စံးထီၣ်ပတြၢၤ 1:3 - Sgaw Karen Common Bible

³ ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 1:3 Iomraidhean Croise

လံာ်တၢ်ကဲထီၣ်အခီၣ်ထံး 39:23

တၢ်လၢစီၤယိၤသးအိၣ်မူအိၣ်ဒါဝဲတမံၤလၢ်လၢ်အဂီၢ်န့ၣ်, ဃိာ်ဒိၣ်ကွၢ်ထွဲအလီၢ်တအိၣ်လၢၤဘၣ်, မ့ၢ်လၢယွၤအိၣ်ဒီးစီၤယိၤ သးဒီးဒုးကဲထီၣ်လိၣ်ထီၣ်တၢ်လၢအမၤဝဲကိးမံၤဒဲးအဃိလီၤ.

လံာ်တၢ်ကဲထီၣ်အခီၣ်ထံး 39:3

ဒီးအကစၢ်ထံၣ်ဝဲလၢယွၤအိၣ်ဒီးစီၤယိၤသးဒီးဒုးကဲထီၣ်လိၣ် ထီၣ်တၢ်လၢအမၤဝဲတမံၤလၢ်လၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:7

လၢတၢ်န့ၣ်အဃိယွၤအိၣ်ဒီးအီၤ, ဒီးကယဲၢ်တၢ်လၢအဝဲ မၤတ့ၢ်ဝဲခဲလၢာ်န့ၣ်ကဲထီၣ်လိၣ်ထီၣ်ဝဲဒၣ်န့ၣ်လီၤ. အဝဲပူထီၣ်တၢ်ထီဒါကီၢ်အၤၡူၢ်အစီၤပၤဖးဒိၣ်ဒီးဂ့ၢ်လိာ်လၢ ကဟ့ၣ်လီၤအသးလၢအဝဲအစုပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:11

စီၤဒၤဝံးစံးထွဲကဒီးဝဲ, “ခဲကနံၣ်အံၤယဖိခွါဧၢ, မ်ယွၤ, နကစၢ်ယွၤအိၣ်ဒီးနၤ, ဒီးမ်အဝဲတီဒီးအတၢ်အၢၣ်လီၤ လၢကဟ့ၣ်နၤတၢ်မၤနၢၤလၢတၢ်သူၣ်ထီၣ်တၢ်လုၢ်ဟံၣ်တဖျၢၣ်လၢအဂီၢ် န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 22:13

နမ့ၢ်စူၢ်ကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်လၢယွၤဟ့ၣ်လီၤ စီၤမိၤၡ့လၢကီၢ်အံၣ်စရ့လးအဂီၢ်ဒီးနကအိၣ်ဒီးတၢ်မၤနၢၤ န့ၣ်လီၤ. ပာ်လီၤနသးကျၢၤမုဆှုအိၣ်ဒီးတၢ်နာ်န့ၢ်လီၤနသးတက့ၢ်. ဒီးမ်နသုတပျဲတၢ်မၤပျံၤမၤဖုးနၤနီတမံၤတဂ့ၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:21

အဝဲမၤတၢ်ကဲထီၣ်လိၣ်ထီၣ်ဝဲ, မ့ၢ်လၢကယဲၢ်တၢ်ကိးမံၤဒဲးလၢ အမၤတ့ၢ်ဝဲလၢယွၤအတၢ်လုၢ်ဟံၣ်အဂီၢ်မ့ၢ်ဂ့ၤ, လၢတၢ်လူၤပိာ်ထွဲယူဒၤအတၢ်သိၣ်တၢ်သီမ့ၢ်ဂ့ၤန့ၣ်, အဝဲမၤတ့ၢ်ဝဲအိၣ်ဒီးသးလၢအတီဝဲလၢလၢပှဲၤပှဲၤဒီးတၢ်ဟ့ၣ် လီၤအးလီၤသးဆူအကစၢ်ယွၤအစုပူၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:23

ပှၤဂီၢ်မုၢ်အါမးဟဲဆူဝ့ၢ်ယရူၤရှလ့ၣ်, ဟဲစိာ်ဃုာ်ဒီးတၢ်လုၢ် တဖၣ်ဆူယွၤဒီးတၢ်ဟ့ၣ်တဖၣ်ဆူစီၤဃံးစကံယၤအအိၣ်တုၤဒၣ်လဲာ်, စးထီၣ်ဖဲန့ၣ်, ပှၤကလုာ်ခဲလၢာ်ပာ်လၤပာ်ကပီၤစီၤဃံးစကံယၤ န့ၣ်လီၤ.

