တၢ်ကတိၤဒိ. 8:11 - Sgaw Karen Common Bible

¹¹ ယဲဒၣ်အံၤယမ့ၢ်တၢ်ကူၣ်သ့ဒီးယဂ့ၤန့ၢ်တၢ်မျၢ်ပလဲ တဖၣ်လီၤ. တၢ်လၢသုသးလီန့ၣ်, သုထိၣ်သတြီၤဒီးယၤတသ့နီတမံၤဘၣ်.

တၢ်ကတိၤဒိ. 8:11 Iomraidhean Croise

စံးထီၣ်ပတြၢၤ 119:103

လၢယလ့ၣ်ကွၢ်တၢ်န့ၣ် နကလုၢ်နကထါဆၢဆံးဒိၣ်လဲၣ်. ဆၢန့ၢ်ကနဲစီလၢယကိာ်ပူၤန့ၣ်တက့ၢ်လီၤ.

စံးထီၣ်ပတြၢၤ 119:127

မၤသးဒ်န့ၣ်ဒီးယအဲၣ်နတၢ်မၤလိာ်တဖၣ် အါန့ၢ်ထူဧိၤလွဲဧိၤ, ဒီးထူစီတက့ၢ်လီၤ.

စံးထီၣ်ပတြၢၤ 119:72

နတၢ်သိၣ်တၢ်သီလၢနထးခိၣ်အံၤ ဂ့ၤဝဲလၢယဂီၢ်ဒိၣ်န့ၢ်ဒံးထူဧိၤလွဲဧိၤ ဒီး ကျိၣ်ဧိၤစ့ဧိၤအကထိတဖၣ်တက့ၢ်န့ၣ်လီၤ.

စံးထီၣ်ပတြၢၤ 19:10

ပဆၢဒိးန့ၢ်ဘၣ်အီၤအလီၢ်အိၣ်ဒိၣ်န့ၢ်ထူ, ဒီးဒိၣ်န့ၢ်ထူအစီလၢအအါတက့ၢ်န့ၣ်လီၤ. မ့ၢ်အဆၢန့ၢ်ကနဲစီ, ဒီးကနဲစီလၢအလီၤစီၤလၢ ကနဲအခိၣ်ထံအလိၤတက့ၢ်န့ၣ်လီၤ.

တၢ်ကတိၤဒိ. 16:16

တၢ်န့ၢ်ဘၣ်တၢ်ကူၣ်သ့န့ၣ်ဂ့ၤန့ၢ်ထူတက့ၢ်လီၤ. ဒီးတၢ်န့ၢ်ဘၣ်တၢ်ကူၣ်တၢ်ဆးန့ၣ်ဂ့ၤလၢပှၤဃုထၢအီၤအါန့ၢ်စ့ တက့ၢ်လီၤ.

တၢ်ကတိၤဒိ. 20:15

နမ့ၢ်သ့ၣ်ညါတၢ်ဂ့ၢ်လၢနကတိၤအီၤန့ၣ်ဒီး, နအိၣ်လံဒီးတၢ်တမံၤ မံၤလၢအလုၢ်ဒိၣ်ပှ့ၤဒိၣ်န့ၢ်ဒံးထူဒီးတၢ်မျၢ်တဖၣ်လီၤ.

တၢ်ကတိၤဒိ. 31:10

မါလၢအထီၣ်ဘးတဂၤန့ၣ်ပဃုထံၣ်န့ၢ်အီၤကီမးလဲၣ်. အဝဲလုၢ်ဒိၣ်ပှ့ၤဒိၣ်န့ၢ်ဒံးတၢ်မျၢ်ပလဲတဖၣ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 7:11

ပှၤလၢအအိၣ်မူကိးဂၤဒဲးန့ၣ်ကြၢးကူၣ်သ့ကူၣ်ဘၣ်လီၤ. တၢ်အံၤဂ့ၤထဲသိးဒီးတၢ်ဒိးန့ၢ်ဘၣ်တၢ်န့ၢ်သါတမံၤ,

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်သိၣ်လီၤသီလီၤတၢ် 30:13

တအိၣ်စ့ၢ်ကီးဘၣ်လၢပီၣ်လဲၣ်အဝၢ်ဘးခီဘၣ်. တလိၣ်လၢသု ကဘၣ်သံကွၢ်, (မ့ၢ်မတၤကလဲၤခီဂာ်ပီၣ်လဲၣ်ဒီးဟဲက့ၤစိာ်န့ၢ် ပှၤဒ်သိးပကနၢ်ဟူဘၣ်အီၤဒီးစူၢ်အီၤကသ့လဲၣ်.) န့ၣ်ဘၣ်.