တၢ်ကတိၤဒိ. 8:34 - Sgaw Karen Common Bible

³⁴ ပှၤလၢအဒိကနၣ်ယၤ, ပှၤလၢအအိၣ်လၢယတြဲၤကိးနံၤဒဲး ဒီးခိးတၢ်လၢယဟံၣ်အကျဲစၢၤန့ၣ်ဘၣ်ဆိၣ်ဂ့ၤဝဲလီၤ.

တၢ်ကတိၤဒိ. 8:34 Iomraidhean Croise

လံာ်စီၤပၤအခီၣ်ထံးတဘ့ၣ် 10:8

နမါတဖၣ်အတၢ်ဘူၣ်တၢ်တီၢ်ဂ့ၤနးလဲၣ်. ဒီးနခ့နပှၤတဖၣ်လၢအအိၣ်လၢနမဲာ်ညါထီဘိဒီးအိၣ်ဒီးတၢ်ခွဲး တၢ်ယာ်လၢကနၢ်ဟူဘၣ်နတၢ်ကူၣ်သ့အတၢ်ကတိၤတဖၣ်န့ၣ်, အတၢ်ဘူၣ်တၢ်တီၢ်ဂ့ၤနးလဲၣ်.

စံးထီၣ်ပတြၢၤ 27:4

ယဃ့တ့ၢ်ယွၤလၢတၢ်တမံၤအဂီၢ်, ယဆၢန့ၢ်ဘၣ်ထဲတၢ်တမံၤဧိၤ, ဒ်သိးယကအိၣ်ကဆိးဘၣ်လၢယွၤအဟံၣ်ပူၤတစိၤဒၣ်ယၤ, လၢယကထံၣ်ဘၣ်ယွၤအတၢ်ဂ့ၤတၢ်ဝါ ဒီးဃ့န့ၢ်ယွၤအတၢ်ပၢတၢ်ဆှၢန့ၣ်လီၤ.

စံးထီၣ်ပတြၢၤ 84:10

အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤတနံၤန့ၣ်, ဂ့ၤန့ၢ်ပအိၣ်ပဆိးလၢတၢ်လီၢ်အဂၤ အနံၤတကထိတက့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယကစၢ်ယွၤအဟံၣ်ပူၤန့ၣ် ဂ့ၤဒိၣ်န့ၢ် ယအိၣ်ယဆိးလၢပှၤတတီတလိၤ အဟံၣ်တဖၣ်အပူၤတက့ၢ်လီၤ.

စံးထီၣ်ပတြၢၤ 92:13

အဝဲသ့ၣ်လီၤဂာ်ဒ် သ့ၣ်တဖၣ်လၢအဘၣ်တၢ်သူၣ်လီၤအီၤလၢ ယွၤအဟံၣ်ပူၤအသိး လၢအဂုၤထီၣ်ပသီထီၣ်လၢ ပကစၢ်ယွၤအတၢ်လုၢ်ဟံၣ်အပူၤအသိး,

လံာ်တၢ်ဟးထီၣ်ကွံာ် 12:7

ပှၤဂီၢ်မုၢ်ကဘၣ်ဟံးန့ၢ်တၢ်သွံၣ်တနီၤဒီးထွါအီၤလၢတြဲၤအထူၣ် တဖၣ်အလိၤဒီးလၢတြဲၤတဖၣ်အခိၣ်ထိးဖဲဟံၣ်လၢဆၣ်ဖိကီၢ်ဖိတဖၣ် ကဘၣ်တၢ်အီၣ်အီၤန့ၣ်လီၤ.

တၢ်ကတိၤဒိ. 1:21

ကိးထီၣ်ဝဲဖးဒိၣ်လၢဝ့ၢ်အတြဲၤတဖၣ်ဒီးတပူၤလၢ်လၢ်ဖဲပှၤဂီၢ် မုၢ်ပာ်ဖှိၣ်သးအလီၢ်န့ၣ်လီၤ.

တၢ်ကတိၤဒိ. 3:13

ပှၤလၢအကဲထီၣ်ပှၤကူၣ်သ့ဒီးမၤန့ၢ်တၢ်သ့ၣ်ညါနၢ်ပၢၢ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

တၢ်ကတိၤဒိ. 3:18

ပှၤလၢအကဲထီၣ်ပှၤကူၣ်သ့တဖၣ်န့ၣ်, ဘၣ်ဆိၣ်ဂ့ၤဝဲနီၢ်နီၢ်လီၤ. တၢ်ကူၣ်သ့ကဟ့ၣ်အဝဲသ့ၣ်လၢတၢ်မူလီၤ.

လံာ်မးသဲ 7:24

လၢတၢ်န့ၣ်အဃိ, ပှၤတဂၤလၢ်လၢ်လၢအနၢ်ဟူ ယတၢ်ကတိၤတဖၣ်အံၤဒီးစူၢ်ဝဲန့ၣ်, လီၤဂာ်ဒ်ပှၤကူၣ်ဘၣ်ကူၣ်သ့လၢ အဘှီထီၣ်အဟံၣ်လၢလၢၢ်အလိၤအသိးန့ၣ်လီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်လူၤကၣ် 10:39

အဝဲဒၣ်အိၣ်ဒီးအဒီပုၢ်ဝဲၢ်မုၣ်တဂၤလၢအမံၤမ့ၢ်နီၢ်မၤရံ, လၢအဆ့ၣ်နီၤဖဲကစၢ်အခီၣ်ထံးဒီးဒိကနၣ်အဝဲအတၢ်သိၣ် လီၤသီလီၤတၢ်န့ၣ်လီၤ.

လံာ်လူၤကၣ် 11:28

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

မၤတၢ် 2:42

အဝဲသ့ၣ်ဟံးန့ၢ်တၢ်ဆၢကတီၢ်လၢကမၤလိန့ၢ်တၢ်လၢ ပှၤတၢ်မၢဖိတဖၣ်အအိၣ်, ကရ့လိာ်မုာ်လိာ်သကိးအသး, ကအီၣ်သကိးအီသကိး, ဒီးကဘါထုကဖၣ်သကိးတၢ်အဂီၢ်န့ၣ်လီၤ.