လံာ်စီၤယိၤဘး 14:9

လၢအန့ၢ်ဘၣ်ထံအဃိဒိးပဒုၣ်ထီၣ်က့ၤဒ်သ့ၣ်ဖိအထံးအသိးန့ၣ် လီၤ.

လံာ်စီၤယိၤဘး 22:28

နမၤတၢ်ခဲလၢာ်န့ၣ်ကကဲထီၣ်လိၣ်ထီၣ်ဝဲဒီးတၢ်ကပီၤကကပီၤ လီၤဘၣ်နကျဲန့ၣ်လီၤ.

စံးထီၣ်ပတြၢၤ 128:2

နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

စံးထီၣ်ပတြၢၤ 129:8

ပှၤလၢအလဲၤခီဂာ်တၢ်လၢကျဲတဖၣ်တစံးဝဲနီတဂၤလၢ, “မ်ယွၤကဆိၣ်ဂ့ၤသုတက့ၢ်, ပဆိၣ်ဂ့ၤသုလၢယွၤအမံၤလီၤ.” န့ၣ်ဘၣ်.

စံးထီၣ်ပတြၢၤ 92:14

လၢအသၣ်ထီၣ်တုၤလီၤလၢ အသးပှၢ်အကတီၢ်ဒၣ်လဲာ်, ဒီးလါဟ့ဒီးသံကစဲာ်ဝဲထီဘိန့ၣ်လီၤ.

စံးထီၣ်ပတြၢၤ 92:15

တၢ်အံၤဒုးနဲၣ်ဝဲလၢယွၤန့ၣ်တီဝဲလိၤဝဲ, ဒီးယပှၤကဟုကယာ်ယၤန့ၣ် အတၢ်ကမၣ်တအိၣ်ဘၣ်န့ၣ်လီၤ.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယၡါယၤ 3:10

ပှၤအတီအလိၤတဖၣ်ကသူၣ်ဖှံသးညီဒီးတၢ်ခဲလၢာ်ကလဲၤအသး ဂ့ၤဂ့ၤဘၣ်ဘၣ်လၢအဝဲသ့ၣ်အဂီၢ်လီၤ. အဝဲသ့ၣ်ကမုာ်လၤသးခု ဘၣ်ဝဲလၢတၢ်လၢအမၤတ့ၢ်ဝဲအဃိန့ၣ်လီၤ.

လံာ်ယၡါယၤ 44:4

အဝဲသ့ၣ်ကဂုၤထီၣ်ပသီထီၣ်ဒ်နီၣ်ဧိၤမံၤဧိၤလၢအဘၣ်စီၣ်လၢထံ ဂ့ၤဂ့ၤအသိးဒီးပံၢ်သလီတဖၣ်လၢထံကျိမူဖိတဖၣ်အနံၤအသိး န့ၣ်လီၤ.

လံာ်ယၡါယၤ 58:11

ဒီးယကပၢဆှၢသုထီဘိဒီးမၤသးမံသးမုာ်သုလၢတၢ်အဂ့ၤ တဖၣ်လီၤ. ယကဟ့ၣ်သုတၢ်ဂံၢ်တၢ်ဘါဒီးတၢ်အိၣ်ဆူၣ်အိၣ် ချ့လီၤ. သုကလီၤဂာ်ဒ်တၤသၣ်လီၢ်လၢအဘၣ်စီၣ်ဘၣ်သ့တလီၢ်, ထံမူထီၣ်ပၢၢ်တပူၤလၢတလီၤသံးနီတစုဘၣ်အသိးန့ၣ်လီၤ.

လံာ်ယံးရမံယၤ 17:8

အဝဲဒၣ်လီၤဂာ်ဒ်သ့ၣ်တထူၣ်လၢအမဲထီၣ်လၢထံကျိဖိအကပၤအသိး လၢအစဲၤလီၤအဂံၢ်တဖၣ်ဆူထံကျါန့ၣ်လီၤ. ဖဲတၢ်ကိၢ်အကတီၢ်ဟဲဝဲန့ၣ်အဝဲတပျံၤတၢ်ဘၣ်. အဂ့ၢ်ဒ်အံၤ, အလၣ်တဖၣ်အိၣ်လါဟ့ဝဲထီဘိန့ၣ်လီၤ. တၢ်မ့ၢ်တဟဲစူၤဘၣ်ဆၣ်ဒီးအတၢ်ကိၢ်တၢ်ဂီၤတအိၣ်ဘၣ်, ဒီးသၣ်ထီၣ်ဒၣ်ဆူညါကွ့ၢ်ကွ့ၢ်န့ၣ်လီၤ.

