စံးထီၣ်ပတြၢၤ 10:1 - Sgaw Karen Common Bible

¹ ယွၤဧၢ, နအိၣ်လၢအယံၤမ့ၢ်အဘၣ်မနုၤလဲၣ်. ဘၣ်မနုၤလၢနပာ်တဒၢနသးဖဲလၢပအိၣ်လၢတၢ်ကိၢ်တၢ်ဂီၤအကတီၢ် န့ၣ်လဲၣ်.

စံးထီၣ်ပတြၢၤ 10:1 Iomraidhean Croise

လံာ်စီၤယိၤဘး 13:24

ဘၣ်မနုၤလၢနပာ်ခူသူၣ်နမဲာ်ဒီးပာ်ယၤဒ်နဒုၣ်နဒါတဂၤအသိးန့ၣ် လဲၣ်.

လံာ်စီၤယိၤဘး 23:9

ကစၢ်ယွၤမၤတ့ၢ်လံတၢ်လၢကလံၤထံးဒီးကလံၤစိးန့ၣ်လီၤ. ဘၣ်ဆၣ်ယတထံၣ်န့ၢ်ဒံးဘၣ်အီၤဘၣ်.

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

စံးထီၣ်ပတြၢၤ 22:1

ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤလၢနလဲၤသဒၣ်တ့ၢ်ယၤလဲၣ်. ဘၣ်မနုၤလၢနအိၣ်ယံၤလၢတၢ်မၤစၢၤယၤအဂီၢ်, နယံၤဒီးယတၢ်ကအုကစွါအတၢ်ကတိၤ တဖၣ်န့ၣ်လဲၣ်.

စံးထီၣ်ပတြၢၤ 27:9

ပာ်တဒၢနမဲာ်လၢယၤတဂ့ၤ. ဟီထီၣ်ကွံာ်နခ့နပှၤလၢ တၢ်သးထီၣ်အပူၤတဂ့ၤ. နမ့ၢ်တ့ၢ်ယတၢ်မၤစၢၤ, လဲၤသဒၣ်ယၤတဂ့ၤ. ညိကွံာ်ယၤတဂ့ၤ, ပှၤအုၣ်က့ၤခီၣ်က့ၤယၤ, ကစၢ်ယွၤဧၢ.

စံးထီၣ်ပတြၢၤ 30:7

ယွၤဧၢ, နဘျုးနဖှိၣ်ဒုးအိၣ်ဂၢၢ်ဆိးကျၢၤယၤ ဒ်ကစၢၢ်လၢအတဟူးတဝးဘၣ်အသိးန့ၣ်လီၤ. ဘၣ်ဆၣ်ဖဲနပာ်သဒၢနမဲာ်လၢယၤ ဒီးတၢ်သူၣ်ပျံၤသးဖုးလီၤဘၣ်ယၤလီၤ.

စံးထီၣ်ပတြၢၤ 44:24

ဘၣ်မနုၤလၢနပာ်သဒၢနသးလၢပှၤန့ၣ်လဲၣ်. တဘၣ်သးပ့ၤနီၣ်ပတၢ်နးတၢ်ဖှီၣ်ဒီး ပတၢ်ကိၢ်တၢ်ဂီၤန့ၣ်တဂ့ၤ.

စံးထီၣ်ပတြၢၤ 44:25

ပလီၤဃံၤအီထီလာ်ဆူဟီၣ်ခိၣ်လိၤ, ပမံနီၤလၢတၢ်မၤနၢၤတ့ၢ်ပှၤအပူၤ လၢဖၣ်ဆါအကျါန့ၣ်လီၤ

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

စံးထီၣ်ပတြၢၤ 88:14

ယွၤဧၢ, ဘၣ်မနုၤလၢနညိကွံာ်ယၤန့ၣ်လဲၣ်. ဘၣ်မနုၤလၢနပာ်တဒၢနမဲာ်လၢယၤန့ၣ်လဲၣ်.

လံာ်ယံးရမံယၤ 14:8

နမ့ၢ်ကီၢ်အံၣ်စရ့လးအတၢ်မုၢ်လၢ်ထဲတမံၤဧိၤလီၤ. နမ့ၢ်ပှၤထဲတဂၤဧိၤလၢအအုၣ်က့ၤခီၣ်က့ၤပှၤလၢ တၢ်တတၢးတနါန့ၣ်လီၤ. ဘၣ်မနုၤအဃိနလီၤဂာ်ဒ်ပှၤစီစၣ်တဂၤအသိးလၢပထံပကီၢ်အပူၤ, နလီၤဂာ်ဒ်ပှၤလဲၤတၢ်ဖိတဂၤအသိးလၢအအိၣ်ဝဲဆိးဝဲထဲတနၤဧိၤန့ၣ်လဲၣ်.

လံာ်ယံးရမံယၤ 14:9

ဘၣ်မနုၤအဃိနလီၤဂာ်ဒ်ပှၤတဂၤလၢအကမၢကမၣ်ဒီးသးလီၤကတုၤအသိး, နလီၤဂာ်ဒ်ပှၤသုးဖိတဂၤလၢတအိၣ်ဒီးအစိကမီၤလၢ ကမၤစၢၤတၢ်အသိးန့ၣ်လဲၣ်. ယွၤဧၢ, နအိၣ်ဒီးပှၤသပှၢ်ကတၢၢ်လီၤ. ပမ့ၢ်နပှၤဂီၢ်မုၢ်လီၤ. ပာ်လီၤတဲာ်ကွံာ်ပှၤတဂ့ၤ.”