စံးထီၣ်ပတြၢၤ 1:4 - Sgaw Karen Common Bible

⁴ ပှၤတတီတလိၤတဖၣ်န့ၣ်တဒ်န့ၣ်အသိးဘၣ်. အဝဲသ့ၣ်လီၤဂာ်ဒ်ဖ့လၢကလံၤအူဒံကွံာ်ဝဲ အသိးန့ၣ်လီၤ.

စံးထီၣ်ပတြၢၤ 1:4 Iomraidhean Croise

လံာ်စီၤယိၤဘး 21:18

ဒီးအူဖျိးကွံာ်အဝဲသ့ၣ်လီၤဂာ်ဒ်လီၢ်ဧိၤဒံးဧိၤလၢကလံၤအ ကျါမ့ၢ်ဂ့ၤ, ဒ်ဖ့လၢကလံၤမုၢ်စိာ်ကွံာ်အီၤအသိးမ့ၢ်ဂ့ၤတဘျီဘျီ ဧါ.

လံာ်စီၤယိၤဘး 8:13

ပှၤလၢအတပျံၤကစၢ်ယွၤတဖၣ်န့ၣ်လီၤဂာ်ဒ်တပိၢ်တဖၣ်န့ၣ် အသိးလီၤ. တုၤအသးပ့ၤနီၣ်ကစၢ်ယွၤတဘျီဃီန့ၣ်အတၢ်မုၢ် လၢ်လၢာ်ကွံာ်ဝဲလီၤ.

စံးထီၣ်ပတြၢၤ 35:5

မ်အဝဲသ့ၣ်လီၤဂာ်ဒီးဖ့လၢကလံၤအူဒံကွံာ်အီၤ, ဒ်ယွၤအကလူးလူၤနီၣ်ကွံာ်အီၤအသိးန့ၣ်တက့ၢ်.

စံးထီၣ်ပတြၢၤ 37:36

ဘၣ်ဆၣ်ဖဲယလဲၤခီဂာ်ကဒီးတဘျီန့ၣ်, အဝဲတအိၣ်ဖဲန့ၣ်လၢၤဘၣ်. ယဃုအီၤဒၣ်လဲာ်, ယတထံၣ်န့ၢ်အီၤလၢၤဘၣ်.

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယၡါယၤ 29:5

ဝ့ၢ်ယရူၤၡလ့ၣ်ဧၢ, ကယဲၢ်ပှၤတခီဘီမုၢ်ဖိခဲလၢာ်လၢအဟဲထီၣ် ဒုးနၤန့ၣ်ကဘၣ်တၢ်အူဒံဖျိးကွံာ်အီၤဒ်ဖၣ်ကမူၣ်ဖၣ်ဆါအသိးဒီး အဝဲသ့ၣ်အသုးမုၢ်သံၣ်ဘိလၢအပျံၤတၢ်ဖုးတၢ်တဖၣ်ဒံကွံာ်ဖျိး ကွံာ်ဝဲဒ်ဘုလီၢ်အသိးန့ၣ်လီၤ. သတူၢ်ကလာ်ဒီးလၢတၢ်တမုၢ်လၢ် အပူၤန့ၣ်, ယွၤသ့တၢ်လၢာ်ကမၤပူၤဖျဲးသုခီဖျိလီသီၣ်လီသဲဒီး ဟီၣ်ခိၣ်ဟူးဝးတဖၣ်န့ၣ်လီၤ.

လံာ်ယံးရမံယၤ 13:24

ယွၤကမၤလီၤပြံလီၤပြါကွံာ်နၤဒ်ဘုလီၢ်လၢအ ဘၣ်တၢ်အူဒံအူဖျိးကွံာ်အီၤလၢမဲးမုၢ်ခိၣ်အကလံၤအသိးန့ၣ် လီၤ.

လံာ်ဟိၤၡ့ 13:3

လၢတၢ်န့ၣ်အဃိ, ပှၤဂီၢ်မုၢ်တဖၣ်အံၤကဟါမၢ်ကွံာ်ဝဲဒ်မုၢ်ဂီၤ အဘှ့ၣ်အသိးဒ်ပစီၤထံလၢအလီၤမၢ်လၢမုၢ်တနံၤဂီၤဂီၤအသိးန့ၣ်လီၤ. အဝဲသ့ၣ်ကလီၤဂာ်ဒ်ဖ့လၢကလံၤအူဒံကွံာ်အီၤလၢကြဲၢ်ပူၤ အသိးဒီးမ့ၣ်အူလုၣ်လၢမ့ၣ်အူပျိာ်တခါအပူၤအသိးန့ၣ်လီၤ.

လံာ်မးသဲ 3:12

ကီၢ်လဲၢ်အိၣ်လၢအစုပူၤလၢအကပညၢကွံာ်ဖ့တဖၣ်ဒီး အဝဲကမၤပျီအကြဲၢ်ဒီးဂၢ်ဖှိၣ်က့ၤအဘုလၢဖီပူၤလီၤ. မ့မ့ၢ်ဖ့တဖၣ်န့ၣ်ကဆူးထီၣ်ကွံာ်ဝဲလၢမ့ၣ်အူလၢ အတလီၤပံာ်နီတဘျီဘၣ်န့ၣ်လီၤ.”