လံာ်ယဃ့းစက့လး 17:8

ဘၣ်ဆၣ်ဒီး, စပံးမုၢ်န့ၣ်ဘၣ်တၢ်သူၣ်လီၤတ့ၢ်လံအီၤလၢဟီၣ်ခိၣ် ညၣ်ထ့ၣ်ဂ့ၤအပျီတဘ့ၣ်လၢထံန့ၣ်ဂ့ၤဝဲဒ်သိး, အလၣ်တဖၣ်ကဂ့ၤဝဲ ဒီးကသၣ်ထီၣ်စပံးသၣ်တဖၣ်ဒီးကဲထီၣ်စပံးမုၢ်လၢအလီၤဘီလီၤ မုၢ်တမုၢ်အဂီၢ်န့ၣ်လီၤ.

လံာ်ယဃ့းစက့လး 19:10

သုမိၢ်လီၤဂာ်ဒီးစပံးမုၢ်တမုၢ်လၢတၢ်သူၣ်လီၤအီၤဘူးဒီးထံ ကျိဖိတဘိန့ၣ်လီၤ. မ့ၢ်လၢဖဲန့ၣ်ထံအိၣ်ဝဲဒၣ်အါမးအဃိစပံးမုၢ် န့ၣ်ပှဲၤဝဲဒီးအလၣ်တဖၣ်ဒီးအသၣ်န့ၣ်လီၤ.

လံာ်ယဃ့းစက့လး 31:5

မ့ၢ်လၢအဝဲမၤန့ၢ်ဘၣ်ထံလၢလၢပှဲၤပှဲၤအဃိအဝဲထီထီၣ်န့ၢ်ဒံး သ့ၣ်အဂၤတဖၣ်တက့ၢ်န့ၣ်လီၤ. အဝဲအဒ့တဖၣ်ဒိၣ်ဝဲဒီးထီဝဲဒၣ် န့ၣ်လီၤ.

လံာ်ယဃ့းစက့လး 47:12

လၢထံကျိဖိအကၢၢ်နံၤတခီစုာ်စုာ်န့ၣ်ကယဲၢ်သ့ၣ်တဖၣ်အကလုာ် ကလုာ်ကမဲထီၣ်ဝဲလၢကဟ့ၣ်ထီၣ်တၢ်အီၣ်အဂီၢ်န့ၣ်လီၤ. အဝဲသ့ၣ် အလၣ်တဖၣ်တလီၤညွံးနီတဘျီဘၣ်ဒီးအဝဲသ့ၣ်တဆိကတီၢ် သၣ်ထီၣ်နီတဘျီဘၣ်. ကိးလါဒဲးန့ၣ်အဝဲသ့ၣ်ကအိၣ်ဒီး သ့ၣ်သၣ်အသီကဘှဲဒဲမ့ၢ်လၢအဝဲသ့ၣ်မၤန့ၢ်ထံလၢထံကျိဖိလၢ အဟဲယွၤလီၤလၢယွၤအတၢ်လုၢ်ဟံၣ်အဃိန့ၣ်လီၤ. သ့ၣ်တဖၣ်ကဟ့ၣ်ထီၣ်တၢ်အီၣ်ဒီးအလၣ်တဖၣ် တၢ်ကသူအီၤလၢတၢ်မၤဘျါပှၤဂီၢ်မုၢ်အဂီၢ်န့ၣ်လီၤ.”

လံာ်တၢ်ဂံၢ် 24:6

လီၤဂာ်မးဒ်သ့ၣ်စူၣ်ပလိၣ်အကျိၤဖးထီတဖၣ်မ့ၢ်ဂ့ၤ, တၤသၣ်လီၢ်တဖၣ်လၢထံကျိတဘိအဃၢၤမ့ၢ်ဂ့ၤ, လီၤဂာ်မးဒ်သ့ၣ်အကၠီၣ်လၢယွၤသူၣ်လီၤတ့ၢ်ဝဲအသိးမ့ၢ်ဂ့ၤ, ဒ်သ့ၣ်ဆှိးအ့ရ့းတဖၣ်လၢထံနံၤအသိးမ့ၢ်ဂ့ၤန့ၣ်လီၤ.

လံာ်မးသဲ 13:6

ဘၣ်ဆၣ်တုၤမုၢ်ဟဲထီၣ်ဒီးဆဲးလီၤဘၣ်လၢတၢ်အမုၢ်အဘိတဖၣ် အလိၤန့ၣ်, မ့ၢ်လၢအဂံၢ်တယိာ်ဘၣ်အဃိဒီးဃ့ထီကွံာ်ဝဲလီၤ.

