စံးထီၣ်ပတြၢၤ 101:1 - Sgaw Karen Common Bible

¹ ယတၢ်သးဝံၣ်မ့ၢ်တၢ်သးတီဒီး တၢ်စံၣ်ညီၣ်တီအဂ့ၢ်, ဒီးယကသးဝံၣ်အီၤဆူနအိၣ်, ယွၤဧၢ

စံးထီၣ်ပတြၢၤ 101:1 Iomraidhean Croise

စံးထီၣ်ပတြၢၤ 145:7

အဝဲသ့ၣ်ကစံးကကတိၤဝဲလၢနတၢ်မၤဂ့ၤအါအါကလဲာ်အဂ့ၢ် ဒီးကသးဝံၣ်ထီၣ်တၢ်ဘၣ်ဃးဒီး နတၢ်သးကညီၤအဂ့ၢ်န့ၣ်လီၤ.

စံးထီၣ်ပတြၢၤ 51:14

ကစၢ်ယွၤဧၢ, မၤပူၤမၤဖျဲးယၤလၢတၢ်သံန့ၣ်တက့ၢ်. နမ့ၢ်ယတၢ်အုၣ်က့ၤခီၣ်က့ၤအကစၢ်, ဒီးယပျ့ၤကသးဝံၣ်ထီၣ်နၤဒိၣ်ဒိၣ် လၢနတၢ်မၤပူၤဖျဲးအဃိလီၤ.

စံးထီၣ်ပတြၢၤ 89:1

ယွၤဧၢ, ယကသးဝံၣ်ထီၣ်နတၢ်အဲၣ်ဂၢၢ်ကျၢၤ လီၤထူလီၤယိာ်, ယကဘိးဘၣ်သ့ၣ်ညါနတၢ်သူၣ်တီသးလိၤလၢ ကယဲၢ်စိၤခဲလၢာ်လၢယထးခိၣ်လီၤ.

စံးထီၣ်ပတြၢၤ 92:2

တၢ်တဲဖျါထီၣ်နတၢ်အဲၣ်ဂၢၢ်ကျၢၤကိးမုၢ်ဂီၤ, ဒီးနတၢ်သူၣ်တီသးလိၤကိးမုၢ်နၤ,

စံးထီၣ်ပတြၢၤ 97:8

စံယိၣ်အပှၤဂီၢ်မုၢ်သူၣ်ခုသးခုဒီး ကီၢ်ယူဒၤအဝ့ၢ်တဖၣ်သူၣ်ဖှံသးညီ, မ့ၢ်ဒၣ်လၢနတၢ်စံၣ်ညီၣ်တဖၣ်အဃိလီၤ, ယွၤဧၢ

လံာ်မံကၤ 6:8

တမ့ၢ်ဘၣ်. ယွၤစံးဘၣ်တ့ၢ်ပှၤတၢ်အဂ့ၤမ့ၢ်မနုၤလဲၣ်န့ၣ်လီၤ. တၢ်လၢယွၤအဲၣ်ဒိးလၢပအိၣ်န့ၣ်မ့ၢ်အအံၤလီၤ. လၢပကမၤတၢ်လၢအတီအလိၤ, လၢပကပာ်ဖျါတၢ်အဲၣ်တပယူာ်ဃီ, ဒီးလၢပကအိၣ်မူရ့လိာ်ပသးဒီး ကစၢ်ယွၤအိၣ်ဒီးတၢ်ဆီၣ်လီၤသးန့ၣ်လီၤ.

ရိမ့ၤ 11:22

ဖဲအံၤပထံၣ်ဘၣ်ကစၢ်ယွၤသးကညီၤတၢ်ထဲလဲၣ်ဒီးစံၣ်ညီၣ် တၢ်ဆါဆါထဲလဲၣ်န့ၣ်လီၤ. အဝဲဒၣ်စံၣ်ညီၣ်ပှၤလၢအမၤတၢ် ဒဲးဘးတဖၣ်ဆါဆါ, ဘၣ်ဆၣ်ဒီးနမ့ၢ်အိၣ်လၢအတၢ်သးကညီၤ အပူၤဒီး, ကသးကညီၤနၤလီၤ. နမ့ၢ်တအိၣ်လၢအတၢ်သးကညီၤအပူၤဒီးနကဘၣ်တၢ်မၤကၢ်ကွံာ် နၤစ့ၢ်ကီးလီၤ.