တၢ်ကတိၤဒိ. 8:21 - Sgaw Karen Common Bible

²¹ ယဟ့ၣ်လီၤတၢ်ထူးတၢ်တီၤဆူပှၤတဖၣ်လၢအအဲၣ်ယၤ ဒီးမၤပှဲၤအဟံၣ်တဖၣ်လၢတၢ်လုၢ်ဒိၣ်ပှ့ၤဒိၣ်န့ၣ်လီၤ.

တၢ်ကတိၤဒိ. 8:21 Iomraidhean Croise

လံာ်တၢ်ကဲထီၣ်အခီၣ်ထံး 15:14

ဘၣ်ဆၣ်ဒီး, ယကစံၣ်ညီၣ်ပှၤတကလုာ်လၢအမၢကဲကုၢ်အဝဲသ့ၣ်, ဒီးတုၤအဝဲသ့ၣ်ဟးထီၣ်ကွံာ်လၢပှၤထံပှၤကီၢ်န့ၣ်အဝဲသ့ၣ်ကစိာ် ဃုာ်တၢ်ထူးတၢ်တီၤအါအါဂီၢ်ဂီၢ်န့ၣ်လီၤ.

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

တၢ်ကတိၤဒိ. 1:13

ပကဃုထံၣ်ကယဲၢ်တၢ်ထူးတၢ်တီၤအကလုာ်ကလုာ်ဒီးမၤပှဲၤပဟံၣ် လၢတၢ်ဂုာ်န့ၢ်ဆူၣ်တဖၣ်န့ၣ်လီၤ.

တၢ်ကတိၤဒိ. 10:22

ယွၤအတၢ်ဆိၣ်ဂ့ၤန့ၣ်, ဒုးထူးတီၤထီၣ်နၤလီၤ. ဒီးအဝဲတပာ်ဖှိၣ်တၢ်သူၣ်အုးသးအုးဆူနတၢ်ထူးတၢ်တီၤန့ၣ်ဘၣ်.

တၢ်ကတိၤဒိ. 15:6

ပှၤအတီအလိၤတဖၣ်ပၢၤဃာ်အတၢ်ထူးတၢ်တီၤလီၤ. မ့မ့ၢ်ပှၤတတီတလိၤတဖၣ်မၤလီၤမၢ်ကွံာ်အတၢ်ထူးတၢ်တီၤဖဲ တၢ်ဆၢကတီၢ်အကီအခဲတဖၣ်ဟဲဝဲန့ၣ်လီၤ.

တၢ်ကတိၤဒိ. 21:20

ပှၤကူၣ်သ့တဖၣ်န့ၣ်အိၣ်မူလၢတၢ်ထူးတၢ်တီၤဒီးဟီၣ်ခိၣ်အတၢ် မုာ်တၢ်လၤအပူၤလီၤ. မ့မ့ၢ်, ပှၤလၢအမၢးတဖၣ်သူလၢာ်ကွံာ်အစ့ထဲသိးသိးအမၤန့ၢ် အီၤန့ၣ်လီၤ.

တၢ်ကတိၤဒိ. 24:4

ဖဲတၢ်သ့ၣ်ညါအိၣ်ဝဲန့ၣ်, ဒၢးတဖၣ်ကဘၣ်တၢ်မၤပှဲၤအီၤဒီး တၢ်လုၢ်ဒိၣ်ပှ့ၤဒိၣ်ဒီးတၢ်အဃံအလၤတဖၣ်န့ၣ်လီၤ.

တၢ်ကတိၤဒိ. 6:31

တုၤမ့ၢ်တၢ်ဖီၣ်န့ၢ်အီၤဒီး, အဝဲကဘၣ်ဟ့ၣ်က့ၤတၢ်အါန့ၢ်အလီၢ်နွံစး, ကဘၣ်ဟ့ၣ်တၢ်လၢအအိၣ်ဒီးအီၤခဲလၢာ်လီၤ.

တၢ်ကတိၤဒိ. 8:18

ယအိၣ်ဒီးတၢ်ထူးတၢ်တီၤတဖၣ်ဒီးတၢ်လၤကပီၤလၢယဟ့ၣ်အီၤ, တၢ်ဘီၣ်ထီၣ်ညီထီၣ်ဒီးတၢ်မၤန့ၢ်မၤနၢၤန့ၣ်လီၤ.

တၢ်ကတိၤဒိ. 8:20

ယလဲၤတၢ်လၢကျဲတီကျဲလိၤအပူၤ ဒီးယပိာ်ထွဲတၢ်စံၣ်ညီၣ်တီအကျဲတဖၣ်လီၤ.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

ရိမ့ၤ 8:17

မ့ၢ်လၢပမ့ၢ်အဖိတဖၣ်အဃိ, ပကန့ၢ်သါတၢ်ဆိၣ်ဂ့ၤတဖၣ် လၢအပာ်ဃာ်ဝဲလၢအပှၤဂီၢ်မုၢ်အဂီၢ်, ဒီးပကန့ၢ်သါဃုာ် ဒီးခရံာ်တၢ်လၢကစၢ်ယွၤပာ်ဃာ်လၢအဝဲအဂီၢ်စ့ၢ်ကီးန့ၣ် လီၤ. အဂ့ၢ်ဒ်လဲၣ်န့ၣ်, ပမ့ၢ်ဒိးဃုာ်တၢ်နးတၢ်ဖှီၣ်ဒီးခရံာ် ဒီးပကဘၣ်ဃုာ်တၢ်လၤတၢ်ကပီၤဒီးအီၤစ့ၢ်ကီးလီၤ.

ဧ့ၤဘြံၤ 10:34

အဂ့ၢ်ဒ်အံၤ, သုသးအိၣ်သးကညီၤဘၣ်ပှၤလၢအလီၤဘၣ်လၢ ဃိာ်ပူၤတဖၣ်ဒီးဖဲတၢ်လၢအအိၣ်ဒီးသုတဖၣ်ဘၣ်တၢ်ဟံးန့ၢ် ကွံာ်အီၤလၢသုအိၣ်န့ၣ်, သုတူၢ်အီၤလၢတၢ်သးမုာ်သးခုအပူၤမ့ၢ်လၢသုသ့ၣ်ညါ လၢတၢ်လၢအဂ့ၤဒီးဂၢၢ်ကျၢၤဒိၣ်န့ၢ်အန့ၣ်တက့ၢ်အိၣ်ဒံး ဒီးသုအဃိန့ၣ်လီၤ.

၁ ပ့းတရူး 1:4

ဒီးလၢတၢ်န့ၣ်အဃိ, ပကွၢ်စိဃီၤဆူတၢ်န့ၢ်သါလၢအဟးဂီၤ တသ့, တဘၣ်အၢဘၣ်သီ, ဒီးတလီၤညွံးလီၤဘဲဘၣ်အတၢ်ဆိၣ်ဂ့ၤ လၢကစၢ်ယွၤပာ်အီၤလၢမူခိၣ်လၢအပှၤဂီၢ်မုၢ်အဂီၢ်န့ၣ်လီၤ.

လံာ်လီၣ်ဖျါ 21:7

ပှၤတဂၤလၢ်လၢ်လၢအဒိးန့ၢ်တၢ်မၤနၢၤန့ၣ်ကဒိးန့ၢ် ဘၣ်တၢ်တမံၤအံၤလၢယအိၣ်လီၤ. ယကမ့ၢ်အဝဲဒၣ် အကစၢ်ယွၤ, ဒီးအဝဲဒၣ်ကမ့ၢ်ယဖိခွါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.