢ်လီၤအီၤ, ဒီးဒီဒၣ်အိၣ်ပှိၤအီၤကိးဆၢကိးကတီၢ် ဒဲးန့ၣ်လီၤ. ဒ်နပၢ်စီၤဒၤဝံးမၤတ့ၢ်ဝဲအသိး, နမ့ၢ်မၤယတၢ်မၤလၢတၢ်တီတၢ်လိၤဒီးတၢ်ကလုၢ်တီအပူၤ, ဒီးနမ့ၢ်စူၢ်ယတၢ်သိၣ်တၢ်သီတဖၣ်ဒီးမၤကယဲၢ်တၢ်လၢယမၤလိာ်တ့ၢ် နၤတဖၣ်န့ၣ်ဒီး,

လံာ်ကွဲးနီၣ်တၢ်ခံဘ့ၣ်တဘ့ၣ် 15:17

စီၤအၤစါမ့ၢ်တမၤဟးဂီၤကွံာ်ပှၤတစူၢ်တနာ်ကစၢ်ယွၤအတၢ်ဘူၣ် ထီၣ်ဘါထီၣ်အလီၢ်တဖၣ်လၢထံလီၢ်ကီၢ်ပူၤဒၣ်လဲာ်, အဝဲအိၣ်ဒံးဒီးတၢ်သးတီဒီးယွၤလၢအသးသမူဒီတကတီၢ်ညါအပူၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:12

ကစၢ်ယွၤမၤစ့ၢ်ကီးတၢ်လၢကီၢ်ယူဒၤအပူၤဒီးပာ်ဖှိၣ်က့ၤပှၤ ဂီၢ်မုၢ်ခီဖျိလၢအဝဲသ့ၣ်အတၢ်ပာ်လီၤအသးလၢကစူၢ်အဝဲအတၢ်ဘၣ် သူၣ်ဘၣ်လၢတၢ်မၤထွဲစီၤပၤဒီးအပဒိၣ်ပပှၢ်တဖၣ်အတၢ်မၤလိာ်တဖၣ် န့ၣ်လီၤ.

စံးထီၣ်ပတြၢၤ 101:6

ပှၤလၢအသူၣ်တီသးရၤဒီး ကစၢ်ယွၤန့ၣ်, ယကဘၣ်သူၣ်ဘၣ်သးအီၤဒီး ဒုးအိၣ်အီၤလၢ ယနူၢ်ပူၤစီၤပူၤလီၤ. ပှၤတဖၣ်လၢ အအိၣ်တၢ်သးတီအလၢအပှဲၤန့ၣ် ကမၤဘၣ်ယတၢ်လီၤ.

စံးထီၣ်ပတြၢၤ 119:106

ယမၤတၢ်ဆိၣ်တမံၤဒီး ပာ်ဂၢၢ်ပာ်ကျၢၤအီၤလၢယကပိာ်ထွဲနတၢ်သိၣ်တၢ် သီတဖၣ်လၢ အတီအလိၤန့ၣ်လီၤ.

စံးထီၣ်ပတြၢၤ 119:115

ပှၤမၤတၢ်အၢသ့ၣ်တဖၣ်ဧၢ, ဟးဖးဒီးယၤ, ဒ်သိးယကတိၢ်န့ၢ်ဟံးဃာ် ယကစၢ်အတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 26:11

ယဲဒၣ်ယၤအံၤ, ယမၤတၢ်လၢအမ့ၢ်အတီလီၤ. သူၣ်ကညီၤသးကညီၤလၢ်ယၤဒီး မၤပူၤဖျဲးယၤတက့ၢ်.

စံးထီၣ်ပတြၢၤ 40:17

ယွၤဧၢ, ယဂံၢ်ယဘါစၢ်ဒီးယဖှီၣ်ယဲလီၤ. ဘၣ်ဆၣ်နတသးပ့ၤနီၣ်တ့ၢ်ယၤဘၣ်. နမ့ၢ်ပှၤလၢအမၤပူၤဖျဲးယၤဒီးယကစၢ်ယွၤလီၤ. မၤယံာ်နသးလၢနကမၤစၢၤယၤအဂီၢ်န့ၣ်တဂ့ၤ.

လံာ်တၢ်ဟးထီၣ်ကွံာ် 20:24

မၤထီၣ်တၢ်လုၢ်လီၢ်တခါလၢဟီၣ်ခိၣ်လၢယဂီၢ်ဒီးလၢအဖီခိၣ်န့ၣ် လုၢ်ထီၣ်ပာ်ထီၣ်သုသိဒီးသုဂီၤဘုၣ်ဂီၤဖံးတဖၣ်ဒ်တၢ်လုၢ်မၤ ဃူမၤဖိးတဖၣ်လၢကဘၣ်တၢ်ဆူးကဲၤအီၤခဲလၢာ်န့ၣ်တက့ၢ်. လၢတၢ်လီၢ်ကိးပူၤဒဲးဖဲယပာ်လီၤဆီအီၤလၢသုဂီၢ်ဒ်သိးသု ကဘူၣ်ထီၣ်ဘါထီၣ်ယၤအလီၢ်န့ၣ်ယကဟဲဆူသုအိၣ်ဒီးဆိၣ်ဂ့ၤသုန့ၣ်လီၤ.

လံာ်ယၡါယၤ 38:3

“ယွၤဧၢ, သ့ၣ်နီၣ်ထီၣ်က့ၤလၢယမၤတ့ၢ်နတၢ်မၤလၢတၢ်ကလုၢ်တီ ဒီးတၢ်သူၣ်တီသးရၤအပူၤ, ဒီးထီဘိန့ၣ်ယကျဲးစၢးမၤတ့ၢ်တၢ်လၢနသးအိၣ်လၢယကမၤအီၤန့ၣ် တက့ၢ်.” ဝံၤဒီးအဝဲဟီၣ်နးနးကလဲာ်န့ၣ်လီၤ.

လံာ်သိၣ်လီၤသီလီၤတၢ် 6:7

သိၣ်လိသီလိသုဖိသုလံၤတဖၣ်န့ၣ်တက့ၢ်. ဖဲသုအိၣ်လၢဟံၣ် ဒီးဖဲသုအိၣ်လၢတၢ်လီၢ်အယံၤ, ဖဲသုအိၣ်ဘှံးဒီးဖဲသုမၤ တၢ်အခါန့ၣ်, ယၢၤထီၣ်ကဒါက့ၤအီၤတက့ၢ်.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 22:14

စီၤအဃံၤမ့လ့းစံးဆၢဝဲဒၣ်, “စီၤဒၤဝံးမ့ၢ်သုးခိၣ်သုး နၢ်တဂၤလၢအသူၣ်တီသးလိၤဒီးနၤလၢနဒိးန့ၢ်ဘၣ်အီၤန့ၣ်လီၤ. အဝဲမ့ၢ်နမာ်ဒၣ်နဲဒီးပှၤပၢၤနသးသမူတဖၣ်အခိၣ်, ဒီးဘၣ်တၢ်ပာ်ကဲအီၤဒိၣ်မးလၢပှၤကိးဂၤလၢအအိၣ်လၢစီၤပၤအနူၢ်ပူၤစီၤပူၤလီၤ.