လံာ်မးသဲ 21:19

အဝဲထံၣ်ချၢၣ်ဒၢတထူၣ်လၢကျဲကပၤဒီးလဲၤဝဲဆူအခီၣ်ထံး, ဘၣ်ဆၣ်တထံၣ်န့ၢ်အသၣ်နီတဖျၢၣ်ဘၣ်, ထံၣ်ဝဲထဲအလၣ်ဧိၤလီၤ. ဒီးအဝဲစံးဘၣ်သ့ၣ်န့ၣ်, “မ်နသုတသၣ်ထီၣ်နီတဘျီလၢၤတဂ့ၤ.” တဘျီဃီချၢၣ်ဒၢတထူၣ်န့ၣ်ဃ့ထီကွံာ်ဝဲလီၤ.

လံာ်မးသဲ 21:34

တုၤတၢ်ဒ့စပံးသၣ်အဆၢကတီၢ်ဘူးထီၣ်ဒီး, အဝဲဆှၢလီၤအခ့အပှၤတဖၣ်ဆူ ပှၤလၢအဒိးလဲစပံးလီၢ်တဖၣ်အအိၣ်, ဒ်သိးအကန့ၢ်ဘၣ်က့ၤတၢ်လၢအဂ့ၤန့ၢ်ဘၣ်ဝဲအဂီၢ်န့ၣ်လီၤ.

လံာ်မးသဲ 21:41

အဝဲသ့ၣ်စံးဆၢအီၤ, “ကမၤသံပှၤအၢပှၤသီတဖၣ်န့ၣ်သပှၢ်ကတၢၢ်လီၤ. ဒီးကဒိးလဲလီၤဝဲစပံးလီၢ်ဆူပှၤဒိးလဲစပံးလီၢ်အဂၤ, လၢအကဟ့ၣ်အီၤတၢ်လၢအဂ့ၤဒိးန့ၢ်ဝဲဘၣ်ဆၢဘၣ်ကတီၢ် တဖၣ်န့ၣ်လီၤ.”

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

လံာ်သိၣ်လီၤသီလီၤတၢ် 28:8

ယွၤ, သုကစၢ်ယွၤကဆိၣ်ဂ့ၤသုတၢ်မၤဒီးမၤပှဲၤသုသိၣ်ဧိၤဖီ ဧိၤဒီးသုဘုသၣ်ဘုချံဒီးအဝဲကဆိၣ်ဂ့ၤသုလၢကီၢ်လၢအဝဲ ဟ့ၣ်လီၤသုအပူၤန့ၣ်လီၤ.

ယူဒၤ 1:12

အဝဲသ့ၣ်အတၢ်မဲာ်ဆှးတအိၣ်ဘၣ်ဒီး, အတၢ်ဟဲထဲလၢတၢ်အီၣ်ဘၣ်အီဘၣ်အဂီၢ်န့ၣ်, ကဲထီၣ်တၢ်မဲၣ်သူမဲၣ်ဂီၤလၢသုတၢ်အဲၣ်တၢ်ကွံအဘူၣ် အဂီၢ်လီၤ. အဝဲသ့ၣ်ကွၢ်တၢ်ထဲလၢအဂီၢ်ဒၣ်ဝဲလီၤ. အဝဲသ့ၣ်လီၤဂာ်တၢ်အၢၣ်တဖၣ်လၢအဘၣ်တၢ်အူဒံကွံာ် အီၤလၢကလံၤ, ဒီးလၢအတဟဲဒုးစူၤတၢ်ဘၣ်န့ၣ်လီၤ. အဝဲသ့ၣ်လီၤဂာ်ဒီးသ့ၣ်တဖၣ်လၢအတသၣ်ထီၣ်ဘၣ်လၢ အကတီၢ်ဒၣ်ဝဲဘၣ်, ဒီးလၢအဘၣ်တၢ်ထဲးထီၣ်ကွံာ်အီၤလၢအဂံၢ်ဒီးသံကွံာ်ဝဲ လၢာ်လၢာ်ဆ့ဆ့န့ၣ်လီၤ.

လံာ်လီၣ်ဖျါ 22:2

ဒီးယွၤလီၤလၢဝ့ၢ်အကျဲမုၢ်ခိၣ်အခၢၣ်သးလီၤ. ဖဲထံကျိကၢၢ်ခိၣ် တခီတကပၤန့ၣ်, သ့ၣ်မူအိၣ်ဝဲတထူၣ်စုာ်စုာ်, လၢအသၣ်ထီၣ်တၤသၣ်တနံၣ်တဆံခံဘျီ, တလါတဘျီ, ဒီးအလၣ်သ့ၣ်တဖၣ်န့ၣ်မ့ၢ်ဝဲလၢတၢ်ကမၤ ဘျါက့ၤထံဧိၤကီၢ်ဧိၤတဖၣ်အဂီၢ်လီၤ.