တၢ်ကတိၤဒိ. 8:29 - Sgaw Karen Common Bible

²⁹ ဒီးဖဲအဟ့ၣ်လီၤတ့ၢ်အကလုၢ်လၢပီၣ်လဲၣ်အထံတဖၣ်အသုတဟဲ ထီၣ်အါန့ၢ်အစံးပာ်တ့ၢ်ဝဲတဂ့ၤအဂီၢ်န့ၣ်လီၤ. ယအိၣ်လံဖဲန့ၣ်, ဖဲအဝဲပာ်လီၤဟီၣ်ခိၣ်အခီၣ်ထံးတဖၣ်န့ၣ်လီၤ.

တၢ်ကတိၤဒိ. 8:29 Iomraidhean Croise

လံာ်စီၤယိၤဘး 26:10

အဝဲပာ်လီၤတၢ်ပနီၣ်လၢမူထံးအိၣ်ဝဲလၢပီၣ်လဲၣ်အထံဖံးခိၣ် ဒ်သိးအကနီၤဖးတၢ်ကပီၤဒီးတၢ်ခံးအဆၢန့ၣ်လီၤ.

စံးထီၣ်ပတြၢၤ 104:5

နပာ်လီၤဂၢၢ်ကျၢၤဟီၣ်ခိၣ်လၢ အခီၣ်ထံးတဖၣ်အဖီခိၣ် ဒ်သိးအသုတဟူးတဝးဘၣ်နီတဘျီတဂ့ၤန့ၣ်လီၤ.

စံးထီၣ်ပတြၢၤ 104:9

နပာ်လီၤတၢ်အဆၢတဖၣ်လၢအဝဲသ့ၣ်သုတလဲၤခီဂာ်ဝဲ နီတစုတဂ့ၤ ဒီးဒ်သိးအသုတဟဲက့ၤလုၣ်ဘၢကဒီး ဟီၣ်ခိၣ်တဂ့ၤအဂီၢ်န့ၣ်လီၤ.

စံးထီၣ်ပတြၢၤ 136:5

အဝဲတ့လီၤဝဲမူခိၣ်လၢအတၢ်ကူၣ်သ့ကူၣ်ဘၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 33:7

ပာ်ဖှိၣ်ပီၣ်လဲၣ်အထံခဲလၢာ်လၢတၢ်လီၢ်တပူၤဃီ ဒီးပာ်ပီၣ်လဲၣ်အထံယိာ်လၢ တၢ်ပာ်ဖှိၣ်အလီၢ်တဖၣ်န့ၣ်လီၤ.

တၢ်ကတိၤဒိ. 3:19

ယွၤတ့လီၤတ့ၢ်ဟီၣ်ခိၣ်လၢအတၢ်ကူၣ်သ့, ဒီးလၢအတၢ်သ့ၣ်ညါဒၣ်ဝဲန့ၣ်ကျဲၤလီၤပာ်လီၤမူခိၣ်လၢအလီၢ် အကျဲလီၤ.

တၢ်ကတိၤဒိ. 8:28

ဖဲအပာ်လီၤတ့ၢ်တၢ်အၢၣ်တဖၣ်လၢမူခိၣ်, ဖဲအအိးထီၣ်တ့ၢ်ပီၣ်လဲၣ်အထံထီၣ်ပၢၢ်တဖၣ်,

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်ယိၤဟၣ် 19:22

စီၤပံၤလးစံးဆၢတၢ်ဒီးစံးဝဲ, “တၢ်လၢယကွဲးလီၤအီၤ ဝံၤလံန့ၣ်, ကအိၣ်ဒၣ်ဝဲဒ်ယကွဲးလီၤအီၤအသိးန့ၣ်တက့ၢ်.”